Kicks
Kicks Singel av Paul Revere & the Raiders frå albumet Midnight Ride | ||
B-side |
«Shake It Up» (Non-Lp track) | |
---|---|---|
Språk | engelsk | |
Utgjeve | 28. februar 1966[1] | |
Sjanger | Garasjerock | |
Lengd | 2:26 | |
Selskap | Columbia | |
Komponist | Barry Mann, Cynthia Weil | |
Tekstforfattar | Barry Mann, Cynthia Weil | |
Låtskrivar(ar) | Barry Mann, Cynthia Weil | |
Produsent | Terry Melcher | |
Paul Revere & the Raiders-kronologi | ||
«Just Like Me» (1965) |
Kicks | «Hungry» (1966)
|
«Kicks» er ein song av det amerikanske rockbandet Paul Revere & the Raiders. Barry Mann og Cynthia Weil skreiv songen med The Animals i tankane, men songaren i bandet, Eric Burdon, takka nei.[2] I staden for spelte Paul Revere & The Raiders inn songen og gav han ut på singel i 1966. Singelen gjekk heilt til topps i Canada og nådde fjerdeplassen i USA. «Kicks» kom ut på det femte albumet til bandet, Midnight Ride, i mai 1966. Eit konsertopptak av songen vart spelt inn av bandet og gjeven ut på samlealbumet Greatest Hits Live i 1996.
«Kicks» vert rekna som ein av dei første antidopsongane og kom ut i tida då tema som hippiar, eksperimentering og motkultur vart stadig meir populært på amerikansk radio.[3] Meldinga i songen vart rekna som tudatert av den gryande motkulturrørsla sidan populære artistar som The Beatles og Jefferson Airplane hadde skrive songar som stod i skarp kontrast til temaet på «Kicks.»[3] Songen har likevel fått god omtale i åra etter han kom ut.[4][5][6] I 2004 vart «Kicks» rangert på 400. plassen på lista til Rolling Stone over dei 500 beste songane gjennom tidene, men på den oppdaterte lista frå 2010, var songen ute av lista.
Utgjeving
[endre | endre wikiteksten]I mars 1966 gjekk «Kicks» inn på den amerikanske Billboard Hot 100-lista på ein 62. plass.[7] I mai det året nådde han fjerdeplassen,[8] og låg i alt 14 veker på lista.[9] I løpet av dei to første månadane, hadde singelen seld 500 000 eksemplar.[10] Det var den største hitten til Paul Revere & the Raiders til då, berre forbigått av «Indian Reservation (The Lament of the Cherokee Reservation Indian)» i 1971 som nådde toppen av lista.[11] «Kicks» vart den første singelen deira som gjekk til topps på hitlista i Canada i mai 1966.[12]
Songar-låtskrivaren David Crosby, som då var medlem av The Byrds, mislikte suksessen til songen, særleg fordi han kom ut like etter at deira eigen «Eight Miles High» var blitt boikotta av mange amerikanske radiostasjonar.[13] Crosby skildra «Kicks» som «ein dum antidopsong» som tok «eit falskt standpunkt. Med 'Eight Miles High' snakka me om noko som låg nær hjarta våre.»[13]
Beach Boys-grunnleggjaren Brian Wilson peikte ut «Kicks» som ein av favorittsongane sine av dei Terry Melcher hadde arbeidd på.[14] Bruce Eder i AllMusic kalla han «ein flott song som klarte å vere kul og antidop.»[5] I boka si Everybody Must Get Stoned frå 2009, skreiv forfattaren R.U. Sirius at «Kicks» var den beste antidopsongen.[6] Songen vart plassert på 36. plassen på lista til Paste Magazine frå 2014 over dei 50 beste garasjerocksongane gjennom tidene.[15]
Andre versjonar
