Pa redaktá Partido MAN

{{Infobox partido politico
| variante = c
}}

'''Partido MAN''', ofisialmente '''Movementu Alsa Nashon''', ta un [[partido polítiko]] na [[Kòrsou]] di signatura sosialdemokrátiko. Originalmente M.A.N. tabata e abreviashon di ''Movementu Antia Nobo'' te ora ku e partido den su kongreso di 2005 a disidí di skrap e nòmber kompleto i e puntonan a disparsé. For di e tempu ei, MAN ta solamente un palabra. Desde 2021 partido MAN ta representá ku dos asiento den [[Parlamento di Kòrsou]].

== Historia ==
E partido a wòrdu fundá riba [[6 di febrüari]] [[1971]].<ref name=Versgeperst>{{nl}}{{citeer web|titel=Partijen aan het woord:MAN|bezochtdatum=2024-01-10|date=2012-10-12|auteur=Leoni Leidel-Schenk|url=https://web.archive.org/web/20121014081234/http://www.versgeperst.com/nieuws/175561/partijen-aan-het-woord-man-2.html}}</ref> Kofundadó, promé [[presidente]] i lider di partido tabata [[Don Martina]]. [[File:Don Martina (1981).jpg|thumb|left|150px|Don Martina (1981)]] E partido a adoptá un perfil sosialdemokrátiko i asina a pone su mes den e spektrum polítiko na banda robes di e partidonan bieu [[Partido Demokrat|DP]] i [[Partido Nashonal di Pueblo|NVP]], pero tabata mas moderá ku [[Frente Obrero|FOL]]. Na e elekshonnan pa e [[Konseho Insular|konseho insular di Kòrsou]] na 1971 e partido a gana un asiento, pero dos aña despues na e elekshonnan di [[Parlamento di Antias Hulandes]] e partido no a logra ningun asiento. P'esei na 1975 nan a disidí di uni ku e partido mas grandi FOL, pa asina, komo partido grandi di banda robes, purba kibra e poder di e partidonan bieu DP i NVP. Esaki a logra: e FOL a bira e partido mas grandi den e elekshonnan di konseho insular di 1975 ku 8 di e 21 asiento i Don Martina a bira diputado den e [[Kolegio Ehekutivo]] na nòmber di MAN. Ademas, [[Wilson Godett]] por a tuma parti den e gobièrnu antiano na nòmber di FOL, despues ku e parti mas chikitu di [[Partido Sosial Demokratiko|PSD]] a bandoná e koalishon. Sinembargo, dos aña despues na 1977, e kombinashon-FOL a logra solamente 3 di e 12 asiento di Kòrsou den parlamento di Antias Hulandes (mes tantu ku FOL a logra den 1973 so), loke a pone ku FOL no a drenta e gobièrnu antiano i a pone ku e koalishon na nivel insular a ser detoná dor di NVP. Seguidamente FOL tambe a anulá su kooperashon ku MAN.

{{Appendix|refs|2=
* {{Tradukshon for di otro Wikipedia|idioma=nl|oldid =65507964|titulo=Partido MAN}}
{{References}}
}}

[[Category:Polítika na Kòrsou]]