Andawali
Andawali kaasup tangkal nu ngarambat menahun, ajeg, jangkungna ngahontal 15 méter, kaambeu seukeut, biasana hirup dina taneuh anu cukup beueus sarta loba humus, pepelakan liar ieu ayana di leuweung.[1]Watangna sagedé ramo cingir, bintil-bintil rapet rasana pait, daunna tunggal, aya tangkai, ngawangun kawas jantung atawa rada budar endog boga tungtung léncop, panjangna 7-12 cm, rubak 5-10 cm, kembangna leutik, kelir héjo ngora, ngawangun turuy semu, andawali oge tuluy bisa dilobaan ku cara di sték.[2]Pepelakan ieu asalna ti Asia Tenggara, contona di Indo Cina, Semenanjung Melayu, Filipina sarta Indonésia (Jawa, Bali, Ambon).[3]Di Sumatera andawali téh diwanoh ku ngaran anyar cina; di Jawa disebut daun manis,brobos krebo, beunghar kucicing, jukut lokot mala, jeung suket gajahan. Di kepulauan Maluku disebut kolo, goro-goro cina; di Cina disebut cam cao, ai ye; sedengkeun di Sunda di sebut brotowali, andawali, patrawali.[1]
Eusi jeung Mangpaat
Dina tangkal andawali, kulit jeung watang andawali ngandung zat-zat kawas alkaloida sarta damar beyé, boga warna konéng keur akarna ngandung zat berberin sarta kolumbin.[3]Eusi alkaloid berberina kapaké pikeun maéhan bakteri dina tatu.[3] Andawali ogé méré mangpaat pikeun nambahan napsu dahar sarta nurunkeun kadar gula.[3] Zat pait pikroretin bisa ngarangsang gawé urat saraf ku kituna pakakas pernapasan nu gawéna kalayan alus sarta leuwih ngabantu patukerna zat, ku kituna bisa nurunkeun panyakit panas.[3]Salian ti éta ogé khasiatna bisa ngubaran rematik, konéngeun, sarta diabétés.[4]Pepelakan andawali oge bisa jadi obat panyakit diséntri, bronkitis, kaguguran, utah getih, sarta pendarahan dina usus.[1]
- Domain : Eukaryota
- Domain : Eukaryota
- Kingdom : Plantae
- Subkingdom : Viridaeplantae
- Phylum : Tracheophyta
- Subphylum : Euphyllophytina
- Infraphylum : Radiatopses
- Class : Magnoliopsida
- Subclass : Ranunculidae
- Superorder : Ranunculanae
- Order : Menispermales
- Family : Menispermaceae
- Genus : Tinospora
- Specific epithet: tuberculata
- Botanical name : Tinospora tuberculata[5]
Cara Melak Andawali
Salaku nu kaasup tangkal ubar, andawali bisa dipelak ku cara sték, saperti di handap ieu:
- Milih tangkal andawali nu hadé.
- Keureut kira-kira 15 nepi 20 cm.
- Sangkan menagkeun hasil nu hadé, teu langsung dipelak di kebon, tapi leuwih hadé dipelak heula di pot atawa polibak.[1]
- Sanggeus pot atawa polibék dieusi taneuh, pelakeun di pot/polibak tungtung handap andawali nu geus dikeureut tadi.[1]
- Simpen di tempat nu iuh, jauhkeun tina sorot panonpoé.[1]
- Sébor paling lila 2 poé sakali.[1]
- Sanggeus sababaraha minggu, nyaéta sanggeus tunasna rada jangkung, tangkal andawali kudu dipindahkeun ka kebon.[1]
Rujukan
- ↑ a b c d e f g h (id)Tim Guru Cinta Lingkungan. 2006.Pendidikan Lingkungan Hidup.Bandung HAL. 9
- ↑ (id) andawali (Diakses pada tanggal 21 September 2011)
- ↑ a b c d e (id)wilayah pepelakan (Diakses pada tanggal 21 September 2011)
- ↑ [mangpaat andawali](Diakses pada tanggal 21 September 2011)
- ↑ klasifikasi ilmiah(Diakses pada tanggal 21 September 2011)