[endre | endre wikiteksten]Fleire av medlemmane i Paul Revere & The Raiders har spelt inn sine eigne versjonar av songen. Mann og Weil kom attende til songeni 2004 i musikalen They Wrote That? The Songs of Barry Mann & Cynthia Weil.[16]
Del Shannon spelte inn ein versjon av «Kicks» i 1966 på albumet hans This Is My Bag.[17] Surfrockgruppa The Challengers spelte inn songen på albumet deira California Kicks, som kom ut i 1966.[18] The Leathercoated Minds, eit studioband med J.J. Cale på gitar og produksjon, spelte songen i 1968 på albumet deira A Trip Down the Sunset Strip.[19] Det psykedeliske rockebandet Nazz spelte inn songen på det siste albumet sitt, Nazz III.[20] I 1974 fekk John Mellencamp kontrakt med MCA Records etter å ha spelt inn ein demo der han spelte songen.[21] Rockebandet Earth Quake spelte inn ein versjon av songen i 1977 på albumet deira Levelled.[22] Leif Garrett spelte «Kicks» i 1979 på albumet hans Same Goes for You.[23] David Edwards spelte ein versjon av «Kicks» på debutalbumet sitt i 1981. Naz Nomad and the Nightmares, eit sideprosjekt med medlemmmar av punkebandet The Damned, spelte inn songen i 1984 på albumet deira Give Daddy the Knife Cindy.[24] The Monkees inkluderte sin versjon av songen i 1986 på samlealbumet Then & Now... The Best of The Monkees.[25] Rockebandet The Flamin' Groovies gav ut «Kicks» på singel frå albumet One Night Stand i 1986.[26] I 1999 gav jazzgitaristen Mimi Fox ut songen på albumet Kicks.[27] Garasjerockbandet The Gants gav ut sin versjon av songen i 2000 på albumet I Wonder.[28] Everclear spelte inn songen i 2008 på albumet deira The Vegas Years.[29]
Innhald
[endre | endre wikiteksten]7" Vinyl
- «Kicks» (Mann, Weil) – 2:26
- «Shake It Up» (Lindsay, Revere) – 3:59
Medverkande
[endre | endre wikiteksten]- Mark Lindsay – solovokal
- Drake Levin – sologitar, korvokal
- Phil Volk – bassgitar, korvokal
- Paul Revere – orgel, korvokal
- Hal Blaine – trommer
- Jerry Cole - gitar[30]
- Terry Melcher – produsent
Salslister
[endre | endre wikiteksten]Liste (1966) | Plassering |
---|---|
Canadian Singles Chart[12] | 1 |
U.S. Billboard Hot 100 Chart[11] | 4 |
U.S. Cash Box Top 100 Singles Chart[31] | 3 |
Kjelder
[endre | endre wikiteksten]- Denne artikkelen bygger på «Kicks (song)» frå Wikipedia på engelsk, den 2. mai 2018.
- ↑ «The RS 500 Greatest Songs of All Time». Rolling Stone (Wenner Media). 9. desember 2004. Arkivert frå originalen 22. november 2007. Henta 2. mai 2018.
- ↑ Dominic, Serene (9. mars 2000). «Phoenix Music – Paul Revere & the Raiders». Phoenix New Times (New Times Media). Arkivert frå originalen 9. oktober 2012. Henta 2. mai 2018.
- ↑ 3,0 3,1 Perone, James E. (2004). Music of the Counterculture Era (1st utg.). Westport, Conn.: Greenwood Press. s. 113–4, 117–8. ISBN 978-0-313-32689-9.
- ↑ Brown, Chris (March 1966). «Record Reviews». Crawdaddy! 1 (3): 16–17.
- ↑ 5,0 5,1 «Paul Revere & the Raiders – Biography». AllMusic (Rovi Corporation). Henta 2. mai 2018.
- ↑ 6,0 6,1 Sirius, R.U. (2009). Everybody Must Get Stoned. New York: Citadel Press (Kensington Books). s. 118. ISBN 978-0-8065-3073-4.
- ↑ «Billboard Hot 100». Billboard (Nielsen Business Media, Inc.) 78 (13): 20. 26. mars 1966. Henta 2. mai 2018.
- ↑ «Billboard Hot 100». Billboard (Nielsen Business Media, Inc.) 78 (20): 22. 14. mai 1966. Henta 2. mai 2018.
