Di Wikipedia, e ensiklopedia liber
E artíkulo aki ta skirbí na papiamentu. Lo ta apresiá si por mantené e artíkulo aki na estilo di papiamentu.
Antonius Johannes Van Koolwijk O.P. (☆ 9 di òktober 1836 na Winssen - † 14 di novèmber 1913 na Hees, un bario di Nijmegen) tabata un klero hulandes di Iglesia Katóliko Romano. E ta mas konosí pa su investigashon arkeológiko riba e kultura indjan na Aruba, Boneiru i Kòrsou na fin di siglo 19 i ta ser mirá komo e promé arkeólogo di e islanan ABC.
Van Koolwijk a nase na Winssen i tabata un di e dies yu di Maria van Welie i Hendrik van Koolwijk. Su tata anteriormente a sirbi komo atministradó di Slot Doddendael, asina tambe komo eks-alkalde di Ewijk i Winssen, i eks-miembro di e Parlamento Provinsial di Gelderland. Inisialmente el a kuminsá su karera di saserdote komo redentorista, Van Koolwijk a bandoná e orden i, na 1869, el a biaha pa Sürnam, kaminda el a traha komo saserdote sin pago. For di 1870, el a sirbi na Kòrsou, promé komo kapellán den e parokia di Santa Rosa i despues na Otrobanda. Na 1873, el a bira pastor di misa di San Luis Beltran na Rincon, Boneiru. Na su regreso na Kòrsou na 1878, el a tuma e parokia di Westpunt. Na 1880, el a bira pastor di misa di San Francisco na Oranjestad, Aruba. Debí na un malesa di higra, Van Koolwijk a bolbe a Hulanda na 1886 i a apliká pa retiro na 1888.[1] El a muri na edat di 77 aña na Hees i a ser derá den e sementerio katóliko na Winssen.
-
Pintura indjan riba baranka na Boka Spelonk na
Boneiru
-
Butishi di klei ku kara prosedente di
Aruba
- Geschiedkundige beschrijving van het Huis Doddendaal te Ewijk (1900)
- Indiaansche opschriften voorkomende op het eiland Aruba en zoo getrouw mogelijk naar het oorspronkelijke geteekend
- De Indianen-Carai͏̈ben, oorspronkelijke bewoners van Curaçao (1881)
- De Indianen Carai͏̈ben van het eiland Aruba (West-Indie͏̈) (1882)
- Figuren, behoorende bij het artikel over de Indianen-Caraïben (1882)
- Bijdrage tot de taal der oude Indianen (1884)
- Berichten uit Aruba (1884)
- Parelvisscherij op Aruba (1884)
- De Aruba-Phosphaat-Maatschappij (1884)
- Het goudland Aruba (1884)
- Bronnen van mineraalwater op Aruba (1884)
|
E artikulo aki ta un komienso. Bo ta wordu invita pa klik riba editá fuente pa añadi konosementu na e artikulo aki.
|