Dvergsporv
Dvergsporv | |
Dvergsporv | |
Utbreiing og status | |
Status i verda: Status i Noreg: Utbreiing ██ Berre hekking ██ Overvintring | |
Systematikk | |
Rike: | Dyr Animalia |
Rekkje: | Ryggstrengdyr Chordata |
Underrekkje: | Virveldyr Vertebrata |
Klasse: | Fuglar Aves |
Orden: | Sporvefuglar Passeriformes |
Familie: | Busksporvfamilien Emberizidae |
Slekt: | Emberiza |
Art: | Dvergsporv E. pusilla |
Vitskapleg namn | |
Emberiza pusilla |
Dvergsporv (Emberiza pusilla) er ein liten fugl og medlem i busksporvfamilien. Han hekkar i nordlege Eurasia frå Finnmark til stillehavskysten, og overvintrar i sørlege Asia.
Skildring
[endre | endre wikiteksten]Dvergsporven måler 12–14 cm i kroppslengde. Han har ein kraftig stripa brun rygg og kvit underside med fine mørke striper. Med kastanjefarga andlet og kvite mustasjestripe liknar han ei lita sivsporvhoe, men har svarte kronestriper, ein kvit augering og ein fin mørk kant på baksida av kastanjekinna. Kjønna er like.
Lætet er ein særegen zik, og songen er eit rullande siroo-sir-sir-siroo.
Denne vesle sporvearten hekkar over taigaen lengst nordaust i Europa og nordlege Sibir til det russiske fjerne austen, der finst han så langt nord som ved utlaupet av elva Indigirka, og vidare aust til Kolymabukta og Anadyrbukta. Sørgrensa er nordlegaste Mongolia. Han er ein trekkfugl og overvintrar i subtropane i Nord-India, Sør-Kina og dei nordlege delane av Søraust-Asia. Fuglane blir verande i vinterkvarteret ganske lenge; trekket nordover føregår frå mars til mai månader. Dvergsporv er ein sjeldan streiffugl til Vest-Europa. Denne arten er tilpasningsdyktig; i fjella i Bhutan, til dømes, der eit lite tal overvintrar, finst han typisk i eit jordbrukshabitat, for det meste mellom 1000 og 2000 moh.
Han hekkar i open barskog, ofte med litt bjørk eller selje. Føda består av frø, eller når dei matar ungar, insekt.
Han er ein vanleg og vidt utbreidd art og blir ikkje rekna som trua på IUCN si raudliste.
- Utbreiing i Noreg
Dvergsporv er ein regelmessig, men fåtalig hekkefugl i Finnmark.[2] Det er estimert at mellom 30 og 100 individ hekkar i den austlege delen av Finnmark. Han er elles ein streiffugl i alle landsdeler utanom hekketida, særleg i september og oktober. Eit fleirtal av streiffuglane er registrerte i Rogaland.[3] Han er lista i kategorien sårbar (VU) på den norske raudlista for artar.[4]
Kjelder
[endre | endre wikiteksten]- Denne artikkelen bygger på «Little bunting» frå Wikipedia på engelsk, den 14. desember 2021.
- Copete, J.L. (2020). Little Bunting (Emberiza pusilla), version 1.0. I Birds of the World (J. del Hoyo, A. Elliott, J. Sargatal, D. A. Christie, og E. de Juana, red.) Cornell Lab of Ornithology, Ithaca, NY, USA. https://doi.org/10.2173/bow.litbun.01
- Referansar
- ↑ Artsdatabanken Raudliste faktaark dvergsporv Emberiza pusilla Pallas, 1776 Henta 14. desember 2010
- ↑ Bjørn Frantzen, 1994, Artsomtale: Emberiza pusilla – dvergspurv, S. 502 i: Gjershaug, J. O., Thingstad, P. G., Eldøy, S. & Byrkjeland, S. (red.): Norsk fugleatlas. Norsk Ornitologisk Forening, Klæbu. Henta 14. desember 2021
- ↑ «Artsobservasjoner - rapportsystem for arter i Norge». Henta 14. desember 2021.
- ↑ Dale S, Jacobsen K-O, Lislevand T, Solvang R, Stokke BG og Strøm H (2021, 24. november). Fugler: Vurdering av dvergspurv Emberiza pusilla for Norge. Norsk rødliste for arter 2021. Artsdatabanken. Henta 14. desember 2021