ߖߘߍ߬ߞߟߏ߬ߦߊ ߞߟߌߟߌ ߟߐ߲ߘߊ
ߖߘߍ߬ߞߟߏ߬ߦߊ ߞߟߌߟߌ ߟߐ߲ߘߊ ߛߌߘߌ߲߫ ߘߊ߫ ߛߊ߲߭ ߁߉߇߄ ߠߋ߬ ߟߊ߫ ߸ ߟߤߊ߬ߕߍ߬ߦߊ߬ߟߌ߬ ߞߎߙߎ߲ߘߎ ߣߌ߲߬ ߠߊ߫ ߝߙߍߕߍ߫ ߇߈ ߕߎ߬ߡߊ߬ߘߊ ߁߁/߀߂/߁߉߇߄ ߌߞ، ߊ߬ ߦߋ߫ ߖߘߍ߬ߞߟߏ߬ߦߊ ߘߋ߬ߙߌ߬ߘߊ ߟߋ߬ ߘߌ߫، ߊ߬ ߦߋ߫ ߖߘߍ߬ߞߟߏ߬ߦߊ ߞߟߌߟߌ ߡߊ߲߬ߕߏ߲߬ߕߍ߬ߟߊ߬ߞߊ ߘߍ߭ ߟߋ߬ ߞߘߐ߫، ߊ߬ ߥߊ߰ߣߍ߲ ߛߌ߰ߣߍ߲߫ ߕߙߌߔߏߟߌ߫ ߟߋ߬ / ߟߓߌ߫، ߓߏߟߏ߲ߝߘߊ߫ ߟߏ߯ߟߎ߫ ߟߋ߬ ߦߴߊ߬ ߟߊ߫ ߘߎߢߊ߫ ߞߣߐ߫، ߊߖ߭ߌ߫ ߜߙߋ ߣߌ߫ ߝߘߊ߬ߝߌ߲߬ߠߊ߫ ߜߙߋ ߣߌ߫ ߋߙߐߔߎ߬ ߜߙߋ ߞߊ߲߬( ߟߌߓߊ߲߫، ߓߣߍ߫،ߛߣߍ߬ߜ߭ߊߟߌ߫، ߗ߭ߊߘ، ߊ߬ ߣߌ߫ ߓߙߌ߬ߕߊ߲߬ߓߊ߫. ߓߏߟߏ߲ߝߘߊߓߊ ߘߏ߫ ߕߘߍ߬ ߛߙߌ߫ ߸ ߏ߬ ߓߘߊ߫ ߘߊߕߎ߲߯ ߛߙߌ߫ ߥߎ߬ߦߊ߲߬ߞߌ߬ߟߌ ߝߍ߬، ߊ߬ ߣߌ߫ ߓߏߟߏ߲ߝߘߊ ߘߏ߫ ߔߊߞߌߛߑߕߊ߲߫ ߸ ߏ߬ ߕߎ߲߯ ߘߊ߫ ߝߊ߯ߘߐߞߍ߫ ߕߊ߬ߡߌ߲߬ߣߍ߲ ߠߊߓߊ߲ ߠߊ߫).
