Sderot
Sderot | |||
שְׂדֵרוֹת | |||
by | |||
Offentleg bomberom i Sderot
| |||
|
|||
Namneopphav: Avenyar | |||
Land | |||
---|---|---|---|
Distrikt | Det sørlege distriktet | ||
Koordinatar | 31°31′22″N 34°35′43″E / 31.52278°N 34.59528°E | ||
Areal | 4,472 km² | ||
Folketal | 24 000 (2011)[1] | ||
Folketettleik | 5 367 / km² | ||
Grunnlagd | 1951 | ||
• Bystatus | 1996 | ||
Borgarmeister | David Buskila | ||
Sderot 31°31′30″N 34°35′49″E / 31.525°N 34.596944444444°E | |||
Wikimedia Commons: Sderot |
Sderot (hebraisk skrift שְׂדֵרוֹת) er ein by vest i Negev i Det sørlege distriktet i Israel. I følgje Israelsk statistisk sentralbyrå (CBS) hadde han mot slutten av 2011 eit folketal på 24 000.[1] Byen har stadig vore eit mål for Qassam-rakettar frå Gazastripa sidan 2001.
Sderot ligg mindre enn 1 km frå Gaza (det næraste punktet er 840 m).[2] Rakettåtak mot byen har teke livet av 13 israelarar fram til 2008, skadd dusinvis og ført til millionar av dollar i skadar, i tillegg til å ha hatt stor innverknad på dagleglivet.[3] Studiar har vist at flysirenene og eksplosjonar har ført til psykologiske traume hos enkelte innbyggjarar.[4] Frå midten av juni 2007 til midten av februar 2008 vart det avfyrt 771 rakettar og 857 granatar mot Sderot og det vestlege Negev, i snitt 3-4 kvar dag.[5]
Historie
[endre | endre wikiteksten]Sderot vart grunnlagd i 1951 som ein transittleir for kurdiske og persiske jødiske immigrantar, som budde i telt og skur under den jødiske utflyttinga frå muslimske land. I 1954 stod permanent bustadhus ferdige.[6] Han vart bygd på landområdet som høyrte til den palestinsk-arabiske landsbyen Najd[7] og ligg nokre få kilometer sør for ruinane av denne landsbyen. Den 13. mai 1948 vart Najd okkupert av Negev-brigaden som ein del av Operasjon Barak, og landsbybuarane vart drivne bort[8] til Gaza. I 1956 fekk Sderot status som lokal kommune.[9]
Sderot fekk eit symbolsk namn, etter dei mange avenyane med rekkjer av tre som vart planta i Negev, særleg mellom Beer Sheva og Gaza, for å motverke ørkenspreiing og gjere det tørre landskapet vakrare. Som mange stader i Negev har namnet Sderot eit grønt motiv som symboliserer mottoet «lage ørkenblomen», ein sentral del av sionistisk ideologi.[10]
Sderot tok i mot store mengder immigrantar frå det tidlegare Sovjetunionen i 1990-åra, og folketalet dobla. I 1996 fekk han bystatus.
Folketalet har sidan falle etter familiar lei av bombetrugselen frå Gaza har flytta. I 2008 hadde folketalet falle 10-15%. Mange av familiane som var att var dei som ikkje hadde råd til å flytte, eller ikkje klarte å selje heimane sine.[11]
Venskapsbyar
[endre | endre wikiteksten]Sderot er venskapsby med:
Kjelder
[endre | endre wikiteksten]- Denne artikkelen bygger på «Sderot» frå Wikipedia på engelsk, den 7. september 2015.
- ↑ 1,0 1,1 «Table 3 - Population of Localities Numbering Above 2 000 Residents and Other Rural Population» (PDF). Israelsk statistisk sentralbyrå. 30. september 2014. Henta 5. september 2015.
- ↑ «Ambassador visits Sderot, impressed by 'spirit of town'». Ukinisrael.fco.gov.uk. Arkivert frå originalen 18. mars 2012. Henta 5. september 2015.
- ↑ Avi Jissakaroff; Mijal Grinberg. «2 israelarar Lightly Wounded as 33 Rockets Slam in Western Negev». Haaretz. Henta 5. september 2015.
- ↑ Sharfman, Jake (17. desember 2009). «Tiny organization fights to make Sderot's voice heard». Haaretz. Henta 5. september 2015.
- ↑ «Qassam Rockets — Background and Statistics». sionisme-Israel.com. Henta 6. september 2015.
- ↑ «Gimme shelter». Heebmagazine.com. 24. mars 2009. Henta 5. september 2015.
- ↑ Khalidi (1992), s. 128
- ↑ Benny Morris. The Birth of the Palestinian Refugee Problem. Cambridge University Press. s. 258.
- ↑ HaReuveni (1999), s. 908
- ↑ Sasson (2010), s. 137
- ↑ Hadad, Shmulik (19. mars 2008). «Sderot: Those Who Can Afford It Have Already Left». Ynetnews. Henta 6. september 2015.
- ↑ Sderotplatz in Zehlendorf June 10, 2009. Henta 6. september 2015.