Hansi Müller
| |||
Personleg informasjon | |||
---|---|---|---|
Fullt namn | Hans-Peter Müller | ||
Fødd | 27. juli 1957 (67 år) | ||
Fødestad | Stuttgart | ||
Høgd | 180 cm | ||
Posisjon | Midtbanespelar | ||
Seniorkarriere* | |||
År | Lag | Kampar (Mål) | |
1975-82 1982-84 1984-85 1985-90 |
Stuttgart Inter Como Swarovski Tirol |
186 (65) 48 (8) 17 (1) 123 (35) | |
Landslag | |||
1978-83 | Vest-Tyskland | 42 (1) | |
* Seniorklubbkampar og mål berre telt for nasjonal liga |
Hans Peter Müller (fødd 27. juli 1957) er ein tysk tidlegare fotballspelar frå Stuttgart var ein offensiv midtbanespelar som vart europameister 1980 med Vest-Tyskland og fekk VM-sølv i 1982.
Klubbspel
[endre | endre wikiteksten]Müller var VfB Stuttgart-spelar frå 1975 til 1982, dei to fyrste sesongane på nivå 2 i serien. Med Stuttgart vart han nummer to i bundesligaen 1979, eitt poeng bakom Hamburger SV. Sommaren 1982 vart han overført til Inter Milan, der han etter kvart var noko skadeplaga. 1984/85-sesongen gjorde han teneste i Como 1907. I 1985 fekk Müller kontrakt med Swarovski Tirol i Austerrike, med laget frå Innsbruck vann han dobbelt, siger i både serie og cup, våren i 1989. Etter seriegull nummer to i 1990 la han opp.
Landslagsspel
[endre | endre wikiteksten]Müller landslagdebuterte for Vest-Tyskland i april 1978 og deltok i fire av VM-kampane under verdsmeisterskapen i Argentina i juni månad. Hans store turnering var EM 1980 i Italia der Vest-Tyskland vart europameister etter finalesiger 2-1 mot Belgia, med Müller som playmaker. Under Fotball-VM 1982 i Spania fekk han lite speletid, men kom innpå som innbytar i finalen mot Italia, eit oppgjer som enda med vesttysk tap 1-3. Müller spelte sin landskamp nummer 42 i september 1983. Han skåra 5 mål for Vest-Tyskland.
Merittar
[endre | endre wikiteksten]- Europameister: 1980 for Vest-Tyskland
- VM-sølv: 1982 for Vest-Tyskland
- Austerriksk seriemeister: 1989 og 1990 med FC Swarovski Tirol
- Austerriksk cupmeister: 1989 med FC Swarovski Tirol
Kjelder
[endre | endre wikiteksten]- Denne artikkelen bygger på «Hansi Müller» frå Wikipedia på tysk, den 23. juni 2018.