Поземковы универзиты и коледжѣ
Вызир
актох: 1862 (червена), 1890 (бѣла), 1994 (чорна)
Поземковы универзиты и коледжѣ, англ. land-grant colleges — высокы школы в США, створены на основѣ Акта Морилла (1862) и наступных правных регулаций минимално по една в каждом штатѣ в интересѣ задоволѣня потребы на вышколованых земледѣлскых и техничных фахманох про скоро ростучу аграрну и промыслову выробу.[1]
Окрем того на них была кладена повинность выучовати офицерскы кадры про войско.[2] Мимо той повинной триады векшина з тых школ были коледжами слободных умѣнь з широков програмов гуманитных наук.
История
[едітовати | едітовати жрідло]Штатный агроколедж Канзаса, днесь Универзита Канзаса
- Правны акты
- Конгресовым актом з року 1862 каждый штат достав найменше 360 км2 землѣ федералного фонда, перед тым векшинов индианской, котру мог спѣняжити (продати, пронаяти) або хосновати, але вылучно лем на хосен новоствореного коледжа. В року 1890, коли уж не было вельо слободных земель, модификованый акт з року 1890 вызначив, же ся грант про новы коледжѣ може дати в пѣняжной формѣ, а тоты коледжѣ мали переважно служити небѣлому обывательству: 17 переважно афро-америцкых и 30 индианскых коледжей.[3] Довъедна подля обох актох створили 69 высокых школ.[2] В року 1994, еще далшы, уже екзистуючы, высокы школы достали адекватны пѣняжны гранты и статус поземковых.
- Интересны факты
- Найстарша вобще высока школа з тым статусом была Йейлова универзита, основана в року 1701, достала статус в року 1863, але утратила го в року 1893.
- Найстарша днесь фунгуюча высока школа зо статусом поземковой — Ратгерсова универзита, основана в року 1766, котра достала тот статус в року 1864.
- Перва высока школа, основана по силѣ Акта Морилла (1862) быв Штатный агроколедж Канзаса (Kansas State Agricultural College), днесь Универзита Канзаса, основана 16. фебруара 1863, а 2. септембра 1863 зачавша выуку.[4]
Жерела и одказы
[едітовати | едітовати жрідло]- Land-Grant College Act of 1862, or Morrill Act (по англицкы). Encyclopaedia Britannica. https://www.britannica.com/topic/Land-Grant-College-Act-of-1862. [перевірено 2020-01-29].
- Land-grant universities (по англицкы). Encyclopaedia Britannica. https://www.britannica.com/topic/land-grant-university. [перевірено 2020-01-29].
Референции
[едітовати | едітовати жрідло]- ↑ Land-grant universities.
- ↑ 2,0 2,1 Land-grant universities.
- ↑ Land-Grant College Act of 1862, or Morrill Act.
- ↑ The National Schools of Science, The Nation: 409, November 21, 1867, https://books.google.com/books?id=Mf0xAQAAIAAJ&pg=PA409&lpg=PA409&q=land%20grant%20kansas%20february%2016%2C%201863%20pennsylvania%20April