ߟߊߝߟߐߕߎߡߊ | 1974 |
---|---|
ߖߡߊ߬ߣߊ߫ | ߟߌߓߌ߫ |
ߕߌ߲߬ߞߎߘߎ߲ | Q100258833 |
ߓߟߐߟߐ | https://www.uic.edu.ly/ |
ߖߘߍ߬ߞߟߏ߬ߦߊ ߞߟߌߟߌ ߟߐ߲ߘߊ ߝߐ߬ߝߐ
[ߊ߬ ߡߊߦߟߍ߬ߡߊ߲߬ | ߊ߬ ߛߎ߲ ߡߊߦߟߍ߬ߡߊ߲߬]ߖߘߍ߬ߞߟߏ߬ߦߊ ߞߟߌߟߌ ߟߐ߲ߘߊ ߦߋ߫ ߟߐ߲ߠߌ߲ ߞߣߍ ߟߋ߬ ߘߌ߫ ߸ ߖߘߍ߬ߞߟߏ߬ߦߊ ߞߣߍ، ߊ߬ ߓߘߊ߫ ߛߊ߲߬ ߓߌߣߊ߯ߣߌ߲߫ ߣߌ߫ ߞߐ߫ ߞߍ߫ ߘߟߌ ߘߐ߫، ߟߐ߲ߘߊ ߣߌ߲߬ ߛߌ߲ߘߌߣߍ߲߫ ߛߊ߲߬ ߁߉߇߄، ߖߘߍ߬ߞߟߏ߬ߦߊ ߞߟߌߟߌ ߘߍ߭ ߓߊ߲߫ ߞߐ ߛߙߊ߬ߒ߬ߞߊ߲߬ߠߊ ߞߍ߫ ߟߴߊ߬ ߛߌ߲ߘߌߞߏ ߟߊ߫ ߸ ߖߘߍ߬ߞߟߏ߬ߦߊ߬ߓߊ߮ ߟߐ߲ߠߌ߲ߠߊ ߟߎ߬ ߣߴߊ߬ ߡߙߌߓߊ߮ ߟߎ߬ ߓߟߏ߫ ߸ ߡߍ߲ ߠߎ߬ ߟߊߘߍ߲߬ ߘߊ߫ ߕߙߌߔߏߟߌ߫ ߕߟߋ߬ߓߐ ߘߐ߫ ߸ ߡߌ߲߬ߞߊߙߏ߫ ߕߟߋ߬ ߁߃ ߣߌ߫ ߁߈ ߕߍߟߊ߫ ߘߐ߫ ߝߎ߲ߘߌ߫ ߛߊ߲߬ ߁߃߉߀، ߏ߬ ߦߋ߫ ߓߍ߲߬ ߠߊ߫ ߣߍߣߍߓߊ ߕߟߋ߬ ߆ ߣߌ߫ ߁߁ ߕߍߟߊ߫ ߟߋ߬ ߡߊ߬ ߁߉߇߀ ߌߞ، ߟߐ߲ߠߌ߲ߠߊ ߏ߬ ߟߎ߫ ߟߋ߬: ߡߊߤߑߡߎ߯ߘߎ߫ ߛ߫ߎߓߎߤߌ߫، ߊ߬ ߣߌ߫ ߊߤߡߊߘߎ߫ ߤߛߊߣߌ߫ ߊߟߑߓߊ߯ߞ߭ߏ߯ߘߌ߫، ߊ߬ ߣߌ߫ ߡߊ߯ߟߞߌ߫ ߓߣߎ߬ ߣߊߓߦߌ߫، ߊ߬ ߣߌ߫ ߊߓߘߎߟ ߤߊߟߡߌ ߡߊߤߑߡߎ߯ߘߎ߫، ߊ߬ ߣߌ߫ ߊߤߡߊߘߎ߫ ߛߊߙߑߓߊ߯ߛ߫ߌ߫ߦߎ߫، ߊ߬ ߣߌ߫ ߊߓߘߎߟߊߦߌ߫ ߞߊ߯ߣߎ߯ߣߌ߫، ߊ߬ ߣߌ߫ ߤߎߛߑߣߌ߫ ߟߊߥߑߙߌ߫، ߊ߬ ߣߌ߫ ߊߓߘߎߟ ߞߊߤ߭ߊ߯ߙߎ߫ ߡߎߖ߭ߞߊߙ، ߊ߬ ߣߌ ߊߓߘߎߟ ߞߊߙߌ߯ߡߌ߫ ߛߊ߯ߦߎߕߌ߫، ߊ߬ ߣߌ߫ ߊߟߑߤߊߓߌ߫ߓߎ߫ ߊߟߑߡߌߛߑߕߊ߯ߥߌ߫، ߊ߬ ߣߌ߫ ߊߤߡߊߘߎ߫ ߕߎߣߑߖߌ߫، ߊ߬ ߣߌ߫ ߡߎߕ߭ߺߊ߯ߺߎ߫، ߊ߬ ߣߌ߫ ߊߟߑߡߊߤߑߘߌߦߎ߫ ߓߣߎ߬ ߊ߳ߺߎߓߊ߯ߘߌ߫، ߊ߬ ߣߌ߫ ߎߡߊߙ ߓߊߤߊ߯ߺߎ߫ ߘߌ߯ߣߌ߫ ߊߟߺߎߡߊߦߙߌߦߎ߫، ߊ߬ ߣߌ߫ ߛ߫ߺߊ߯ߟߌߤߎ߫ ߡߊߛߑߊ߳ߎ߯ߘߎ߫ ߓߎߥߊߦߌߛߙߌߦߎ߫، ߊ߬ ߣߌ߫ ߌ߬ߓߎ߬ߙߊ߬ߤߌߡߊ߫ ߙߊߝߌ߯ߘߊߕߎ߫، ߊ߬ߟߌ߫ ߡߎߛߑߕ߭ߝߊ߫ ߊߟߑߡߌߙߊ߯ߕߌߦߎ߫، ߊ߬ ߣߴߏ߬ ߢߐ߲߰ ߜߘߍ߫ ߟߎ߬.
