ᱛᱟᱥᱤᱨ
ᱛᱟᱥᱤᱨ Տաշիր | |
---|---|
ᱛᱟᱥᱤᱨ ᱨᱮᱭᱟᱜ ᱛᱟᱞᱢᱟ | |
ᱫᱤᱥᱚᱢ | ᱟᱨᱢᱮᱱᱤᱭᱟ |
ᱢᱟᱨᱡᱽ | ᱞᱚᱨᱤ |
Established | 1844 |
ᱮᱨᱤᱭᱟ | |
• ᱞᱮᱠᱷᱟᱜᱩᱴ | 5.6 ᱠᱤᱢᱤ২ (2.2 ᱜᱟᱺᱴ ᱢᱟᱭᱤᱞ) |
ᱩᱥᱩᱞ | 1500 ᱢᱤᱴᱚᱨ (4900 ᱯᱷᱩᱴ) |
ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ | (2011 census) |
• ᱞᱮᱠᱷᱟᱜᱩᱴ | ᱗,᱗᱗᱓ |
• ᱰᱮᱱᱥᱤᱴᱤ | 1400/ᱠᱤᱢᱤ2 (3600/ᱜᱟᱺᱴ ᱢᱟᱹᱭᱤᱞ) |
UTC +4 | |
ᱮᱨᱤᱭᱟ ᱠᱳᱰ(ᱠᱚ) | 2101 |
Sources: Population[᱑] |
ᱛᱟᱥᱤᱨ (ᱤᱝᱨᱟᱹᱡᱤᱺ Tashir; ᱟᱨᱢᱮᱱᱤᱭᱟᱱ: Տաշիր) ᱫᱚ ᱠᱚᱸᱭᱮᱸ ᱟᱨᱢᱮᱱᱤᱭᱟ ᱫᱤᱥᱚᱢ ᱨᱮᱭᱟᱜ ᱞᱚᱨᱤ ᱯᱚᱱᱚᱛ ᱨᱮᱭᱟᱜ ᱢᱤᱫᱴᱮᱱ ᱱᱟᱝᱜᱽᱨᱟᱦᱟ ᱟᱨ ᱱᱟᱝᱜᱽᱨᱟᱦᱟ ᱢᱩᱱᱤᱥᱤᱯᱟᱞᱤᱴᱤ ᱜᱟᱛᱟᱠ ᱴᱚᱴᱷᱟ ᱠᱟᱱᱟ| ᱱᱤᱭᱟᱹ ᱱᱟᱝᱜᱽᱨᱟᱦᱟ ᱫᱚ ᱡᱚᱨᱡᱤᱭᱟ ᱫᱤᱥᱚᱢ ᱨᱮᱭᱟᱜ ᱥᱤᱢᱟᱹᱱᱟ ᱠᱦᱚᱱ ᱟᱹᱰᱤ ᱥᱩᱨ ᱨᱮ ᱢᱮᱱᱟᱜ ᱟᱠᱟᱫᱟ| ᱱᱤᱭᱟᱹ ᱱᱟᱝᱜᱽᱨᱟᱦᱟ ᱫᱚ ᱞᱚᱨᱤ ᱯᱚᱱᱚᱛ ᱨᱟᱡᱽ ᱜᱟᱲ ᱠᱷᱚᱱ ᱔᱒ ᱠᱤᱞᱚ ᱢᱤᱴᱟᱨ ᱥᱟᱝᱜᱤᱧ ᱨᱮ ᱢᱮᱱᱟᱜ-ᱟ ᱟᱨ ᱫᱤᱥᱚᱢ ᱨᱮᱭᱟᱜ ᱨᱟᱡᱽ ᱜᱟᱲ ᱠᱷᱚᱱ ᱭᱮᱨᱮᱣᱟᱱ ᱑᱕᱔ ᱠᱤᱞᱚ ᱢᱤᱴᱟᱨ ᱥᱟᱝᱜᱤᱧ ᱨᱮ ᱢᱮᱱᱟᱜ ᱟᱠᱟᱫᱟ| ᱒᱐᱑᱑ ᱥᱮᱨᱢᱟ ᱨᱮᱭᱟᱜ ᱦᱚᱲ ᱞᱮᱠᱷᱟ ᱞᱮᱠᱟᱧ ᱛᱮ ᱱᱚᱱᱰᱮᱱᱟᱜ ᱦᱚᱲ ᱞᱮᱠᱷᱟ ᱫᱚ ᱛᱟᱦᱮᱸᱠᱟᱱᱟ ᱗,᱗᱗᱓ ᱡᱚᱱᱟ, ᱒᱐᱑᱖ ᱥᱮᱨᱢᱟ ᱚᱱᱢᱟᱱ ᱦᱚᱲ ᱞᱮᱠᱟ ᱨᱮ ᱟᱢᱫᱟᱡᱽ ᱗,᱕᱐᱐ ᱡᱚᱱᱟ ᱦᱚᱲ ᱠᱚ ᱛᱦᱟᱮᱸᱠᱟᱱᱟ|
ᱧᱩᱛᱩᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱟᱭᱤᱨ ᱫᱚ ᱑᱘᱔᱔ ᱥᱮᱨᱢᱟ ᱨᱮ ᱠᱚ ᱵᱟᱱᱫᱷᱟᱣ ᱞᱮᱫᱟ ᱵᱚᱨᱚᱱᱛᱥᱚᱶᱚᱠ ᱧᱩᱛᱩᱢ ᱛᱮ, ᱱᱚᱣᱟ ᱧᱩᱛᱩᱢ ᱫᱚ ᱨᱟᱥᱤᱭᱟᱱ ᱨᱟᱡᱽ ᱠᱩᱢᱟᱨ ᱟᱨ ᱯᱷᱤᱞᱰ ᱢᱟᱨᱥᱟᱞ ᱢᱤᱠᱷᱟᱭᱤᱞ ᱥᱮᱢᱭᱚᱱᱚᱵᱷᱤᱠ ᱵᱚᱨᱚᱱᱛᱥᱚᱶ ᱛᱮ ᱠᱚ ᱫᱚᱦᱚ ᱞᱮᱫᱟ| ᱚᱠᱚᱭ ᱫᱚ ᱑᱘᱔᱔ ᱥᱮᱨᱢᱟ ᱠᱷᱚᱱ ᱑᱘᱕᱓ ᱥᱮᱨᱢᱟ ᱦᱟᱹᱵᱤᱡ ᱨᱮᱭᱟᱜ ᱠᱚᱠᱮᱥᱤᱭᱟᱱ ᱞᱟᱹᱲᱦᱟᱹᱭ ᱨᱮ ᱟᱹᱭᱩᱨᱤᱡ-ᱮ ᱛᱟᱦᱮᱸᱠᱟᱱ| ᱑᱙᱓᱕ ᱥᱮᱨᱢᱟ ᱨᱮ, ᱱᱤᱭᱟᱹ ᱱᱟᱝᱜᱽᱨᱟᱦᱟ ᱫᱚ ᱵᱚᱞᱥᱮᱵᱷᱤᱠ ᱞᱟᱲᱟᱣᱱᱟ ᱨᱮᱱ ᱟᱹᱜ-ᱭᱩᱨᱤᱭᱟ ᱢᱮᱠᱷᱟᱭᱤᱞ ᱠᱟᱞᱤᱱᱤᱱ ᱢᱟᱱᱚᱛ ᱮᱢᱟᱭ ᱞᱟᱹᱜᱤᱫ ᱥᱚᱵᱷᱤᱭᱮᱴ ᱦᱚᱛᱮ ᱛᱮ ᱠᱟᱞᱤᱱᱤᱱ ᱠᱚ ᱧᱩᱛᱩᱢ ᱫᱚᱦᱲᱟ ᱠᱮᱫᱟ| ᱑᱙᱙᱑ ᱥᱮᱨᱢᱟ ᱨᱮ ᱟᱨᱢᱮᱱᱤᱭᱟ ᱯᱷᱩᱨᱜᱟᱹᱞ ᱧᱟᱢ ᱛᱟᱭᱱᱚᱢ ᱱᱚᱣᱟ ᱱᱟᱝᱜᱽᱨᱟᱦᱟ ᱫᱚ ᱟᱨᱢᱮᱱᱤᱭᱟ ᱨᱮᱭᱟᱜ ᱱᱟᱜᱟᱢᱤᱭᱟᱹ ᱴᱚᱴᱷᱟ ᱛᱟᱥᱤᱨ ᱨᱮᱭᱟᱜ ᱧᱩᱛᱩᱢ ᱛᱟᱥᱤᱨ ᱛᱮ ᱠᱚ ᱧᱩᱛᱩᱢ ᱫᱚᱦᱲᱟ ᱠᱮᱫᱟ, ᱱᱟᱜᱟᱢᱤᱭᱟᱹ ᱢᱟᱨᱟᱝ ᱟᱨᱢᱮᱱᱤᱭᱟ ᱨᱮᱭᱟ ᱑᱓ ᱮᱞᱟᱱ ᱜᱩᱜᱟᱨᱠ ᱯᱚᱱᱚᱛ ᱨᱮᱭᱟᱜ ᱢᱤᱫᱴᱮᱱ ᱴᱚᱴᱷᱟ ᱞᱮᱠᱟ ᱛᱮ|
ᱱᱟᱜᱟᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱱᱟᱜᱟᱢ ᱞᱮᱠᱟ ᱛᱮ ᱱᱟᱦᱟᱜ ᱚᱠᱛᱮ ᱨᱮᱭᱟᱜ ᱛᱟᱥᱤᱨ ᱫᱚ ᱑᱓ ᱥᱟᱭ ᱥᱮᱨᱢᱟ ᱨᱮᱭᱟᱜ ᱢᱟᱨᱟᱝ ᱟᱨᱢᱮᱱᱤᱭᱟ ᱨᱮᱭᱟᱜ ᱱᱟᱜᱟᱢᱤᱭᱟᱹ ᱜᱩᱜᱟᱨᱠ ᱯᱚᱱᱚᱛ ᱨᱮᱭᱟᱜ ᱢᱤᱫᱴᱮᱱ ᱴᱚᱴᱷᱟ ᱛᱟᱦᱮᱸᱠᱟᱱᱟ| ᱟᱨᱥᱮᱥᱤᱰ ᱨᱟᱡᱚᱥᱴᱷᱤ ᱨᱮᱭᱟᱜ ᱨᱟᱡᱚᱜ ᱚᱠᱛᱮ ᱨᱮ (᱕᱒-᱔᱒᱘) ᱟᱨ ᱛᱟᱭᱚᱢ ᱛᱮ ᱥᱟᱥᱟᱱᱤᱫᱽ ᱯᱟᱨᱥᱤᱭᱟ ᱠᱚᱣᱟᱜ ᱨᱟᱡᱚᱥᱴᱷᱤ ᱚᱠᱛᱮ ᱨᱮ (᱔᱒᱘-᱖᱕᱑), ᱟᱨᱛᱤᱠ ᱴᱚᱴᱷᱟ ᱫᱚ ᱟᱨᱢᱮᱢᱤᱭᱟ ᱨᱮᱭᱟᱜ ᱠᱟᱢᱥᱟᱨᱟᱠᱟᱱ ᱜᱷᱟᱨᱚᱧᱡᱽ ᱨᱮᱱ ᱠᱚ ᱥᱟᱥᱚᱱᱮᱫ ᱠᱟᱱ ᱛᱟᱦᱮᱸᱠᱟᱱᱟ| ᱖᱕᱔ ᱥᱮᱨᱢᱟ ᱨᱮ ᱟᱨᱟᱵᱽ ᱦᱚᱛᱮ ᱛᱮ ᱟᱨᱢᱮᱱᱤᱟᱭ ᱟᱠᱨᱚᱢᱚᱱ ᱛᱟᱭᱚᱢ ᱱᱚᱣᱟ ᱴᱚᱴᱷᱟ ᱫᱚ ᱵᱟᱜᱽᱨᱟᱛᱤᱫᱽ ᱨᱟᱡᱽᱵᱚᱝᱥᱚᱣᱟᱜ ᱦᱩᱭᱮᱱᱟ, ᱚᱠᱚᱭ ᱫᱚ ᱘᱘᱕ ᱥᱮᱨᱢᱟ ᱨᱮ ᱟᱨᱢᱮᱱᱤᱟᱭ ᱨᱮ ᱵᱟᱜᱽᱨᱟᱛᱤᱫᱽ ᱨᱟᱡᱚᱥᱴᱷᱤ ᱠᱚ ᱛᱷᱟᱯᱚᱱ ᱞᱮᱫᱟ|
ᱚᱛᱱᱚᱜ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱱᱤᱭᱟᱹ ᱴᱚᱴᱷᱟ ᱫᱚ ᱟᱨᱢᱮᱱᱤᱭᱟ ᱨᱮᱭᱟᱜ ᱞᱚᱨᱤ ᱴᱟᱹᱱᱰᱤ ᱴᱚᱴᱷᱟ ᱨᱮ ᱢᱮᱱᱟᱜ-ᱟ, ᱛᱟᱥᱤᱨ ᱫᱚ ᱛᱟᱥᱤᱨ ᱜᱟᱰᱟ ᱟᱲᱮ ᱢᱮᱱᱟᱜ-ᱟ| ᱱᱤᱭᱟᱹ ᱫᱚ ᱫᱚᱨᱭᱟ ᱥᱟᱦᱴᱟ ᱠᱷᱚᱱ ᱑᱕᱐᱐ ᱢᱤᱴᱟᱨ ᱪᱮᱛᱟᱱ ᱨᱮ ᱢᱮᱱᱟᱜ-ᱟ[᱒]|ᱱᱤᱭᱟᱹ ᱱᱟᱝᱜᱽᱨᱟᱦᱟ ᱫᱚ ᱦᱮᱱᱫᱮ ᱜᱷᱟᱸᱥᱟᱱᱟᱜ ᱡᱷᱟᱲ ᱛᱮ ᱯᱮᱨᱮᱡ ᱟᱠᱟᱱᱟ| ᱱᱤᱭᱟᱹ ᱱᱟᱝᱜᱽᱨᱟᱦᱟ ᱫᱚ ᱡᱟᱶᱟᱠ ᱵᱩᱨᱩ ᱨᱮᱧᱡᱽ ᱛᱮ ᱮᱥᱮᱫ ᱟᱠᱟᱱᱟ|
ᱥᱟ.ᱠᱷᱭᱟ.ᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ 2011 Armenia census, Lori Province
- ↑ Our Town Archived ᱒᱐᱑᱕-᱐᱕-᱒᱖ at the Wayback Machine.