ᱥᱟᱞᱟᱝ ᱥᱩᱨᱟᱹᱝ
ᱥᱟᱞᱟᱝ ᱥᱩᱨᱟᱹᱝ (Dari: تونل سالنگ Tūnel-e Sālang, Pashto: د سالنگ تونل Da Sālang Tūnel) ᱫᱚ ᱟᱯᱷᱜᱟᱱᱤᱥᱛᱟᱱ ᱨᱮᱱᱟᱜ ᱢᱤᱫ ᱒.᱖᱗ ᱠᱤᱞᱚᱢᱤᱴᱚᱨ ᱡᱤᱞᱤᱧ ᱥᱩᱨᱟᱹᱝ ᱠᱟᱱᱟ, ᱡᱟᱦᱟᱸ ᱫᱚ ᱦᱤᱱᱫᱩ ᱠᱩᱥ ᱵᱩᱨᱩ ᱨᱮ ᱥᱟᱞᱟᱝ ᱯᱟᱥ ᱨᱮ ᱢᱮᱱᱟᱜᱼᱟ, ᱯᱟᱨᱣᱟᱱ ᱟᱨ ᱵᱟᱜᱷᱞᱟᱱ ᱯᱚᱱᱚᱛ ᱛᱟᱞᱟ ᱨᱮ, ᱠᱟᱵᱩᱞ ᱨᱮᱱᱟᱜ ᱨᱟᱡᱽᱜᱟᱲ ᱠᱷᱚᱱ ᱙᱐ ᱠᱤᱞᱚᱢᱤᱴᱚᱨ ᱮᱛᱚᱢ ᱨᱮ ᱢᱮᱱᱟᱜᱼᱟ ᱾ ᱫᱚᱨᱭᱟ ᱟᱴᱮᱫ ᱠᱷᱚᱱ ᱓,᱒᱐᱐ ᱢᱤᱴᱚᱨ (᱑᱐,᱕᱐᱐ ᱯᱷᱩᱴ) ᱪᱮᱛᱟᱱ ᱨᱮ ᱢᱮᱱᱟᱜ ᱱᱚᱣᱟ ᱥᱩᱨᱟᱹᱝ ᱫᱚ ᱥᱚᱵᱷᱤᱭᱮᱴ ᱥᱟᱶᱛᱟ ᱑᱙᱖᱔ ᱥᱟᱞᱮ ᱨᱮ ᱯᱩᱨᱟᱹᱣ ᱞᱮᱫᱼᱟ ᱟᱨ ᱮᱛᱚᱢ ᱟᱯᱷᱜᱟᱱᱤᱥᱛᱟᱱ ᱨᱮᱱᱟᱜ ᱨᱟᱡᱽᱜᱟᱲᱠᱟᱵᱩᱞ ᱟᱨ ᱫᱤᱥᱚᱢ ᱨᱮᱱᱟᱜ ᱠᱚᱧᱮ ᱴᱚᱴᱷᱟ ᱥᱟᱶ ᱡᱚᱲᱟᱣ ᱟᱠᱟᱱᱟ ᱾ ᱥᱟᱞᱟᱝ ᱥᱩᱨᱟᱹᱝ ᱨᱟᱡᱽᱟᱹᱨᱤ ᱞᱟᱹᱠᱛᱤᱭᱟᱱ ᱠᱟᱱᱟ ᱟᱨ ᱮᱛᱚᱢ-ᱠᱚᱧᱮ ᱥᱮᱫ ᱛᱮ ᱪᱟᱞᱟᱜ ᱠᱟᱱ ᱢᱤᱫᱴᱮᱱ ᱯᱟᱥᱴᱟ ᱠᱟᱱᱟ ᱡᱟᱦᱟᱸ ᱫᱚ ᱥᱮᱨᱢᱟ ᱯᱩᱨᱤ ᱵᱮᱵᱷᱟᱨ ᱨᱮ ᱢᱮᱱᱟᱜ-ᱟ, ᱢᱮᱱᱠᱷᱟᱱ ᱨᱟᱵᱟᱝ ᱨᱤᱛᱩ ᱨᱮ ᱟᱹᱰᱤ ᱟᱭᱢᱟ ᱨᱟᱵᱟᱝ ᱠᱷᱟᱹᱛᱤᱨ ᱱᱚᱶᱟ ᱫᱚ ᱵᱚᱫᱚᱞᱚᱜ-ᱟ ᱾
ᱡᱚᱠᱷᱟ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱱᱚᱶᱟ ᱥᱩᱨᱟᱹᱝ ᱫᱚ ᱟᱯᱷᱜᱟᱱᱤᱥᱛᱟᱱ ᱨᱮᱱᱟᱜ ᱢᱩᱬᱩᱛ ᱮᱛᱚᱢ ᱠᱷᱚᱱ ᱠᱚᱧᱮ ᱥᱮᱫ ᱡᱚᱲᱟᱣ ᱢᱮᱱᱟᱜ-ᱟ, ᱡᱟᱦᱟᱸ ᱫᱚ ᱗᱒ ᱜᱚᱴᱟᱝ ᱠᱷᱚᱱ ᱑᱐ ᱜᱚᱴᱟᱝ ᱚᱠᱛᱚ ᱦᱟᱹᱵᱤᱡ ᱥᱮᱱᱚᱜ-ᱟ ᱟᱨ ᱓᱐᱐ ᱠᱤᱞᱚᱢᱤᱴᱚᱨ (᱑᱙᱐ ᱢᱟᱭᱤᱞ) ᱜᱟᱱ ᱚᱠᱛᱚ ᱦᱟᱛᱟᱣ ᱮᱫᱟ ᱾ ᱱᱚᱶᱟ ᱫᱚ ᱓,᱔᱐᱐ ᱢᱤᱴᱚᱨ (᱑᱑,᱒᱐᱐ ᱯᱷᱩᱴ) ᱩᱥᱩᱞ ᱟᱨ ᱒.᱖ ᱠᱤᱞᱚᱢᱤᱴᱚᱨ (᱑.᱖ ᱢᱤᱞ) ᱡᱤᱞᱤᱧᱟ ᱾ ᱥᱩᱨᱟᱹᱝ ᱨᱮᱱᱟᱜ ᱡᱤᱞᱤᱧ ᱟᱨ ᱩᱥᱩᱞ ᱗ ᱢᱤᱴᱚᱨ (᱒᱓ ᱯᱷᱩᱴ) ᱢᱮᱱᱟᱜᱼᱟ ᱾ ᱮᱴᱟᱜ ᱜᱟᱞᱢᱟᱨᱟᱣ ᱠᱚᱫᱚ ᱢᱮᱱᱮᱫᱟ ᱡᱮ ᱱᱚᱶᱟ ᱴᱚᱱᱮᱞ ᱫᱚ ᱖.᱑ ᱢᱤᱴᱚᱨ (᱒᱐ ᱯᱷᱩᱴ) ᱠᱷᱚᱱ ᱦᱚᱸ ᱵᱟ.ᱲᱛᱤ ᱵᱟ.ᱲᱛᱤ ᱟᱨ ᱔.᱙ ᱢᱤᱴᱚᱨ (᱑᱖ ᱯᱷᱩᱴ) ᱠᱷᱚᱱ ᱦᱚᱸ ᱵᱟ.ᱲᱛᱤ ᱩᱥᱩᱞ ᱢᱮᱱᱟᱜ-ᱟ, ᱢᱮᱱᱠᱷᱟᱱ ᱱᱚᱶᱟ ᱫᱚ ᱛᱟᱞᱟ ᱨᱮᱜᱮ ᱢᱮᱱᱟᱜ-ᱟ।[᱑]
᱒᱐᱑᱐ ᱥᱮᱨᱢᱟ ᱨᱮ ᱧᱮᱞ ᱞᱮᱱᱟ ᱡᱮ ᱥᱚᱞᱟᱝ ᱜᱟᱰᱟ ᱠᱷᱚᱱ ᱫᱤᱱᱟᱹᱢ ᱜᱮ ᱑᱖,᱐᱐᱐ ᱜᱚᱴᱟᱝ ᱜᱟᱹᱰᱤ ᱥᱮᱱᱚᱜᱼᱟ ᱾[᱒] ᱮᱴᱟᱜ ᱠᱷᱚᱵᱚᱨ ᱠᱚᱨᱮ ᱚᱞ ᱢᱮᱱᱟᱜᱼᱟ ᱡᱮ ᱱᱚᱶᱟ ᱥᱩᱨᱟᱹᱝ ᱫᱚ ᱢᱤᱫ ᱫᱤᱱ ᱨᱮ ᱑᱐᱐ ᱜᱚᱴᱟᱝ ᱜᱟᱹᱰᱤ ᱞᱟᱹᱜᱤᱫ ᱛᱮ ᱛᱮᱭᱟᱨ ᱟᱠᱟᱱᱟ, ᱢᱮᱱᱠᱷᱟᱱ ᱱᱤᱛᱚᱜ ᱱᱚᱶᱟ ᱴᱩᱱᱮᱞ ᱨᱮ ᱗ ᱠᱷᱚᱱ ᱑᱐᱐᱐ ᱜᱚᱴᱟᱝ ᱜᱟᱹᱰᱤ ᱠᱚ ᱥᱮᱱᱚᱜ ᱠᱟᱱᱟ ᱾
ᱱᱚᱣᱟ ᱦᱟᱭᱣᱮ ᱑ (ᱨᱤᱝ ᱰᱟᱦᱟᱨ) ᱨᱮᱱᱟᱜ ᱢᱤᱫ ᱴᱷᱟᱶ ᱠᱟᱱᱟ ᱾
ᱱᱟᱜᱟᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱑᱙᱕᱕ ᱥᱟᱞᱮ ᱨᱮ ᱟᱯᱷᱜᱟᱱᱤᱥᱛᱟᱱ ᱟᱨ ᱥᱚᱵᱷᱤᱭᱮᱴ ᱥᱟᱶᱛᱟ ᱥᱚᱞᱟᱝ ᱥᱩᱨᱟᱹᱝ ᱨᱮᱱᱟᱜ ᱡᱚᱸᱠᱛᱤᱭ ᱦᱟᱹᱴᱤᱧ ᱮᱛᱚᱦᱚᱵ ᱞᱟᱹᱜᱤᱫ ᱢᱤᱫ ᱟᱯᱷᱜᱟᱱᱤᱥᱛᱟᱱ ᱟᱨ ᱥᱚᱵᱷᱤᱭᱮᱴ ᱥᱟᱶᱛᱟ ᱛᱟᱞᱟᱛᱮ ᱟᱯᱷᱜᱟᱱᱤᱥᱛᱟᱱ ᱨᱮ ᱥᱮᱞᱮᱫ ᱮᱱᱟ ᱾ ᱱᱚᱶᱟ ᱴᱩᱱᱮᱞ ᱫᱚ ᱑᱙᱖᱔ ᱥᱟᱞᱮ ᱨᱮ ᱮᱛᱚᱦᱚᱵ ᱞᱮᱱᱟ ᱟᱨ ᱫᱤᱥᱚᱢ ᱨᱮᱭᱟᱜ ᱮᱛᱚᱢ ᱴᱚᱴᱷᱟ ᱠᱷᱚᱱ ᱠᱟᱵᱩᱞ ᱞᱟᱹᱜᱤᱫ ᱥᱮᱨᱢᱟ ᱡᱟᱠᱟᱛ ᱡᱚᱲᱟᱣ ᱮ ᱮᱢ ᱞᱮᱫᱼᱟ ᱾ ᱑᱙᱗᱓ ᱥᱮᱨᱢᱟ ᱦᱟᱹᱵᱤᱡ ᱱᱚᱶᱟ ᱫᱚ ᱡᱮᱜᱮᱛ ᱨᱮᱱᱟᱜ ᱡᱚᱛᱚ ᱠᱷᱚᱱ ᱩᱥᱩᱞ ᱜᱟᱰᱟ ᱜᱟᱰᱟ ᱛᱟᱦᱮᱸ ᱠᱟᱱᱟ, ᱡᱚᱠᱷᱚᱱ ᱭᱩᱱᱟᱭᱴᱮᱰ ᱥᱴᱮᱴᱥ ᱫᱚ ᱠᱚᱞᱚᱨᱚᱰᱚ ᱨᱮ ᱨᱚᱠᱤ ᱢᱟᱣᱩᱱᱴᱟᱭᱤᱱ ᱨᱮ ᱤᱡᱮᱱᱦᱟᱣᱮᱨ ᱴᱩᱱᱮᱞ ⁇ ᱵᱮᱱᱟᱣ ᱠᱮᱫᱼᱟ ᱾
᱑᱙᱗᱖ ᱨᱮ ᱢᱤᱫᱴᱟᱹᱝ ᱵᱷᱮᱱᱴᱤᱞᱮᱥᱚᱱ ᱥᱤᱥᱴᱮᱢ ᱵᱮᱱᱟᱣ ᱞᱮᱱᱟ ᱾
ᱥᱚᱵᱷᱤᱭᱮᱛ ᱟᱯᱷᱜᱟᱱ ᱞᱟᱹᱲᱦᱟᱹᱭ ᱚᱠᱛᱚ ᱨᱮ ᱱᱚᱶᱟ ᱴᱚᱱᱮᱞ ᱫᱚ ᱠᱚᱧᱮ ᱥᱮᱫ ᱞᱟᱹᱠᱛᱤᱭᱟᱱ ᱨᱟᱡᱽᱟᱹᱨᱤ ᱡᱚᱱᱚᱲ ᱛᱟᱦᱮᱸ ᱠᱟᱱᱟ, ᱢᱮᱱᱠᱷᱟᱱ ᱟᱯᱷᱜᱟᱱᱤᱥᱛᱟᱱ ᱢᱩᱡᱷᱟᱫᱤᱱ ᱞᱟᱹᱲᱦᱟᱹᱭ ᱠᱚ ᱦᱚᱛᱮᱛᱮ ᱱᱚᱶᱟ ᱴᱚᱱᱮᱞ ᱨᱮ ᱜᱚᱡᱚᱜ ᱜᱮ ᱛᱟᱦᱮᱸ ᱠᱟᱱᱟ ᱾
᱑᱙᱘᱙ ᱥᱮᱨᱢᱟ ᱨᱮ ᱥᱳᱵᱷᱤᱭᱮᱛ ᱠᱚ ᱟᱯᱷᱜᱟᱱᱤᱥᱛᱟᱱ ᱠᱷᱚᱱ ᱠᱚ ᱵᱟᱧᱪᱟᱣ ᱮᱱ ᱛᱟᱭᱚᱢ ᱱᱚᱶᱟ ᱴᱩᱱᱟᱞ ᱫᱚ ᱱᱟᱯᱟᱭ ᱛᱮ ᱠᱚ ᱫᱚᱦᱚ ᱞᱮᱫᱼᱟ ᱾ ᱑᱙᱙᱗-᱑᱙᱙᱘ ᱥᱮᱨᱢᱟ ᱨᱮ ᱮᱛᱚᱢ ᱮᱞᱤᱭᱟᱱᱥ ᱟᱨ ᱛᱟᱞᱤᱵᱟᱱ ᱠᱚ ᱛᱟᱞᱟ ᱨᱮ ᱞᱟᱹᱲᱦᱟᱹᱭ ᱦᱩᱭ ᱞᱮᱱ ᱠᱷᱟᱱ ᱱᱚᱶᱟ ᱴᱩᱱᱟᱞ ᱨᱮᱱᱟᱜ ᱮᱱᱮᱡ, ᱞᱟᱭᱤᱴ ᱟᱨ ᱵᱷᱮᱱᱴᱤᱞᱮᱥᱚᱱ ᱥᱤᱥᱴᱮᱢ ᱠᱚ ᱵᱚᱫᱚᱞ ᱮᱱᱟ ᱾ ᱚᱱᱟᱛᱮ ᱱᱚᱶᱟ ᱴᱩᱱᱟᱞ ᱫᱚ ᱧᱤᱫᱟᱹ ᱫᱤᱱ ᱨᱮᱜᱮ ᱪᱟᱞᱟᱣ ᱦᱩᱭ ᱫᱟᱲᱮᱭᱟᱜᱼᱟ ᱾ ᱒᱐᱑᱑ ᱥᱮᱨᱢᱟ ᱨᱮ ᱟᱯᱷᱜᱟᱱᱤᱥᱛᱟᱱ ᱨᱮ ᱟᱢᱮᱨᱤᱠᱟ ᱟᱜ ᱯᱷᱩᱨᱜᱟᱹᱞ ᱨᱮ ᱛᱟᱞᱤᱵᱟᱱ ᱟᱜ ᱨᱟᱡᱽ ᱵᱚᱫᱚᱞ ᱛᱟᱭᱚᱢ ᱟᱯᱷᱜᱟᱱᱤᱥᱛᱟᱱ, ᱯᱷᱨᱟᱱᱥ, ᱨᱟᱥᱤᱭᱟ, ᱟᱢᱮᱨᱤᱠᱟ ᱟᱨ ᱮᱴᱟᱜ ᱫᱤᱥᱚᱢ ᱠᱚᱨᱮᱱᱟᱜ ᱮᱡᱮᱱᱥᱤ ᱠᱚᱣᱟᱜ ᱢᱤᱫ ᱡᱩᱲᱟᱹᱣ ᱠᱟᱹᱢᱤ ᱦᱚᱨᱟ ᱛᱮ ᱑᱙ ᱡᱟᱱᱩᱣᱟᱨᱤ ᱒᱐᱐᱒ ᱥᱮᱨᱢᱟ ᱨᱮ ᱢᱟᱭᱱ ᱟᱨ ᱫᱷᱤᱨᱤ ᱠᱚ ᱵᱚᱫᱚᱞ ᱞᱮᱫᱟ ᱟᱨ ᱱᱟᱝᱜᱽᱨᱟᱦᱟ ᱠᱚ ᱨᱩᱣᱟᱲ ᱞᱮᱫᱟ᱾
᱒᱐᱑᱐ ᱥᱮᱨᱢᱟ ᱨᱮᱱᱟᱜ ᱮᱛᱚᱦᱚᱵ ᱨᱮ ᱱᱚᱶᱟ ᱫᱚ ᱥᱚᱢᱯᱩᱨᱩᱱ ᱟᱨ ᱨᱤᱱᱟᱭᱩᱥᱚᱱ ᱞᱟᱹᱜᱤᱫ ISAF ᱯᱷᱚᱸᱰᱮᱥᱚᱱ ᱧᱟᱢᱚᱜ ᱠᱟᱱ ᱛᱟᱦᱮᱸᱫ ᱾[᱓]
᱒᱐᱑᱒ ᱥᱮᱨᱢᱟ ᱨᱮ, ᱟᱢᱮᱨᱤᱠᱟ ᱨᱮᱭᱟᱜ ᱡᱮᱡᱟᱹᱛᱤᱭᱟᱹᱨᱤ ᱩᱛᱷᱱᱟᱹᱣ ᱮᱡᱮᱱᱥᱤ (USAID) ᱯᱟᱨᱣᱟᱱ ᱯᱚᱱᱚᱛ ᱨᱮᱭᱟᱜ ᱳᱞᱟᱝᱜᱽ ᱴᱚᱴᱷᱟ (ᱜᱚᱴᱟ ᱖ ᱠᱤᱞᱚᱢᱤᱴᱚᱨ ᱠᱚᱧᱮ ᱨᱮ) ᱠᱷᱚᱱ ᱵᱟᱜᱽᱞᱟᱱ ᱯᱚᱱᱚᱛ ᱨᱮᱭᱟᱜ ᱫᱳᱥᱚᱠᱷ (ᱜᱚᱴᱟ ᱑᱐ ᱠᱤᱞᱚᱢᱤᱴᱚᱨ ᱮᱛᱚᱢ ᱨᱮ) ᱦᱟᱹᱵᱤᱡ ᱢᱤᱫ ᱱᱟᱣᱟ ᱴᱩᱱᱮᱞ ᱵᱮᱱᱟᱣ ᱞᱟᱹᱜᱤᱫ ᱛᱮ ᱢᱤᱫ ᱴᱮᱠᱱᱤᱠᱟᱞ ᱥᱮᱪᱮᱫ ᱮ ᱮᱛᱦᱚᱵ ᱞᱮᱫᱟ, ᱡᱟᱦᱟᱸ ᱫᱚ ᱦᱤᱱᱫᱩ ᱠᱩᱥ ᱨᱮᱭᱟᱜ ᱵᱩᱨᱩ ᱠᱚᱨᱮ ᱛᱮ ᱪᱟᱞᱟᱜ ᱠᱟᱱᱟ, ᱱᱮᱛᱟᱨᱟᱜ ᱴᱩᱱᱮᱞ ᱠᱷᱚᱱ ᱦᱚᱸ ᱰᱷᱮᱨ ᱾ ᱱᱚᱶᱟ ᱰᱤᱡᱟᱭᱤᱱ ᱓᱐ ᱠᱷᱚᱱ ᱔᱐ ᱠᱤᱞᱚᱢᱤᱴᱚᱨ (᱑᱙ ᱠᱷᱚᱱ ᱒᱕ ᱢᱟᱭᱤᱞ) ᱦᱟᱹᱵᱤᱡ ᱜᱟᱰᱟ ᱨᱮᱱᱟᱜ ᱡᱤᱞᱤᱧ ᱚᱠᱛᱚ ᱠᱚᱢ ᱞᱮᱫᱼᱟ ᱾[᱔]
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ Nordland, Rod (2012-06-02). "U.S.-Pakistan dispute chokes Afghan supply route". The Seattle Times. Archived from the original on 2016-04-01. Retrieved 2012-06-04.
- ↑ IRINnews (February 15, 2010). "Lessons from the Salang pass disaster". Archived from the original on July 18, 2011. Retrieved March 7, 2010.
- ↑ "ISAF finance Salang tunnel renovation". The Khaama Press News Agency. 2 March 2013. Archived from the original on 2013-03-04. Retrieved 3 December 2017.
- ↑ "Technical Studies for New Salang Tunnel Underway". Archived from the original on 2012-04-29. Retrieved 2012-04-27.
ᱵᱟᱦᱨᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]Media related to ᱥᱟᱞᱟᱝ ᱥᱩᱨᱟᱹᱝ at Wikimedia Commons