یوسمائیٹ نیشنل پارک
یوسمائیٹ نیشنل پارک | |
دیس: | امریکہ |
نیڑے تھاں: | میریپوسا، کیلیفورنیا |
تھاں: | 761,266 ایکڑ |
بنیا: | 1 اکتوبر 1890 |
ویکھن والے: | 3,563,293 ( 2010) |
یوسمائیٹ نیشنل پارک (Yosemite National Park) امریکہ چ اک نیشنل پارک اے۔ ایہ چڑدے وشکارلے کیلیفورنیا دیاں کاؤنٹیاں ٹولومنے میریپوسا تے ماڈیرا دے چڑھدے پاسے توں لیکے سیرانیوادا دیاں لیندیاں اترائیاں تک 761,266 ایکڑ تھاں تے پھیلیا ہویا اے. یوسمائیٹ نوں سلانہ 3.5 ملین دے نیڑے لوک تکن آندے نیں۔ اے پارک سوہنیاں چٹاناں، آبشاراں، ستھریاں ندیاں، اچے سیقویا رکھاں تے ونسونے جانوراں لئی جانیا جاندا اے۔[۱] اتلے پاسیاں ول گلیشیر دے تھلے آن نال زمین چ ڈونگیاں تریڑاں پیاں، تے ندیاں تے کسیاں نے اپنے ڈونگے راہ بناۓ۔
یوسمائیٹ یا یوسیمٹی اک پرانے انڈین قبیلے دا ناں سی جیہڑا یوسمائیٹ وادی چ ریندا سی۔ یوسمائیٹ دا مطلب اے 'اوہ جیہڑے ماردے نیں' تے ایہ ناں ایس قبیلے نوں نالدے قبیلے نیں دتا سی۔
ایتھے ریڈانڈین صدیاں توں وسدے سن۔ 16ویں صدی چ ایتھے ہسپانوی کھوجی اپڑے۔ 19ویں صدی چ ایہ تھاں امریکہ کول چلا گیا۔ 1851 چ سونے دی کھوج چ آن والے ایتھے آوسے۔ 1855 چ مورتاں بنان والیاں نیں ایدیاں سوہنیاں تھانواں دیاں مورتاں بنایاں تے اینج بارلی دنیا نوں ایدی خوبصورتی دا پتہ چلیا۔ دو امریکیاں گالن کلرک تے جان موئیر تے سیرا کلب دیاں کوششاں نال پہلی اکتوبر 1890 نوں ایہ پارک بنادتا گیا۔
یوسمائٹ نیشنل پارک امریکی صوبے کیلیفورنیا دے پعاڑی سلسلے سیرانیوادا وچ 3080 مربع کلومیٹر تھاں تے پھیلیا ہویا اے۔ اک کروڑ ورے پہلے سیرانیوادا اتے نوں اٹھیا فیر اینے لیندے تے چڑھدے پاسے ول ٹعلواناں بنایاں۔ ایدیاں اچائیاں تے برفانی پعاڑ بنے جناں توں گلیشیر تھلے نوں اۓ اوناں گلیشیر نے تنگ وادیاں جھیلاں دریا تے کٹیاں جٹاناں بنایاں۔
خاص تھاںواں | ||||
---|---|---|---|---|
ادا گمبد | یوسمائیٹ وادی | شیشہ جھیل | ال کیپیٹان | مرسڈ دریا |
اے سان فرانسسکو توں 4 کینٹے دے پینڈے تے تے لاس اینجلس توں 6 کینٹے دے پینڈے تے اے۔ ایدے چ ہزاراں ندیاں تے تلاع نیں۔ ایدیاں ندیاں دی لمبائی 2600 کلومیٹر، ہائیکنگ ڈنڈیاں 1300 کومیٹر تے سڑکاں 560 کلومیٹر لمیاں نیں۔ 35 لکھ توں ود لوک ایتھے سلانہ آندے نیں تے ایناں چوں چوکھے سارے 18 مربع کلومیٹر تے پھیلی ہوئی یوسمائیٹ وادی نوں ای ویکھن آندے نیں. دو دریا ٹولمی تے مرسڈ ایس پارک تون ٹردے نیں۔ پارک 2127 فٹ توں لے کے 13114 فٹ تک اچا اے۔ ٹلہ لائل پارک دی سب توں اچی چوٹی اے۔
پارک چ بوٹیاں دیاں 1400 توں ود ونڈاں نیں۔ ایناں چوں 160 بوٹے نایاب نیں۔ پونڈروزا چیڑ, مٹھا چیڑ, ڈگلس فر, چٹا فر تے ہور کئی ونڈاں دے بوٹے ہوندے نیں۔
رکھ | ||||
---|---|---|---|---|
پونڈروزا چیڑ | مٹھا چیڑ | ڈگلس فر | چٹا فر |
پارک چ ریڈھ دی ہڈی والے جانوراں دیاں 250 ونڈاں نیں۔
جانور | ||||
---|---|---|---|---|
باب بلا | کوگار | پعورا لومڑ | خچر ہرن | امریکی کالا رچھ |
پنچھی | ||||
---|---|---|---|---|
چٹ سری ترکھان چڑی | جوگی چڑی | لال پرا کالا پنچھی | چینا الو |
چھمبراں | ||||
---|---|---|---|---|
برائیڈلویل | یوسمائیٹ | ورنل | نیوادا |
1916 چ امریکہ دی نیشنل پارک سروس بنی تے اودوں توں اوہ ایس پارک نوں چلا رئی اے۔
بارلے جوڑ
[سودھو]وکیمیڈیا کامنز چ مورتاں: یوسمائیٹ نیشنل پارک |
- نیشنل پارک سروس
- یوسمائیٹ سنگت
- یوسمائیٹ فنڈ Archived 2009-01-05 at the وے بیک مشین
- یوسمائیٹ پارک آرگنازیشن
- ناں
اتہ پتہ
[سودھو]- ↑ Lua error in ماڈیول:Citation/CS1/ar at line 3438: attempt to call field 'set_selected_modules' (a nil value).
یوسمائیٹ · ییلوسٹون · آرچز · بگ بنڈ · دینالی · میزا وردے · گرینڈ ٹیٹن · صیہون · وائیجرز · سینٹرل · سیکویا · سیگوارو · اولمپک · کینینلینڈز · بسکینی · برائیس کینین · کیپیٹل ریف · چینل آئیلینڈز · گلیشیر بے · گلیشیر · گریٹ بیسن · ہالیاکالا · ہوائی والکینوز · ایورگلیڈز · تھیوڈر روزویلٹ · راکی ماؤنٹین · ماؤنٹ رینیر · جوشواٹری · شیننڈوح