- ↑ «Billboard Hot 100». Billboard (Nielsen Business Media, Inc.) 78 (25): 18. 18. juni 1966. Henta 2. mai 2018.
- ↑ «Revere and Raiders in Hot (Records) Gallop». Billboard (Nielsen Business Media, Inc.) 78 (19): 56. 18. juni 1966. Henta 2. mai 2018.
- ↑ 11,0 11,1 «Paul Revere & the Raiders – Charts & Awards – Billboard Singles». AllMusic (Rovi Corporation). Henta 2. mai 2018.
- ↑ 12,0 12,1 «RPM 100». RPM (RPM Music Publications Ltd.) 5 (10). 2. mai 1966. Henta 2. mai 2018.
- ↑ 13,0 13,1 Zimmer, Dave; Diltz, Henry (2008). Crosby, Stills & Nash: The Biography (3rd utg.). New York: Da Capo Press. s. 43. ISBN 978-0-306-81615-4.
- ↑ «Producer Terry Melcher Dies». Billboard (Nielsen Business Media, Inc.) 116 (49): 8. 4. desember 2004. Henta 2. mai 2018.
- ↑ Stiernberg, Bonnie (27. august 2014). «The 50 Best Garage Rock Songs of All Time». Paste Magazine. Henta 2. mai 2018.
- ↑ Bessman, Jim (28. februar 2004). «They Wrote That? We Loved It». Billboard (Nielsen Business Media, Inc.) 116 (9): 56. Henta 9. september 2009.
- ↑ Eder, Bruce. «Overview – This Is My Bag – Del Shannon». AllMusic (Rovi Corporation). Henta 2. mai 2018.
- ↑ «Overview – California Kicks – The Challengers». AllMusic (Rovi Corporation). Henta 2. mai 2018.
- ↑ «Overview – A Trip Down the Sunset Strip – The Leathercoated Minds». AllMusic (Rovi Corporation). Henta 2. mai 2018.
- ↑ «Overview – Nazz III – The Nazz». AllMusic (Rovi Corporation). Henta 2. mai 2018.
- ↑ «VH1 – John Mellencamp». VH1 (MTV Networks). Arkivert frå originalen 5. juni 2011. Henta 2. mai 2018.
- ↑ Worbois, Jim. «Overview – Levelled – Earth Quake». AllMusic (Rovi Corporation). Henta 2. mai 2018.
- ↑ «Overview – Same Goes for You – Leif Garrett». AllMusic (Rovi Corporation). Henta 2. mai 2018.
- ↑ Raggett, Ned. «Overview – Give Daddy the Knife Cindy – Naz Nomad and the Nightmares». AllMusic (Rovi Corporation). Henta 2. mai 2018.
- ↑ «Reviews – Albums». Billboard (Nielsen Business Media, Inc.) 98 (29): 74. 19. juli 1986. Henta 2. mai 2018.
- ↑ «AIM Records». Billboard (Nielsen Business Media, Inc.) 98 (46): 56. 15. november 1986. Henta 9. september 2009.
- ↑ «Overview – Kicks – Mimi Fox». AllMusic (Rovi Corporation). Henta 2. mai 2018.
- ↑ Unterberger, Richie. «Overview – I Wonder – The Gants». AllMusic (Rovi Corporation). Henta 2. mai 2018.
- ↑ «Review – 'The Vegas Years' – Everclear». AllMusic (Rovi Corporation). Henta 2. mai 2018.
- ↑ «The Independent». Henta 14. september 2017.
- ↑ «Cash Box Top 100 5/07/66». Cashbox Magazine, Inc. Henta 2. mai 2018.
Bakgrunnsstoff
[endre | endre wikiteksten]- Songar frå 1966
- Singlar frå 1966
- Songar skrivne av Barry Mann
- Songar med tekst av Cynthia Weil
- Paul Revere & the Raiders-songar
- Songar produserte av Terry Melcher
- Nummer-ein-singlar i Canada
- Parlophone-singlar
- Songar om narkotika
- Leif Garrett-songar
- Del Shannon-songar
- The Challengers-songar
- Nazz-songar
- The Monkees-songar
- Flamin' Groovies-songar
- Everclear-songar