Sirconferensa

	Vos an lenga piemontèisa
	Për amprende a dovré 'l sistema dle parlà locaj ch'a varda sì.

Na sirconferensa con ël so sènter. La sirconferensa a l'é la curva composta da tuti ij pont che a l'han la midèma distansa da n'autr pont fissà, ciamà sènter; la distansa dal sènter a l'é ciamà ragg dla sirconferensa. La part interior dla sirconferensa a l'é ciamà sercc; Ant la lenga ëd tuti ij di, as costuma nen dësserne tra "sercc" e "sirconferensa". Equassion L'equassion cartesian-a dla sirconferensa ëd sènter $(\alpha ,\beta )$ e 'd ragg $r$ a l'é: $(x-\alpha )^{2}-(y-\beta )^{2}=r^{2}$, che as peul espandi 'n forma canonica: $x^{2}+y^{2}+ax+by+c=0$. La relassion tra 'l doe forme a l'é: $\left\{{\begin{matrix}a&=&-2\alpha \\b&=&-2\beta \\c&=&\alpha ^{2}+\beta ^{2}-r^{2}\Rightarrow r^{2}&=&\alpha ^{2}+\beta ^{2}-c.\end{matrix}}\right.$ La forma canonica a l'é cola ëd na sirconferensa mach quand $\alpha ^{2}+\beta ^{2}-c\geq 0$. Ël càs $\alpha ^{2}+\beta ^{2}-c=0$ a rapresenta na sirconferensa ëd ragg 0, visadì 'n pont. La sirconferensa con sènter ant l'origìn dij ass a l'ha equassion paramétrica: $\left\{{\begin{matrix}x&=&r\cos t\\y&=&r\sin t\end{matrix}}\right.$ e equassion polar: $\rho =r$. Proprietà Na sirconferensa con tre corde. La longhëssa dla sirconferensa ëd ragg $r$ a val $2\pi r$, antant che la soa area a val $4\pi r^{2}$. Na sirconferensa e na reta a peulo trovese an tre manere: la reta a pasa fòra dla sirconferensa (esterna); la reta a toca la circonfrensa ant un pont sla broa (tangent); la reta a pasa andinta a la sirconferensa (interna); ël toc ëd reta andinta a la sirconferensa a l'é ciamà corda. Për fissé na sirconferensa a basta ciapé tre sò pont: as dissegno ij ass dij segment che a gionso ij pont; l'anterssesion dij tre ass a l'é ël sènter dla sirconferensa. Topologìa Coma spassi topologìc, la sirconferensa a l'é equivalent (visadì omeomorf) a 'n përcors sarà sensa grop, e a l'é në spassi compatt e coness. Për otnì na sirconferensa, as peul ciapé n'interval sarà ansima a la reta dij numer reaj e giunzi i doi estrem, o fé la compatificassion d'Alexandrov dla reta real.

Aiuto per la lettura Ayuda para la lectura Help for Reading Rintré ant la Piòla Contaté j'Aministrator Lìber për Amprende Coression ortogràfica Tastadura piemontèisa Portaj e Proget Agiut pr'ij Contributor Travajòt sempi