Uvod
Uvod | |||
elv | |||
Land | |||
---|---|---|---|
Nedslagsfelt | 3 770 km² | ||
Lengd | 185 km | ||
Middelvassføring | 19 m³/s | ||
Munning | Kljazma | ||
Uvod 56°25′11″N 41°26′27″E / 56.419722222222°N 41.440833333333°E | |||
Wikimedia Commons: Uvod River |
Uvod (russisk Уводь) er ei elv i Ivanovo og Vladimir oblast i Russland og ei av sideelvane til Kljazma frå venstre. Ho er 185 km lang og har eit nedslagsfelt på 3770 km². 30 km frå munningen har elva ei middelvassføring på 19 m³/s.
Dei største sideelvane hennar er Urozjna og Taltsa frå venstre, og Vostra, Ukhtokhma, Vjazma, Talsja og Naromsja frå høgre.
Byane Ivanovo og Kokhma ligg langs elva.
Uvod spring ut i myrområda nordaust for byen Komsomolsk.
Nord for Ivanovo vart Uvodskoje-reservoaret bygd i 1937. Reservoaret er opp mot 1,5 km brei på det breiaste og opp mot 15 meter djup, og gjev ferskvatn til Ivanov. Når Uvod har for lita vassføring til å fylle opp reservoaret vert det ført vatnet frå Volgakanalen. I Ivanovo finst det tre demningar til langs elva.
Like etter Ivanovo ligg Kokhma.
Etter Ivanovo og Kokhma er elva sterkt forureina av industrielt avfall.
Kjelder
[endre | endre wikiteksten]- Denne artikkelen bygger på «Уводь» frå Wikipedia på russisk, den 22. oktober 2008.