Guineabukta
Guineabukta | |||
bukt | |||
Satellittbilde av Guineabukta.(Kjelde: NASA)
| |||
Land | |||
---|---|---|---|
Del av | Nord-Atlanteren | ||
Guineabukta 1°N 4°E / 1°N 4°E | |||
Wikimedia Commons: Gulf of Guinea |
Guineabukta er ei bukt som ligg aust i Atlanterhavet, utanfor Vest- og Sentral-Afrika. Elfenbeinskysten, Ghana, Togo, Benin, Nigeria, Kamerun og Ekvatorial-Guinea har kyst mot bukta, medan øystaten São Tomé og Príncipe ligg i henne. Bukta mellom Benin og utløpet av Niger er kjend som Beninbukta, medan bukta mellom Niger og Kapp Lopez blir kalla Biafra- eller Bonnybukta.
Den internasjonale hydrografiorganisasjonen (IHO) definerer grensa for bukta mot sjølve Atlanteren som «ei linje som går sørvest frå Kapp Palmas i Liberia til Kapp Lopez i Gabon».[1] Nullmeridianen og ekvator (lengdegrad 0 og breiddegrad 0) kryssar kvarandre i bukta.[2]
Nigerelva er den viktigaste elva som renn ut i bukta.
Guineabukta er utan større sokkelområde, og skrånar raskt ned mot store havdjupner. Største djupna i Guineabukta er over 5000 meter.
Øyar
[endre | endre wikiteksten]Det ligg fleire øyar i bukta. Dei største ligg i ei øyrekkje som går i sørvestleg-nordaustleg retning, og er ein del av den vulkanske Kamerunlinja.
Bobowasiøya høyrer til Ghana.
Annobón, også kjend som Pagalu og Pigalu, Corisco, Elobey Grande og Elobey Chico høyrer til Ekvatorial-Guinea.
Bioko ligg utanfor Ambazonian-regionen i Kamerun, men tilhøyrar Ekvatorial-Guinea, og husar hovudstaden i landet.
São Tomé og Príncipe er ein portugisiskspråkleg øystat som fekk sjølvstende frå Portugal i 1975. Han utgjer to øyar, São Tomé og Príncipe. Dei ligg 140 km unna kvarandre, og er kring 250 og 225 unna nordvestkysten av Gabon. Begge er del av Kamerunlinja. São Tomé, den sørlege øya, ligg like nord for ekvator.
Kjelder
[endre | endre wikiteksten]- ↑ «Limits of Oceans and Seas, 3rd edition» (PDF). International Hydrographic Organization. 1953. Arkivert frå originalen (PDF) 8. oktober 2011. Henta 7. februar 2010.
- ↑ Rosenberg, Matt (30. januar 2020). «Where Do the Prime Meridian and the Equator Intersect?». ThoughtCo. Henta 7. juli 2022.
- Denne artikkelen bygger på «Gulf of Guinea» frå Wikipedia på engelsk, og «Guineabukta» frå Wikipedia på bokmål den 18. september 2010.