Familha de Pratcomtau
Aparença
La familha de Pratcomtau es (famille de Pracomtal en francés, de còps ortografiaa Pracontal o Précontal) es una anciana familha subsistanta de la noblessa francesa, originària de Daufinat. Es de noblessa d'anciana extraccion sus pròvas de 1443. La familha es estaa admesa aus Onors de la Cort au segle XVIII e pòrta los títols de cortesiá de comte e de marqués que li son tanben donats dins los brevets e decrèts reiaus. Tira son nom de la terra de Pratcomtau (Prat-coumtau en grafia mistralenca[1]), pròchi de Montelaimar, dont es originària e qu'abandonet au segle XVIII per s'establir dins Nivernés, au chasteu de Châtillon-en-Bazois.
La branca normanda a obtengut de las letras de releu en 1681.
Istòria
[modificar | Modificar lo còdi]Personalitats (brancha ainat)
[modificar | Modificar lo còdi]- Folc de Pratcomtau (fr Foulques), chivalier crosat en 1191, a Jaffa.
- Guigard de Pratcomtau, signa ambé lo Daufin (futur Loís XI) en 1454 per eschanjar de terras e bens contra la terra d'Ancona.
- Nicolau de Pratcomtau (fr Nicolas), senhor de Château-Sablier, seneschau de Montelaimar en 1464 .
- Umbert de Pratcomtau (fr Humbert), senhor d'Ancona, fet omenatge au rei Francés Ier de sas terras en 1541, corsari en Mediterranea au servici d'aqueu meteis rei, citat dins Gargantua de Rabelais coma "Her Pracontal, proconsul de Libye".