No Game No Life
Ślabikŏrzowe abecadło Tyn artikel je narychtowany we ślabikŏrzowym zŏpisie ślōnskij gŏdki. Coby sie przewiedzieć wiyncyj, wejzdrzij do artikla ô nim. |
No Game No Life | |
Szkryflŏrz | |
Ilustrator | |
Publikowane bez | |
Zorta | Seinen, Kōmedyjŏ, Fantasy |
Drukowane bez | |
Durś wydŏwane we | 25 kwiyciyń 2012 - terŏzki |
Tōmy | 6 |
No Game No Life(ノーゲーム・ノーライフ Nōgēmu Nōraifu skrōcane na NGNL abo Noge Nora) je mangoilustrowanym rōmanem naszkryflōnym a silustrōwanym bez brazilijskŏ-japōńskegŏ pisŏrza Yuu Kamiya[1]. Media Factory ôd 25 kwiytniyŏ 2012 roku ôpublikŏwałŏ 6 tōmōw rōmanã kere je drukowane bez MF Bunko J.
Fabuła
[edytuj | edytuj zdrzōdło]Brat a sestra: Sora a Shiro,szpilajōnc pod nickem [ ](prōżny),sōm majstrami we wiyncyj niżeli 280 szpilōw. Jejich nick je s ônaczyniyŏ jejich mjan 空(Sora) a 白(Shiro) co robi 空白 (kuuhaku) eli prōżny. Ôroz dostŏli mailã ze linkem do szpilã we szachy pokōnujōnc oponentã. Niyskoro po wygranej dostali pytaniy: czy myślōm eli siy rodziyli niy we tym świŏciy co winniy, ôdpowiŏdajōnc: Ja. Narozki znŏjdli siy we inkszym świŏciy, kej je 16 ras, tyn kery s niymiy szpilŏł bŏł Bogiym zabawy Tet, ôn wygrŏł batelyjŏ Bogōw a ustalił 10 praw kere zakazujōm rozlywu krwije a wszytkŏ rozstrzygŏ siy bez szpile. We rankingu ras ôstatniyŏ je ludzkŏść (Imanity). Rodzyństwŏ postanŏwiłŏ wygrŏć turniyjã na krala ôstatniygŏ kreju ludzkegŏ: Elkia.
Przysiyngi
[edytuj | edytuj zdrzōdło]- Wszytke rozlywy krwije, wojny a grabieże sōm zabrōniyōne.
- Wszytke konflikty bydōm rozstrzygane bez szpile.
- We szpilu, kŏżdŏ ze zajt zakłŏda siy ô coś co ŏbie akcyptujōm iże sōm tej sōmej wartościy.
- Pōki niy mŏ to przeciyw trzyciyj przysiyndzy, zakłŏdane rzeczy a prawidła szpilōw niy bydōm kwystiōnowane.
- Wyzwanŏ zajta mŏ prawo do ôbraniyŏ regli szpilã.
- Wszytke zakłŏdy muszōm być utrzimane we mocy.
- Konflikty grupowe bydōm prowadzōne bez ôznaczōnych repryzyntantōw bez władze absolutnōm.
- Byciy chycōnym na ôszydzaniyu ôznaczŏ przygrany szpil.
- Na mjanŏ Boga, przedeszłe prawidła niy mogōm być zmiyniyōne.
- Dogadujmy siy a bawmy siy!
Exceed
[edytuj | edytuj zdrzōdło]We świŏciy mjanowanym Disboard je 16 intyligyntnych ras zwōnych Exceed (十六種族(イクシード) Ikushiido). Kŏżda rasa mŏ swegŏ pionkã szachowegŏ, eźli bŏłby stracōny, rasa niy bŏła by chrōniyōna bez 10 praw, eli bŏłaby uważanŏ za bestyjŏ. Ranking je podle mocy magicznej, rasy 7 a wyżyj sōm uznawōne za istoty żywe a niyżyj za samŏ żywobyciy.
