Faith Kipyegon
Faith Kipyegon | |
Statsborgarskap | Kenya |
Fødd | 10. januar 1994 (30 år) Bomet |
Idrett | friidrett |
Tok del i | Sommar-OL 2012, VM i friidrett 2013, VM i friidrett 2015, Samveldeleikane 2014, Friidrett under Sommer-OL 2016 – 1500 meter kvinner, Friidrett under Sommer-OL 2020 – 1500 meter kvinner |
Faith Chepngetich Kipyegon (fødd 10. januar 1994) er ein kenyansk friidrettsutøvar frå Bomet fylke i det sørvestlege Kenya som tevlar i mellomdistanseløp. Ho vart olympisk meister på 1500 meter i Sommar-OL 2016, 2021 og 2004. Kipyegon er også trefaldig verdsmeister på distansen: 2017, 2022 og 2023, samt verdsmeister 2023 på 5 000 meter. I 2023 forbetra ho verdsrekorden på så vel 1500 meter, som på 5 000 meter. Pr august 2024 er Kipyegon verdsrekordhaldar på 1500 meter med tida 3.49,0.
Aktiv
[endre | endre wikiteksten]19 år gammal sette Kipyegon sette kenyansk rekord med sterke 3.56,9. To år seinare kneip ho sølvmedaljen på distansen i Beijing-VM. I mai 2016 forbetra ho landsrekorden to gonger, fyrst til 3.56,8 i Shanghai og der etter til 3.56,4 i Eugene i Oregon. 16. august 2016 var ho uimotståeleg i innspurten på 1500 m under sommarleikane i Rio de Janeiro. Året etter vart ho mykje meir pressa i avslutninga på VM-finalen i London, men lukkast vinne ein ny gullmedalje.
Under verdsmeisterskapen 2019 i Doha kneip Kipyegon sølvmedaljen på ny kenyansk rekord: 3.54,2, likevel var ho sjanselaus mot nederlandske Sifan Hassan. I juni 2021 flytta Kipyegon landsrekorden til 3.53,9, for så den 10. juli i Monaco til 3.51,0. Den 6.august 2021 forsvarte ho den olympiske meistertittelen då ho i Tokyo vann klart og sette olympisk rekord på 3.53,1.
Medaljehaustinga heldt fram i dei komande meisterskapane. Både under VM 2022 og VM 2023 vann Kipyegon 1500-meteren. I 2023-VM deltok ho også på 5&nbp;000 meter, og etter eit løp i moderat tempo lukkast ho spurte i mål til si andre gullmedalje. Også under Sommar-OL 2024 dobla Kipyegon løpsprogrammet. Noko overraskande vart ho slått av landskvinna Beatrice Chebet i finalen på 5 000 meter. Fem dagar seinare var Kipyegon atter klart best av alle på 1500 meter og tok dermed sitt tredje strake OL-gull, nokon ingen annan har gjort.
Medaljar og plasseringar i internasjonale meisterskap
[endre | endre wikiteksten]- OL 2012 i London: Utslått i kvalifiseringa på 1500 m (4.08,7 =nr 25)
- VM 2013 i Moskva: Nr 5 på 1500 m – 4.05,0
- VM 2015 i Beijing: Sølvmedalje på 1500 m – 4.08,9, bakom Genzebe Dibaba (4,08,0)
- OL 2016 i Rio de Janeiro: Gullmedalje på 1500 m – 4.08,9, framom Genzebe Dibaba (4,10,2)
- VM 2017 i London: Gullmedalje på 1500 m – 4.02,5, framom Jennifer Simpson (4.02,7)
- VM 2019 i Doha: Sølvmedalje på 1500 m – 3.54,2, bakom Sifan Hassan (3.51,9)
- OL i 2021 i Tokyo: Gullmedalje på 1500 m – 3.53,1, framom Laura Muir (3.54,5)
- VM 2022 i Eugene: Gullmedalje på 1500 m – 3.52,9, framom Gudaf Tsegay (3.54,5)
- VM 2023 i Budapest: Gullmedalje på 1500 m – 3.54,8 og på 5 000 m – 14.53,8
- OL 2024 i Paris: Gullmedalje på 1500 m – 3.51,2 og sølvmedalje på 5 000 m – 14.29,60[1]
Kjelder
[endre | endre wikiteksten]- ↑ «Women's 5000m Final Results» (på engelsk). International Olympic Committee. Henta 7. august 2024.
- Denne artikkelen bygger på «Faith Kipyegon» frå Wikipedia på engelsk, den 10. mai 2021.
- Einskildkvinner
- Fødde i 1994
- Kenyanske mellomdistanseløparar
- Verdsmeistrar i friidrett for Kenya
- Olympiske meistrar for Kenya
- Olympiske sølvmedaljevinnarar for Kenya
- Kenyanske deltakarar under sommar-OL 2012
- Friidrettsutøvarar under sommar-OL 2012
- Medaljevinnarar under sommar-OL 2016
- Kenyanske deltakarar under sommar-OL 2016
- Friidrettsutøvarar under sommar-OL 2016
- Medaljevinnarar under sommar-OL 2020
- Kenyanske deltakarar under sommar-OL 2020
- Friidrettsutøvarar under sommar-OL 2020
- Medaljevinnarar under sommar-OL 2024
- Kenyanske deltakarar under sommar-OL 2024
- Friidrettsutøvarar under sommar-OL 2024