ߟߐ߲ߘߊ ߞߊ߬ ߖߘߍ߬ߞߟߏ߬ߦߊ ߟߐ߲ߠߌ߲ߧߊ ߟߊߖߍ߲ߛߍ߲߫ ߞߴߊ߬ ߞߎ߲߬ ߘߐߣߌ߲ ߘߌ߫، ߊ߬ ߣߌ߫ ߖߘߍ߬ߞߟߏ߬ߦߊ ߛߏߡߐ߯ߦߊ ߛߊߣߌ߲ߘߋ߲ ߞߎ߲߬ߠߊߞߊ߭، ߊ߬ ߣߌ߫ ߕߌߙߌ߲ߠߌ߲ ߣߌ߫ ߞߊ߬ߙߊ߲ ߠߎ߬ ߓߟߏߦߊ߫ ߊߙߊߓߎߞߊ߲ ߘߐ߫، ߊ߬ ߣߌ߫ ߖߘߍ߬ߞߟߏ߬ߦߊ ߞߊ߬ߙߊ߲ ߣߴߊ߬ ߟߊ߬ߞߙߏ߬ߞߙߏ߬ߟߌ، ߊ߬ ߦߴߊ߬ ߓߊ߲ߓߊ߲߫ ߠߊ߫ ߖߘߍ߬ߞߟߏ߬ߦߊ ߢߍߥߟߊ ߟߋ߬ ߞߊ߲߬ ߔߊߞߌߛߊ ߢߌߣߌ߲߫ ߘߐ߫ ߦߏ߫ ߊ߬ ߣߊ߬ߣߍ߲߬ ߢߊ ߡߍ߲ ߞߎ߬ߙߊ߬ߣߊ ߣߌ߫ ߛߊ߬ߙߊ߲߬ߣߎ߲ ߞߣߐ߫، ߊ߬ ߣߌ߫ ߕߍߡߞߊߒߞߋߦߊ ߣߌ߫ ߕߋߟߋ߲ ߞߟߌߟߌ ߣߌ߫ ߟߞߊ߬ߙߊ߲߬ߠߌ߲ ߘߐ߫، ߊ߬ ߡߊߖߊ߲߬ߧߊ߬ߣߍ߲߫ ߜߘߋߜߘߋߦߊ ߣߌ߫ ߘߊ߲߬ߠߊ߬ߕߊߡߌ߲ ߠߊ߫، ߏ߬ ߘߏ߲߬ ߟߊ߲ߞߣߍߡߊ߫ ߘߴߊ߬ ߞߊ߬ߙߊ߲߬ߠߊ߬ߘߋ߲ ߠߎ߬ ߟߊ߫ ߟߐ߲ߠߌ߲ߧߊ ߣߴߊ߬ߟߎ߬ ߟߊ߫ ߞߏߟߊߕߊ߯ߡߢߊ ߕߍߡߞߊߒߞߋߡߊ ߟߎ߬ ߘߐ߫ ߸ ߊ߬ߟߎ߬ ߟߊߓߐߟߌ ߞߐߝߍ߬، ߊ߬ ߣߌ߫ ߞߊ߬ ߓߍ߲߬ ߊ߬ߟߎ߬ ߟߊ߫ ߓߊ߯ߙߊߢߐ߲߯ߦߊߞߏ߫ ߢߌߡߊ ߡߊ߬ ߞߎ߲߬ߠߊ߬ߛߌ߮ ߝߍ߬ ߊ߬ߟߎ߬ ߟߊ߫ ߖߡߊ߬ߣߊ ߟߎ߬ ߘߐ߫ ߸ ߊ߬ ߣߌ߫ ߖߡߊ߬ߣߊ߬ ߜߘߍ߫ ߟߎ߬ ߘߐ߫، ߏ߬ ߟߵߊ߬ߟߎ߫ ߕߐ߯ߦߊ߫ ߟߊ߫ ߟߐ߬ߦߙߐ߬ߓߊ ߟߎ߬ ߘߐ߫، ߦߏ߫ ߘߌ߯ߣߊ ߞߕߌߕߍ߯ߘߊ ߟߎ߬ ߣߌ߫ ߖߊ߯ߓߘߊ ߟߎ߬ ߣߌ߫ ߞߊ߬ߙߊ߲߬ߕߊ ߟߎ߬ ߟߊ߫ ߛߏ ߟߎ߬ ߞߣߐ߫ ߸ ߊ߬ߟߎ߬ ߓߐߣߍ߲߫ ߛߏ ߡߍ߲ ߠߊ߫.
