Caunas de Conhac
Las caunas de Conhac se tròban dins la comuna de Pairinhac, prèp de Gordon, en Carcin, dins lo departament d'Òlt.
Lo site se compausa de doas caunas distant d'aperaquí 200 m:
- La primièra embarra un grand nombre de concrecions, que mantuna fina fistulosa.
- La segonda es una cauna ondrada del Paleolitic.
Istoric
[modificar | Modificar lo còdi]Foguèron descobèrtas en 1952. Serviguèron de decòr a una scèna finala de la pellicula cinematografica del niçard Jòrgi Lautner «Qualques senhors tròp pausadisses»[1] filmada en 1972 e sortida lo 25 de genièr de 1973.
Art parietal
[modificar | Modificar lo còdi]La cauna ondrada de Conhac embarra un grand nombre de pintura preïstoricas del Paleolitic Superior.
Las figuracions comprenon de cèrvis megalocèros, de boquetins, de mamots en mai de diferentas figuracions umanas esquematicas, que doas interpretadas coma d'«òmes plagats», qu'òm pòt trobar al Puèg Mèrle tanben.
Lo carbon utilizat per d'unes dessenhs se poguèt datar pel metòde del carbòni 14; se destrian doas fasas:
- la primièra, d'aperaquí 25 000 ans abans lo present (Gravetian), correspond a las figuracions animalas;
- la segonda, d'aperaquí 14 000 ans abans lo present (Magdalenian) correspond a las pontuacions.
Lo musèu del Puèg Mèrle n'ofrís una analisi de las òbras preïstòricas.
Nòtas e referéncias
[modificar | Modificar lo còdi]- ↑ Quelques messieurs trop tranquilles.
