Veriu i Mitrovicës
Mitrovica e Veriut
Северна Митровица | |
---|---|
Pamje e Mitrovicës Veriore; Kalaja e Zveçanit në mal në të majtë, dhe Miniera e Trepçës në të djathtë. | |
Stema[1] | |
Vendndodhja e komunës së Mitrovicës Veriore në Kosovë | |
Koordinatat: 42°53′N 20°52′E / 42.883°N 20.867°E | |
Shteti | |
Rajoni | Mitrovica |
Vendbanime | 1 |
Themelimi | 2013 |
Qeveria | |
• Kryetari | Erden Atiq (Lëvizja Vetëvendosje) |
Sipërfaqja | |
• Gjithsej | 11 km2 (4 sq mi) |
Lartësia mbidetare | 515 m (1.690 ft) |
Popullsia | |
• Përafërsisht (2015) | 29.460 |
• Dendësia | 2.678/km2 (694/sq mi) |
Zona kohore | UTC+1 (CET) |
• Verës (DST) | UTC+2 (CEST) |
Kodi postar | 40000 |
Prefiksi | +383 28 |
Targa e automjeteve | 02 |
Faqja zyrtare | kk |
Veriu i Mitrovicës ose Mitrovica e Veriut (Serbisht: Северна Митровица, Severna Mitrovica) është një qytezë dhe komunë që gjendet në rajonin e Mitrovicës në Kosovë. Që nga viti 2015, ajo ka një popullsi prej 29,460 banorë. Përfshin një sipërfaqe prej 11 km2.
Veriu i Mitrovicës është pjesë e Veriut të Kosovës, një rajon me shumicë etnike serbe që funksionon kryesisht në mënyrë autonome nga pjesa tjetër e Kosovës me shumicë etnike shqiptare. Komuna është themeluar në vitin 2013 pas krizës në Veri të Kosovës,[2][3] më parë ishte vendbanim i qytetit të Mitrovicës, i ndarë nga lumi Ibër.
Pas Marrëveshjes së Brukselit të vitit 2013, komuna është planifikuar të jetë qendër administrative e Asociacionit të Komunave Serbe.[4]
Emri
[Redakto | Redakto nëpërmjet kodit]Pjesa veriore e Mitrovicës (dikur "Mitrovica e Kosovës") zakonisht quhej "Mitrovica e Veriut të Kosovës" (serbisht: Северна Косовска Митровица/Severna Kosovska Mitrovica), megjithatë, deri vonë, pjesa veriore përmendet si thjeshtë Mitrovica e Veriut (serbisht: Северна Митровица/Severna Mitrovica).
Historiku
[Redakto | Redakto nëpërmjet kodit]Qyteti ishte zyrtarisht pjesë e Mitrovicës, deri në ndarjen e saj zyrtare në vitin 2013. Ndarja erdhi si rezultat i krizës së veriut të Kosovës, pas shpalljes së pavarësisë së Kosovës nga Serbia në shkurt 2008. Komuna u njoh nga Qeveria e Kosovës në vitin 2013 para zgjedhjeve lokale në Kosovë.
Qyteti shërbeu si kryeqytet de facto i rajonit të Veriut të Kosovës, i cili refuzoi të punonte me institucionet e Republikës së Kosovës. Prandaj, serbët vendas formuan Kuvendin e Asociacionit të Komunave Serbe, të mbështetur vetëm nga Serbia.
Megjithatë, me nënshkrimin e Marrëveshjes së Brukselit të vitit 2013 pas krizës në Veri të Kosovës, ndërmjet qeverive të Kosovës dhe Serbisë, Serbia e hoqi zyrtarisht mbështetjen e saj për kuvendin, duke rënë dakord për të krijuar një asociacion të komunave me shumicë serbe në Kosovë.
Kuvendi i tij nuk do të ketë autoritet legjislativ dhe autoritetet gjyqësore do të integrohen dhe do të funksionojë brenda kornizës ligjore të Kosovës.
