Trabzon
Trabzon | |||
by | |||
Land | |||
---|---|---|---|
Provins | Trabzon | ||
Del av | Eastern Karadeniz | ||
Høgd | 0 moh. | ||
Koordinatar | 41°00′N 39°44′E / 41.000°N 39.733°E | ||
Areal | 4 685 km² | ||
Folketal | 230 399 [1] | ||
Folketettleik | 49 / km² | ||
Borgarmeister | Orhan Fevzi Gümrükçüoğlu | ||
Tidssone | EET (UTC+2) | ||
- Sommartid | EEST (UTC+3) | ||
Postnummer | 61xxx | ||
Retningsnummer | (+90) 462 | ||
Bilnummer | 61 | ||
Trabzon 41°00′18″N 39°43′21″E / 41.005°N 39.7225°E | |||
Wikimedia Commons: Trabzon |
Trabzon er ein by ved kysten av Svartehavet nordaust i Tyrkia og administrasjonssenter i provinsen Trabzon. Byen har kring 230 000 innbyggjarar.
Trabzon, som ligg langs den historiske Silkevegen, vart ein smeltedigel for religionar, språk og kultur i fleire hundreår og ein inngangsport for handelsrutene til Iran i søraust og Kaukasus i nordaust.[1] Venetianske og genuesiske handelsfolk vitja Trapezunt i mellomalderen og selde silke, lin og ull. Republikken Genova hadde ein viktig handelskoloni i byen på linkande måte som i Galata nær Konstantinopel (nord for Det gylne hornet) i dagens Istanbul.[2] Trabzon danna grunnlaget for fleire statar gjennom den lange historia si og var hovudstad i keisarriket Trapezunt mellom 1204 og 1461. I den osmanske perioden vart Trabzon ein viktig hamneby og senteret for handel med Iran og Kaukasus.
Byen har eit sterkt mellomalderpreg. Det meste av den gamle bymuren er bevart samt fleire kyrkjer, moskear og anna. Byen har hatt universitet sidan 1963.
Byen har vore frihandelssone sidan 1992.
Historie
[endre | endre wikiteksten]Den greske kolonien Trapezus vart lagt frå Sinope på 500-talet fvt. Byen var hovudstad i den romerske provinsen Pontus, og frå 1204 til 1461 var han hovudstad i keisarriket Trapezunt. Byen har gjennom fleire tusen år vore ein viktig hamne- og handelsby, og var i mellomalderen startpunkt for karavanevegane austover.
I 1895 vart byen åstad for ein massakre på armenarane. Byen hadde ein stor armensk folkesetnad fram til folkemordet på armenarane under første verdskrigen.
Klima
[endre | endre wikiteksten]Trabzon har eit klima typisk for Svartehavsregionen med mykje nedbør. Under Köppen si klimaklassifisering har han maritimt klima (Cfb).[3] med varme og fuktige somrar, og ein normal maksimumstemperatur kring 27 °C i august. Vintrane er kjølige og fuktige, og den lågaste normale minimumstemperaturen er kring 5 °C i januar. Det kjem mest nedbør på hausten og vinteren, men langt mindre om sommaren. Det er forholdsvis vanleg med snø mellom desember og mars. Snøen fell ofte tungt når han først kjem og ligg gjerne ei veke eller to. Vatnet langs kysten er alltid kjølig med temperaturar mellom 8 og 20 °C gjennom året.
Vêrdata for Trabzon | |||||||||||||
---|---|---|---|---|---|---|---|---|---|---|---|---|---|
Jan | Feb | Mar | Apr | Mai | Jun | Jul | Aug | Sep | Okt | Nov | Des | År | |
Høgast målte °C | 24,3 | 26,4 | 33,1 | 35 | 37,8 | 35,9 | 37 | 34,8 | 33,2 | 32,7 | 30,3 | 26,4 | 37,8 |
Gjennomsnittleg maks °C | 10,8 | 10,9 | 12,3 | 15,8 | 19,1 | 23,5 | 26,3 | 26,9 | 23,9 | 20,1 | 16,2 | 12,9 | 18,2 |
Gjennomsnittleg min °C | 4,4 | 4,3 | 5,6 | 8,8 | 12,8 | 16,9 | 20 | 20,3 | 17,2 | 13,5 | 9,3 | 6,3 | 11,6 |
Lågast målte °C | −4,6 | −6,1 | −5 | −2 | 5,4 | 10,3 | 13,5 | 13,8 | 9,4 | 3,8 | 1 | −3,1 | −6,1 |
Gjennomsnittleg nedbør mm | 74 | 60,7 | 58,8 | 58,8 | 50,9 | 49,2 | 37,3 | 46,5 | 77 | 119,5 | 100,2 | 83,5 | 816,4 |
Gns. luftfukt (%) | 69 | 69 | 73 | 75 | 77 | 75 | 73 | 73 | 74 | 73 | 70 | 68 | 72 |
Gns. solskinstimar i månaden | 83,7 | 89,6 | 105,4 | 129 | 176,7 | 210 | 179,8 | 167,4 | 150 | 133,3 | 108 | 80,6 | 1 613,5 |
Kjelde: Devlet Meteoroloji İşleri Genel Müdürlüğü[4]Weatherbase[5] |
Kultur
[endre | endre wikiteksten]Den lokale fotballklubben Trabzonspor var lenge den einaste tyrkiske fotballklubben utanfor İstanbul til å vinna Süper Lig.[6]
Kjelder
[endre | endre wikiteksten]- Denne artikkelen bygger på «Trabzon» frå Wikipedia på engelsk, den 23. august 2012.
- Wikipedia på engelsk oppgav desse kjeldene:
- ↑ Trabzon (tr)
- ↑ William Miller (2009). The Latin Orient. Bibliobazaar LLC. s. 51–54. ISBN 1-110-86390-X.
- ↑ Peel, M. C.; Finlayson, B. L.; McMahon, T. A. (2007). «Updated world map of the Köppen-Geiger Klima classification» (PDF). Hydrology og Earth System Sciences 4 (2): 439–473. doi:10.5194/hessd-4-439-2007. Henta 27. februar 2011.
- ↑ arkivkopi, arkivert frå originalen 29. mars 2014, henta 23. august 2012
- ↑ http://www.weatherbase.com/weather/weatherall.php3?s=83071&refer=&einings=us&cityname=Trabzon-Turkey
- ↑ «Club History». Trabzonspor. Henta 3. mai 2019.