Yingluck Shinawatra
Yingluck Shinawatra | |||
| |||
Fødd | ทักษิณ ชินวัตร 21. juni 1967 (57 år) San Kamphaeng | ||
---|---|---|---|
Statsborgar av | Thailand, Serbia | ||
Yrke | politikar, gründer, forretningsdrivande | ||
Utdanna ved | Chiang Mai University Kentucky State University Regina Coeli College Yupparaj Wittayalai School | ||
Far | Lert Shinawatra | ||
Sambuar | Anusorn Amornchat | ||
Alle verv |
Yingluck Shinawatra (fødd 21. juni 1967 i San Kamphaen i Thailand) er ein thailandsk politikar som var statsminister i Thailand frå 2011 til 2014. Ho var den fyrste kvinnelege statsministeren Thailand har hatt.
Bakgrunn
[endre | endre wikiteksten]Yingluck Shinawatra blei fødd som den yngste av ni barn i ein velståande hakkafamilie i Chiang Mai-provinsen.[1][2] Far hennar, Lert Shinawatra, var forretningsmann og parlamentsmedlem for Chiang Mai.[3] Mor hennar, Yindi Ramingwong, stamma frå kong Thammalangka av Chiang Mai.[4][5][6]
Broren til Yingluck, Thaksin Shinawatra, blei statsminister i 2001, medan ho sjølv fekk bachelorgrad frå Universitetet Chiang Mai og mastergrad frå Kentucky State University, båe i ålmenn leiing. Seinare blei ho involvert i familieverksemder som Shinawatra Directories Co. og Rainbow Media. Men i 2006 blei Thailand utsett for eit kupp av dei militære styrkane i landet og riksstyret måtte gå av. Thaksin fekk til slutt koma attende til Thailand, men gjekk ikkje beinveges attende til politikken.
Politikk
[endre | endre wikiteksten]I 2011 vann Yingluck valet for Pheu Thai-partiet, og 5. august 2011 fekk ho 60 % av røystene frå underhuset og blei statsminister.
Etter massedemonstrasjonar mot regjeringa hennar i 2013 bad ho om at parlamentet skulle bli oppløyst 9. desember 2013. Dette ville føra til nyval medan Yingluck blei sitjande som mellombels statsminister.[7] Ho blei avsett 7. mai 2014 av den konstitusjonelle domstolen i landet.[8][9] Retten fann henne skuldig i maktmisbruk ved å ha avsett den nasjonale tryggleikssjefen Thawil Pliensri i 2011.[10] Etter statskuppet i Thailand i mai 2014 blei Yingluck arrestert saman med andre tidlegare regjeringsmedlemmer og partileiarar og halden i fangenskap i nokre dagar medan militæret sikra makta.
Ho blei seinare stilt for retten i samband med rolla si i den nasjonale ris-politikkomiteen. Etter å ha flykta frå landet blei ho funnen skuldig og dømd til fem år i fengsel in absentia.[11][12] Passet hennar blei kansellert av styresmaktene.[13] Seinare skal ho ha fått serbisk statsborgarskap.[14]
Kjelder
[endre | endre wikiteksten]- ↑ Kenneth Tan (5. mai 2018). «Former Thai leaders Yingluck, Thaksin visit ancestral village in Meizhou, Guangdong». Arkivert frå originalen 14. mars 2018. Henta 8. september 2019.
- ↑ Yingluck Shinawatra (prime minister of Thailand). Encyclopædia Britannica.
- ↑ The Economist, Too hot for the generals, 15. juni 2011
- ↑ The Statesman's Yearbook 2015: The Politics, Cultures and Economies of the World. Springer. 27 December 2016. s. 1202. ISBN 978-1-349-67278-3.
- ↑ Bangkok Post, Pheu Thai picks Yingluck for PM, 16. juni 2011
- ↑ Seth Mydans: Candidate in Thailand Follows Path of Kin. New York Times, 12. juni 2011
- ↑ Samuels, Lennox (9. desember 2013). «Thailand Prime Minister Yingluck Shinawatra Dissolves Parliament, Calls for Elections». The Daily Beast. Henta 18. august 2015.
- ↑ «Yingluck, Pheu Thai win in a landslide». Bangkok Post. 3. juli 2011.
- ↑ CNN, Talking politics with Thailand's PM, 18. desember 2008
- ↑ Jonathan Head. «BBC News - Thailand court ousts PM Yingluck Shinawatra». Bbc.co.uk. Henta 10. mai 2014.
- ↑ McKirdy, Euan; Paranasamriddhi, Angie (27. september 2017). «Former Thai PM Yingluck sentenced to five years over rice scheme». CNN. Henta 27 September 2017.
- ↑ «Yingluck trial: Thai ex-PM sentenced to five years in jail». BBC. 27. september 2017. Henta 27. september 2017.
- ↑ Limited, Bangkok Post Public Company, «PM mum on Yingluck UK passport talk», bangkokpost.com, henta 8. september 2019
- ↑ «Yingluck gets Serbian citizenship». Bangkok Post. 9. august 2019. Henta 9. august 2019.
- Denne artikkelen bygger på «Yingluck Shinawatra» frå Wikipedia på engelsk, den 8. september 2019.