- Old Deus - Stare Bogi
- Phantasma
- Elemental
- Dragonia - Smoki
- Gigant
- Flügel - Andżele
- Elves - Elfy
- Niy podane eszcze
- Niy podane eszcze
- Ex Machina - Cyborgi
- Niy podane eszcze
- Dhampir - Wampiry
- Lunamana
- Werebeast - Kemonomimi Ludziy ze ylymyntami bestyj.
- Seirens - Syreny
- Imanity - Ludzkŏść
We rankingu niy ôstały eszcze podane 3 rasy: Dwarves (Cwergi), Fairies (Wiły) a Daemonia (Demony).
Hlawne postaciy
[edytuj | edytuj zdrzōdło]Sora(空) - 18 roczny niywłastniy brat Shiro, mŏ stracha iże niygdy niy bydziy miŏł dziŏłchy. Wielgi we analizōwaniyu ruchōw a emocyj oponentōw, przewiduje gipkŏ jejich kolyjne ruchy. Spycjalizuje siy we ôszydzaniyu a chycaniyu ôszydzaniyŏ. Po wygraniyu turnieju je ôn kralem a repryzyntantem Imanity, jegŏ cylem je podbōj cŏłkegŏ świŏta.
Shiro(白) - 11 rocznŏ niywłastna sestra Sory, niy mŏ rŏd kompiyli. Rodzōna jakŏ geniyusz, je dobra we kalkulacyjach a poradziy 20 gŏdek, gŏdke imanity pochytała we 15 minut. Je wielga we szachach a we szpilach FPS. Po wygraniyu turnieju je ôn kralewōm a repryzyntantkōm Imanity.
No Game No Life (manga) | |
Szkryflŏrz | |
Ilustrator | |
Publikowane bez | |
Zorta | Seinen, Kōmedyjŏ, Fantasy |
Magazin | |
Drukowane bez | |
Durś wydŏwane we | 27 styczyń 2012 - terŏzki |
Tōmy | 1 |
Stephanie Dola(ステファニー・ドーラ Sutefanī Dōra) - 18 rocznŏ prawnuczka wczesnegŏ krala Elki, przegrŏła zakład ze Sorōm a musiyŏłŏ poprzać jimu. Steph ryzykuje mocke by ôdczytać oponenta, je słaba we szpilach.
Jibril(ジブリール Jiburīru) - 6407 rocznŏ Flügelka. Przaje wiydzy a poradziy 700 gŏdek ze Disboard-u. Rezydŏwŏła we hlawnej bibliotece Elkie.
Izuna Hatsuse(初瀬 いづな Hatsuse Izuna) - 8 rocznŏ ambasadorka Wschodniyj Unije Werebeast-ōw. Posiyodŏ rzadkōm umiyjyntnōść swyj rasy "Dewastacyjŏ Krwije".
Manga
[edytuj | edytuj zdrzōdło]Adaptacyjŏ mangowŏ ilustrowanŏ bez frele Kamiye,Mashiro Hiiragi [2] je serializowanŏ bez magazin Gekkan Komikku Araibu ôd styczniyŏ 2013.
Anime
[edytuj | edytuj zdrzōdło]No Game No Life (anime) | |
Direktor | |
Skript | |
Muzika | |
Studio | |
Wydŏwōnŏ we | 9 kwiyciyń 2014 – 25 czyrwiyc 2014 |
Epizody | 12 a 6 szpeciali |
Adaptacyjŏ anime bez studio Madhouse miŏłŏ premierã 9 kwiytniyŏ 2014. Opening "This Game" je wykōnany bez Konomi Suzuki a Ending "Oracion" bez Ai Kayano.
Przipisy
- ↑ http://myanimelist.net/people/4212/Yuu_Kamiya Informacyje ô Yuu Kamiya
- ↑ http://myanimelist.net/people/21029/Mashiro_Hiiragi