Thor Tjøntveit
Thor Tjøntveit | |
Statsborgarskap | Noreg, USA |
Fødd | 28. juli 1936 |
Død | |
Yrke | flygar, forretningsdrivande, gründer |
Thor Kristen Tjøntveit (28. juli 1936–3. mars 2017)[1]) var ein norsk-amerikansk forretningsmann og flygar.
Tjøntveit voks opp på Hesthagen i Grimstad. Etter å ha teke flysertifikat flaug han først for Widerøe før han emigrerte til USA i 1961 og verka som flygar i Alaska. Han vart amerikansk statsborgar i 1967. I 1967 kræsja han i Yukon og var sakna i ti dagar før han var funnen. Han vart også den første personen til å flyga over både Nordpolen og Sørpolen på same fed.[2]
Attende i Noreg etablerte han charterselskapet Trans Polar i 1971.[3] Han opererte med innleidde fly frå Aer Lingus og gjekk konkurs etter berre ni månader. Trans Polar-konkursen var ei tid den største i Noreg, med 33 millionar kroner i utestående fordringar.[4] Tjøntveit var sikta for svindel, men frikjend.[2]
I 1972 etablerte han eit nytt flyselskap, Norwegian Overseas Airways,[5] men fekk ikkje driftsløyve og flytte selskapet til Bangladesh.[6] I 1987 vart Tjønveit dømt for grovt bedrageri mot eit forsikringsselskap. I 2003 var han sikta for momssvindel, men flykta frå landet. Då han vende tilbake i 2005 vart han dømt til fengsel i fem år og seks månader, og mista retten til å driva forretningsverksemd.[7] Han sat i fengsel til 2012,[2] og døydde i 2017.[8]
Kjelder
[endre | endre wikiteksten]- ↑ «Thor Tjøntveit er død». agderposten (på norsk). Arkivert frå originalen 13. mars 2017. Henta 12. mars 2017.
- ↑ 2,0 2,1 2,2 «Tjøntveits historie». Fædrelandsvennen. 1. juli 2009. s. 13.
- ↑ Aftenposten 28. april 2011
- ↑ Tjøntveits historie Fædrelandsvennen 1. juli 2009
- ↑ Christensen, Dag (23. desember 1971). «Tjøntveit går i lufta igjen». Verdens Gang. s. 5.
- ↑ Helskog, Svenn (10. november 1972). «Politiet vil ha tak i Trans Polar-sjefen». Verdens Gang. s. 10.
- ↑ NRK (18. oktober 2005), «5 1/2 års fengsel for Tjøntveit», NRK (på norsk bokmål), henta 25. juni 2019
- ↑ Nekrolog: Thor Kristen Tjøntveit
- Denne artikkelen bygger på «Thor Tjøntveit» frå Wikipedia på bokmål, den 15. juni 2019.
- Denne artikkelen bygger på «Thor Tjøntveit» frå Wikipedia på engelsk, den 25. juni 2019.
Bakgrunnsstoff
[endre | endre wikiteksten]- Tjøntveit-saken ved NRK.no