RED Democratico
RED Democratico | ||
---|---|---|
RED | ||
Personanan | ||
Presidente di partido |
Rene Kock | |
Lider di partido | Ricardo Croes | |
Lider di fraccion | Ricardo Croes | |
Asiento | ||
Asiento den parlamento |
1 / 21 (22 september 2017) | |
0 / 21 (25 juni 2021) | ||
Historia | ||
Fundacion | Rudy Lampe 10 di juni 2003 | |
Informacion basico | ||
Activo na | ||
Posicion politico | centro-robes | |
Ideologia politico | Liberalismo | |
Color | ■ blanco
| |
Coalicion | MEP, POR, RED |
RED Democratico (RED) ta un partido politico na Aruba. Di 2017 te 2021 e partido a forma parti di e coalicion di gobierno MEP-POR-RED, ku tabata sostené e gabinete Wever-Croes I. Esaki tabata e prome gabinete den cual RED tabatin participacion.
Historia
[editá | editá fuente]RED Democratico a ser funda dia 30 di mei 2003 pa lucha pa conserva e relacionnan di Aruba cu Reino y asina combati corupcion.[1] Rudy Lampe tabata e fundado i lider di partido.
RED por wordo considera komo un partido di programa, cu a haci bon gobernacion un tema politico.[2] Ademas, tempo di su fundacion e partido a profila su mes publicamente, como e unico partido politico Arubano, cu tabata pro reconocimiento di derechonan di gay y un reforma di e politica pa cu droga. E partido ta conoci tambe pa e idea cu desicionnan politico importante mester wordo tuma solamente despues di consulta popular via di un referendum.
Na su prome salida den eleccionnan pa parlamento di Aruba na 2005, e partido a logra 3.330 voto y un asiento, cu a wordo ocupa pa Rudy Lampe. Na e eleccionnan di 2009 y 2013 e partido no a drenta parlamento. Na 2009, RED a campaña na Aruba pa e eleccionnan pa Parlamento Europeo, na nòmber di su partido ruman Hulandes, GroenLinks. Despues cu na 2013 e partido a perde hopi voto, e lider di partido Rudy Lampe a declara di baha for di su funcion.[3] Ricardo Croes ta bira lider di partido na 2016. Bou di Croes como lider di lista e partido ta bolbe saca un asiento den eleccion 2017. RED ta obtene 4166 voto, e mayor cantidad den su historia electoral. Seguidamente e partido a forma parti di gobierno den e coalicion MEP-POR-RED. Entre 2017 y 2021 Rudy Lampe a representa e partido como vakminister den gabinete Wever-Croes I. Na eleccion 2021 e partido a ricibi 1789 voto perdiendo su asiento den parlamento. Durante su campaña e punto importante di atenshon tabata un sistema nobo pa e conducta di votacion den parlamento di Aruba.[4]
Organisacion
[editá | editá fuente]Lider di partido
- 2003-2013: Rudy Lampe (kende a encabesa e lista na 2005, 2009 y 2013)
- 2017-2021: Ricardo Croes (kende a encabesa e lista na 2017 y 2021)
Lider di fraccion
- 2005-2009: Rudy Lampe (fraccion cu un solo miembro)
- 2017-2021: Ricardo Croes (fraccion cu un solo miembro)
Presidente di partido
- 2016-2017: Leo Croes
- 2017-2020: Thomas Ruiz
- 2020-2022: Kisasha van der Bliek
- 2022-presente: Rene Kock[5]
Fuente, nota i/òf referensia
|