عبد الحمید خان بھاشانی
عبد الحمید خان بھاشانی | |
---|---|
(بنگالی وچ: আবদুল হামিদ খান ভাসানী) | |
جم | 12 دسمبر 1880 |
وفات | 17 نومبر 1976 (96 سال)[۱] |
شہریت | |
جماعت | عوامی لیگ |
عملی زندگی | |
مادر علمی | دارالعلوم دیوبند [۲] |
پیشہ | سیاست دان |
مادری زبان | بنگالی |
پیشہ ورانہ زبان | بنگالی |
اعزازات | |
ترمیم |
عبد الحمید خان بھاشانی۔ برصغیر دے ممتاز سیاست دان۔ سراج گنج ضلع پٹنا ’’بہار، بھارت‘‘ وچ پیدا ہوئے۔ 12 سال دی عمر وچ مشرقی بنگال دے علاقہ تانگیل وچ سکونت اختیار کیتی۔ کچھ عرصہ بعد آسام منتقل ہو گئے تے جدوجہد آزادی وچ سرگرم حصہ لینا شروع کیتا۔ 1919ء وچ تحریک خلافت وچ شامل ہو گئے تے 18 مہینے قید و بند وچ گزارے۔
شروع وچ مولانا بھاشانی دیاں ہمدردیاں کانگرس دے نال سن پر چھیتی ای کانگریسی لیڈراں توں مایوس ہو گئے تے مسلم لیگ دے مطالبۂ پاکستان دی پرجوش حمایت کرن لگ گئے ۔ پاکستان دے قیام دے وقت آسام مسلم لیگ دے صدر سن ۔ اوہناں دیاں کوششاں نال آسام دے مسلم آبادی والے ضلع سلہٹ دے مسلماناں نے 1947ء دے ریفرنڈم وچ پاکستان وچ شمولیت دے حق وچ ووٹ دتا۔
قیام پاکستان توں بعد مولانا بھاشانی نے مسلم لیگی لیڈراں توں بد دل ہو کے عوامی لیگ وچ شمولیت اختیار کیتی ۔ 1949ء وچ عوامی لیگ توں وی علیحدہ ہو گئے تے اپنی اک جماعت نیشنل عوامی پارٹی قائم کیتی ۔ 1970 وچ 23 مارچ توں 25 مارچ تک ٹوبھا ٹیک سنگھ وچ مشہور کسان کانفرنس دا انعقاد کیتا ۔ 1970ء وچ مشرقی پاکستان دے علیحدگی پسنداں دے نال مل گئے ۔بنگلا دیش دی تشکیل وچ شیخ مجیب الرحمن دی بھرپور مدد کیتی ۔ مشرقی پاکستان وچ باغیاں دے خلاف فوجی کارروائی دے نتیجے وچ باغیاں دا جیہڑا پہلا جتھا فرار ہو کے بھارت پہنچیا اوہدے وچ مولانا بھاشانی وی شامل سن ۔ سقوط ڈھاکا توں بعد واپس آ گئے تے ملکی سیاست وچ حصہ لینا شروع کر دتا۔ اکتوبر 1976ء وچ پیرانہ سالی دے سبب عملی سیاست توں کنارہ کش ہو گئے ۔ شعلہ نفس تے سیماب طبع بزرگ سن ۔