Ing Dagis a bugsukan, o hedgehog king Ingles, metung yang mammal a maki suksuk o bugsuk ning subfamily Erinaceinae, a kayabe king orden Erinaceomorpha. Labi lang pitu deng species ning dagis a bugsukan kareng limang genus, a mayayakit kareng dake ning Europa, Asia, Africa ampong New Zealand (nung nu ya midala). Alang dagis a bugsukan a tubu king Australia, at alang mabyeng species a tubu king Americas. Marayu o malaut dong kamaganak deng dagis a bugsukan deng en:shrew (familia Soricidae), at mapalyaring deng gymnure ing suglung o talete at ditak mu ing mibayu anyang milabasan a 15 milyung banwa.[2] Kalupa da reng dakal kareng minunang mammal, mibage la king uri ning byeng pang-bengi (nocturnal),[3] at mamangan insektu. Deng suksuk o bugsuk a magsilbing proteksyon o pangambil da reng dagis a bugsukan kawangis do reng e ra kamaganak a rodent a en:porcupine ampo reng monotreme a en:echidna.
Template:Erinaceomorpha