ߟߐ߲ߘߊ ߞߵߊ߬ ߟߊ߫ ߛߌߟߊ ߓߟߏߟߊߕߎ߲߯ ߟߞߊ߬ߙߊ߲߬ߠߌ߲ ߣߌ߫ ߟߊ߬ߞߙߏ߬ߞߙߏ߬ߟߌ ߡߊ߬ߘߎ߮ ߘߐ߫ ߞߏ߲ߞߏߜߍ ߕߟߋ߬ ߁߁ ߥߎ߬ߦߊ߲߬ߞߌ߬ߟߌ ߞߐߝߍ߬، ߞߊ߬ ߓߍ߲߬ ߦߋߢߊ ߣߌ߫ ߡߊ߬ߡߙߊ߬ߟߌ߬ ߞߎߘߊ ߡߊ߬ ߗߋߟߊ߫ ߟߊߛߋ ߘߐ߫.
ߟߐ߲ߘߊ ߦߋ߫ ߝߏߘߋߦߊ ߖߐ߲ߓߐ߲ ߟߋ߬ ߘߌ߫ ߟߊ߫ ߊߙߊߓߎߞߊ߲ ߡߟߋߞߎߦߊ ߣߌ߫ ߖߘߍ߬ߞߟߏ߬ߦߊ ߞߊ߬ߙߊ߲ ߘߐ߫، ߊ߬ ߣߌ߫ ߓߊߘߎ߲ߦߊ ߖߐ߲ߓߐ߲ ߟߐ߲ߞߏ ߓߏߟߏ߲ߝߘߊ ߟߎ߬ ߘߐ߫، ߊ߬ ߖߐ߲ߓߐ߲ ߡߊߟߐ߲ߣߍ߲߫ ߟߓߌ߫ ߟߞߊ߬ߙߊ߲߬ߠߌ߲ ߛߊ߲ߘߐߕߊ ߣߌ߫ ߟߐ߲ߞߏ ߕߌߙߌ߲ߠߌ߲ ߞߏߕߌ߯ߘߊ ߓߟߏ߫، ߊ߬ ߣߌ߫ ߖߘߍ߬ߞߊ߬ߣߌ߲߬ ߖߊ߯ߓߘߊ ߟߎ߬، ߊ߬ ߣߴߊ߬ ߢߐ߲߰ ߟߐ߲ߘߊ ߣߌ߫ ߖߊ߯ߓߘߊ ߟߎ߬ ߦߏ߫ ߖ߭ߊ߬ߦߌ߬ߕߎ߯ߣ ߖߊ߯ߓߘߊ ߕߎߣߎ߲ߛߌ߫، ߊ߬ ߣߌ߫ ߊߖ߭ߑߤߊߙ ߖߊ߯ߓߘߊ ߞߊ߯ߤߌ߬ߙߊ߫، ߊ߬ ߣߌ߫ ߖߊ߯ߓߘߊ ߎߛߑߕߙߎ߫ ߓߙߌ߬ߕߊ߲߬ߓߊ߫، ߟߌߓߊ߲߫ ߖߊ߯ߓߘߊ ߟߎ߬ ߣߌ߫ ߛߙߌ߫ ߣߌ߫ ߡߊ߬ߙߐ߬ߞߎ߫ ߣߌ߫ ߛߎߘߊ߲߫ ߣߌ߫ ߤߌ߲ߘߌ߫ ߣߌ߫ ߔߊߞߌߛߑߕߊ߲߫ ߣߌ߫ ߓߊߜ߭ߑߟߊߘߍߛ ߣߌ߫ ߛߏߡߊߟߌ߫ ߣߌ߫ ߛߣߍ߬ߜ߭ߊߟߌ߫ ߣߌ߫ ߖߌ߬ߣߍ߬.