Administrimi
[Redakto | Redakto nëpërmjet kodit]Kuvendi Komunal i Mitrovicës së Veriut ka 19 deputetë, njëri prej të cilëve kryetar. Aktualisht janë 17 këshilltarë aktivë.
Demografia
[Redakto | Redakto nëpërmjet kodit]Sipas vlerësimeve të vitit 2011 të Qeverisë së Kosovës, Mitrovica e Veriut ka 3.393 ekonomi familjare dhe 12.326 banorë.
Në vitin 2015, sipas një raporti të OSBE-së, popullsia e Komunës së Mitrovicës së Veriut është 29.460 banorë.
Grupet Etnike
[Redakto | Redakto nëpërmjet kodit]Shumica e komunës së Mitrovicës së Veriut përbëhet nga serbët e Kosovës me më shumë se 22,530 banorë (76.4%). Gjithashtu, në komunë jetojnë 4900 (16.6%) shqiptarë të Kosovës dhe 2000 të tjerë.
Përbërja etnike e komunës së Mitrovicës së Veriut, duke përfshirë PZHBV-të:
Grupi Etnik | Parashikimi i 2015 |
---|---|
Serbë | 22.530 |
Shqiptarë | 4.900 |
Boshnjakë | 1.000 |
Goranë | 580 |
Turq | 210 |
Romë | 200 |
Ashkali | 40 |
Të Tjerë | - |
Gjithsej | 29.460 |
Kultura dhe Arsimi
[Redakto | Redakto nëpërmjet kodit]Mitrovica e Veriut aktualisht përfaqëson qendrat më të rëndësishme politike, kulturore, arsimore dhe shëndetësore për serbët në Kosovë. Është zona më e madhe urbane në Kosovë ku serbët përbëjnë shumicën etnike. Universiteti i Prishtinës ndodhet në këtë zonë, i cili është zhvendosur nga Prishtina në Mitrovicë gjatë Luftës së Kosovës. Në vitin 2013, pas zgjedhjeve të nëntorit në Kosovë, Mitrovica e Veriut zyrtarisht u bë komunë e veçantë.
Sporti
[Redakto | Redakto nëpërmjet kodit]FK Trepça Veri dhe Rudar Mitrovica janë klube futbolli që gjenden në këtë pjesë të qytetit. Aktualisht FK Trepça luan në Ligën Serbe të nivelit të katërt Zone Morava ndërsa FK Rudar Mitrovica luan në Ligën e Parë të Futbollit të nivelit të pestë të Veriut të Kosovës.
Galeria
[Redakto | Redakto nëpërmjet kodit]-
Monumenti i Mitrovicës së Kosovës
-
Bridge dividing South and North Mitrovica
Shih edhe
[Redakto | Redakto nëpërmjet kodit]Lidhje të jashtme
[Redakto | Redakto nëpërmjet kodit]- Fotografi nga Mitrovica
- Copë dokumentari
- Komuna e Mitrovicës Arkivuar 4 nëntor 2008 tek Wayback Machine
- Mitrovica
- Association of Kosovo Municipalities - Asociacioni i Komunave të Kosovës
- IFLA - International Federation of Library Associations and Institutions Arkivuar 15 tetor 2008 tek Wayback Machine - raport para dhe pas luftës - anglisht
Referime
[Redakto | Redakto nëpërmjet kodit]- ^ https://gzk.rks-gov.net/ActDocumentDetail.aspx?ActID=94985
- ^ "2013 Elections in Kosovo: North Mitrovica, a separate municipality" (në anglisht). KQZ-Ks. Arkivuar nga origjinali më 2015-01-08. Marrë më 2015-01-08.
- ^ "2013 Kosovo Elections (Page 38): North Mitrovica" (PDF). Arkivuar nga origjinali (PDF) më 2015-01-09. Marrë më 2015-01-08.
- ^ "North Mitrovica", Wikipedia (në anglisht), 2022-12-26, marrë më 2022-12-28