گلاب
| گلاب | |
| |
| پچھان | |
| دیس: | بوٹے |
| برادری: | پھلوالے بوٹے |
| ٹبر: | گلاب ٹبر |
| ٹوکرہ: | گلاب |
| ونڈاں: | 100 |
گلاب اک سدا ہری رہن والی جھاڑی اے جیہدا جوڑ گلاب دے ٹبر نال اے اَتے جیہدے چ 100 توں ودھ ونڈاں دے وکھریاں رنگاں دے بوٹے ہیگے نیں۔ گلاب دا پھل پرانے ویلیاں توں اپنی سہنپ تے خوشبو لئی منیا تے اگایا گیا اے۔ گلاب دی جھاڑی سدی تے تکڑی ہوندی اے کجھ لیٹیاں وی ہوندیاں نیں جیہدے تے تیز بچاں والے کنڈے لگے ہوندے نیں۔ ایہہ وکھرے ناپ دے تے رنگاں دے وہندے نیں۔ پھل وڈے تے ٹوہری ہوندے نیں۔ چٹے، پیلے اَتے گلابی رنگ دے پھل والے زیادہ پسند ہوندے نیں۔ گلاب ایشیاء یورپ اتلے لہندے افریقہ اَتے اُتلے امریکہ دا واسی اے۔
وکھالہ[سودھو]
پتے ٹاہنی تے آمنے سامنے دے بجاۓ اتے تھلے لگے ہوندے نیں۔ عام ونڈاں وچ ایہ 5 توں 15 سینٹی میٹر(2.0 توں 5.9 انچ) لمے ہوندے نیں تے ہر پتی دے کنڈے تے ٹک لگے ہوندے نیں۔ پتی دے تھلے مڈھ تے کنڈے وی ہوسکدے نیں۔ لامت ونڈاں دے پھلاں دیاں 5 پتیاں ہوندیاں نیں پر ریشمی گلاب دیاں 4 نیں۔
ورتن[سودھو]
گلاب اپنے پھلاں دی سہنپ باہجوں گھراں تے پھلواریاں وچ اگاۓ جاندے نیں۔ ایہ اپنی خوشبو لئی تے ایہدے گلدستیاں وچ ورتن لئی وی اگاۓ جاندے نیں۔
عطر گلاب[سودھو]
گلاب دے پھلاں نوں بھاف دے کے اوہدا تیل کڈھیا جاندا اے جیہڑا فیر خوشبو چ ورتیا جاندا اے۔
اگانا[سودھو]
گلاب واسطے چنگی زمین دی لوڑ ہوندی اے۔ ایہدے تھلے تھاں گِلّی تے ہوے پر پانی کھَلونا نہی چاہیدا۔
گلاب دے روگ[سودھو]
کیڑے گلاب را رس چوس کر ایہنوں ماڑا کر دیندے نیں۔ ایہناں دا ویری بیر بہوٹی اے۔ ایہنوں گلاباں نال رہناں چاہیدا اے۔
گلاب، رہتل چ[سودھو]
گلاب نوں پیار اَتے روپ دا نشان سمجھیا جاندا اے۔ ایہہ برطانیہ اَتے امریکہ دا قومی پھل وی اے۔
ونڈاں[سودھو]
ہور پڑہو[سودھو]
مورت نگری[سودھو]
بارلے جوڑ[سودھو]
 |
وکیمیڈیا کامنز چ مورتاں: گلاب |
- مورتاں Archived 2010-05-24 at the وے بیک مشین
- گلاب دے مطلب Archived 2009-09-13 at the وے بیک مشین
- گلاباں دی دنیا