Musikkgruppa Franz Ferdinand
Franz Ferdinand | |||
| |||
Aktiv | 2002– | ||
---|---|---|---|
Sjanger | Indierock, postpunk | ||
Plateselskap | Domino Records |
Franz Ferdinand er ei indierockgruppe frå Glasgow i Skottland, skipa i 2001. Ho slo gjennom i 2004 med singelen «Take Me Out».
Namn
[endre | endre wikiteksten]Namnet «Franz Ferdinand» blei inspirert av ein tur til veddeløpsbana der ein av dei tevlande hestane heitte «The Archduke» (‘erkehertugen’).[1] Namnet på hesten fekk gruppa til å byrja snakka om erkehertug Franz Ferdinand, og dei tykte det var eit bra bandenamn fordi det lét godt og på grunn av at drapet på Franz Ferdinand endra verda.
Historie
[endre | endre wikiteksten]I 2001 leita Alexander Kapranos etter medlemmar til eit nytt band. Han hadde tidlegare spelt i blant anna dei lokale gruppene The Karelia og Yummy Fur. Robert Hardy frå Bradford var student ved kunstskulen i Glasgow, og blei kjent med Alex på ein kafé han ofte gjekk på. Etter at ein ven gav Alexander ein bassgitar med beskjed om å gjera noko nyttig med han, lærte han Robert å spela bassgitar. Saman starta dei ei gruppe der Alexander spela gitar og song og Robert spelte bassgitar. Men bandet mangla trommeslagar og andre bandmedlemmar. Alexander møtte Nicholas McCarthy, som var ein klassisk pianist og kontrabassist, på ein fest og rekrutterte han til å spela trommer i bandet, sjølv om Nicholas mangla erfaring med instrumentet. Nicholas prøvde likevel å spela trommer i starten, men til slutt rekrutterte bandet Paul Thomson som trommeslagar. Paul hadde spelt med Alexander i The Yummy Fur tidlegare. I staden byrja Nicholas å spela gitar og klaver i bandet. Målet med bandet var å lage musikk som «jenter kunne dansa til.» Etter ei stund spreidde rykta om bandet seg, og under ein konsert kom det folk frå rundt 40 platesleskap. Eit av dei var Domino Records, som gav bandet albumkontrakt.
Det fyrste albumet til gruppa, Franz Ferdinand, blei spelt inn i Malmö og produsert av Tore Johansson. Albumet vann blant anna Mercury Music Prize som beste britiske musikkalbum i 2004. I oktober 2005 gav gruppa ut det andre albumet sitt, You Could Have It So Much Better. I januar 2009 gav grupp ut det tredje albumet sitt, Tonight: Franz Ferdinand. I 2013 gav bandet ut det fjerde albumet sitt, Right Thoughts, Right Words, Right Action.
Bandmedlemmar
[endre | endre wikiteksten]- Novarande medlemmar
- Alexander Kapranos – song, gitar (2002–)
- Robert "Bob" Hardy – bassgitar (2002–)
- Paul Thomson – trommer, perkusjon, bakgrunnsvokal (2002–)
- Julian Corrie – keyboard, synthesizer, gitar, bakgrunnsvokal (2017–)
- Dino Bardot – gitarr, bakgrunnsvokal (2017–)
- Tidlegare medlemmar
- Nicholas McCarthy – gitar, klavier, bakgrunnvokal (2002–2016)
- Galleri
-
Alex Kapranos
-
Robert Hardy
-
Paul Thomson
-
Nicholas McCarthy
-
Live 2009
-
Live på Academy Brixton 2018
Diskografi
[endre | endre wikiteksten]Album
[endre | endre wikiteksten]- Franz Ferdinand (februar 2004)
- You Could Have It So Much Better (oktober 2005)
- Tonight: Franz Ferdinand (januar 2009)
- Right Thoughts, Right Words, Right Action (august 2013)
- Always Ascending (februar 2018)
Singlar
[endre | endre wikiteksten]- "Darts of Pleasure" (september 2003)
- "Take Me Out" (januar 2004)
- "The Dark of the Matinée" (april 2004)
- "Michael" (august 2004)
- "This Fire" (november 2004)
- "Do You Want To" (september 2005)
- "Walk Away" (desember 2005)
- "The Fallen / L.Wells" (april 2006)
- "Eleanor Put Your Boots On" (juli 2006)
- "Ulysses" (januar 2009)
- "No You Girls" (april 2009)
- "Can't Stop Feeling" (juli 2009)
DVD-ar
[endre | endre wikiteksten]- Franz Ferdinand (DVD) (november 2005)
Kjelder
[endre | endre wikiteksten]- Denne artikkelen bygger på «Franz Ferdinand (musikgrupp)» frå Wikipedia på svensk, den 11. mars 2024.