ߊ߬ ߞߊ߬ߙߊ߲߬ߠߊ߬ߘߋ߲߬ ߓߐߣߍ߲߫ ߘߏ߫ ߟߎ߬ ߓߘߊ߫ ߓߣߊ߬ߡߌ߲ߣߊ ߛߐ߬ߘߐ߲߬ ߞߊ߬ ߥߴߊ߬ߟߎ߬ ߟߊ߫ ߞߊ߬ߙߊ߲ ߛߊ߲ߘߐߕߊ ߞߍ߫ ߋߙߐߔߎ߬ ߖߊ߯ߓߘߊ ߟߎ߬ ߣߌ߫ ߞߣߊߘߊ߫ ߣߌ߫ ߊߡߋߙߌߞߌ߬ ߟߎ߫ ߘߐ߫.
ߞߊ߬ߙߊ߲߬ߠߊ߬ߘߋ߲߬ (߃߀߀߀) ߣߌ߫ ߞߐ߫ ߟߋ߬ ߦߋ߫ ߞߊ߬ߙߊ߲߬ ߠߊ߫ ߟߐ߲ߘߊ ߣߴߊ߬ ߓߏߟߏ߲ߝߘߊ ߟߎ߬ ߟߊ߫ ߸ ߞߊ߬ ߓߐ߫ ߖߡߊ߬ߣߊ߬ ߓߐߣߍ߲ߢߐ߲߰ߡߊ ߟߎ߬ ߘߐ߫ ߘߎߢߊ߫ ߞߣߐ߫، ߊ߬ ߓߐߓߊ߮ ߦߙߌߞߊ ߛߋ߫ ߘߊ߫ ߞߊ߬ߙߊ߲߬ߠߊ߬ߘߋ߲߬ (߇߇߄߄) ߘߐ߫ ߛߊ߲߬ ߂߀߁߆ ߟߊ߫، ߏ߬ ߟߎ߫ ߦߋ߫ ߓߐ߫ ߟߊ߫ ߖߡߊ߬ߣߊ߬ ߓߐߣߍ߲ߢߐ߲߰ߡߊ (߉߆) ߟߋ߬ ߘߐ߫.
-
ߖߘߍ߬ߞߟߏ߬ߦߊ ߞߟߌߟߌ ߟߐ߲ߘߊ ߦߋ߲ߗߏ߮ ߟߎ߬
ߖߘߍ߬ߞߟߏ߬ߦߊ ߞߟߌߟߌ ߟߐ߲ߘߊ ߟߊ߫ ߗߋߛߓߍ ߣߴߊ߬ ߢߌߣߌ߲ߞߏ
[ߊ߬ ߡߊߦߟߍ߬ߡߊ߲߬ | ߊ߬ ߛߎ߲ ߡߊߦߟߍ߬ߡߊ߲߬]ߗߋߛߓߍ
[ߊ߬ ߡߊߦߟߍ߬ߡߊ߲߬ | ߊ߬ ߛߎ߲ ߡߊߦߟߍ߬ߡߊ߲߬]ߞߟߌߟߌߟߊ ߣߌ߫ ߞߊ߬ߙߊ߲߬ߡߐ߮ ߟߎ߬ ߟߊߓߐ߫ ߸ ߡߍ߲ ߠߎ߬ ߛߋߞߏߦߊ ߘߝߊߣߍ߲ ߟߐ߲ߠߌ ߣߌ߫ ߟߊ߬ߞߙߏ߬ߞߙߏ߬ߟߌ ߡߊ߬ߘߎ߮ ߘߐ߫ ߸ ߞߊ߬ ߓߍ߲߬ ߡߐ߱ ߟߎ߬ ߟߊߞߊ߬ߙߊ߲ ߡߊ߬ ߊߙߊߓߎߞߊ߲ ߣߌ߫ ߖߘߍ߬ߞߟߏ߬ߦߊ ߟߐ߲ߠߌ ߠߎ߬ ߟߊ߫، ߊ߬ ߣߌ߫ ߡߐ߱ ߟߎ߬ ߞߟߌ߫ ߖߘߍ߬ߞߟߏ߬ߦߊ ߡߊ߬ ߞߊ߬ ߓߍ߲߬ ߞߊ߬ߞߎ߬ߘߊ߬ߦߊ ߢߣߊ ߕߊ ߡߊ߬.