Avashimaura

Avashimaura
Avashimaura; 粟島浦村
	Qishloq
	; Bayroq ; Gerb
	38°28′5.9″N 139°15′15.8″E / 38.468306°N 139.254389°E
Mamlakat	Yaponiya
{{{mintaqa_turi}}}	Chūbu viloyati
Asos solingan	1909-yil
Maydon	978 km2 (378 kv mi)
Iqlim turi	nam iqlim
Rasmiy til(lar)i	yapon
Aholisi (2019-yil 1-iyul)	353
Zichligi	26.1 kishi/km2
Vaqt mintaqasi	UTC+9:00
Telefon kodi	0254-55-2111
	Avashimaura

Yozda Avashima orolining yuqoridan olingan videosi

Avashimaura (yaponcha: 粟島浦村 Awashimaura-mura^?) Yaponiyaning Niigata prefekturasida joylashgan qishloq. 2019-yil 1-iyul holatiga koʻra, qishloqning taxminiy aholisi 353 kishi, aholi zichligi esa 1 km² ga 36,1 kishidan toʻgʻri keladi. Qishloqning umumiy maydoni 9,78 kvadrat kilometr (3,78 mi²) ni tashkil etadi.

Geografiyasi

Qishloq Yapon dengizida, Niigata, Murakami qirgʻogʻiga tutash boʻlganAvashima orolida joylashgan boʻlib, u parom orqali asosiy shahar bilan bogʻlangan.

Iqlimi

Avashimaura nam iqlimga ega (Köppen Cfa) boʻlib, issiq, nam yoz va sovuq qish faslida kuchli qor yogʻishi bilan ajralib turadi. Avashimaurada oʻrtacha yillik harorat 12,0 °C ni tashkil etadi. Oʻrtacha yillik yogʻingarchilik 2059 mm boʻlib, sentyabr esa eng seryogʻin oy hisoblanadi. Avgustda eng yuqori harorat 25,1 °C, eng past harorat esa yanvarda, 0,5 °C atrofida boʻladi^[1].

Avashima (1991−2020) iqlimi
Koʻrsatkich	Yan	Fev	Mart	Apr	May	Iyun	Iyul	Avg	Sen	Okt	Noy	Dek	Yil
Mutlaq maksimal, °C	13,7	18,8	20,2	26,6	29,6	31,8	36,0	37,0	36,5	29,6	23,3	18,7	37,0
Oʻrtacha maksimal, °C	5,5	5,8	9,1	14,5	19,7	23,5	27,1	29,3	25,6	20,0	14,2	8,7	16,9
Oʻrtacha minimal, °C	0,5	0,2	2,1	6,3	11,5	16,3	20,9	22,4	18,7	12,9	7,6	3,0	10,2
Mutlaq minimal, °C	−5,8	−6,8	−3,2	−0,8	3,9	9,5	12,8	16,1	10,5	5,9	−0,6	−4,3	−6,8
Yogʻingarchilik meʼyori, mm	138,2	92,4	93,3	85,6	95,5	111,8	190,0	154,7	156,1	155,3	156,1	170,5	1 602,8
Manba: Avashima (1991−2020)

Demografiyasi

Yaponiya aholini roʻyxatga olish maʼlumotlariga koʻra^[2], Avashimaura aholisi soni soʻnggi 50 yil ichida barqaror ravishda kamaygan.

Aholining oʻsishi
Yil	Aholi	±%
1970	680	—
1980	595	−12.5%
1990	479	−19.5%
2000	449	−6.3%
2010	366	−18.5%
2020	353	−3.6%

Tarixi

Avashima orolida eramizdan oldingi davrlardan beri aholi yashab kelgan va Jomon davrining sopol buyumlari parchalari topilgan. Asuka davri generali Abe no Hirafu orolni oʻzining tugʻilgan Emishi aholisidan tortib oladi va uni Yamato sulolasi nazorati ostiga topshiradi. Edo davrida orol Murakami domenlari, Shonay domenlari va Tokugava syogunati tomonidan toʻgʻridan-toʻgʻri nazorat ostida bir necha marta almashinadi. Boshin urushi paytida aka-uka Shnell Avashimadagi Shonai domeniga qurol yetkazib bergan. Meiji qayta tiklanganidan soʻng, Asahimaura qishlogʻi 1909-yilda Niigata prefekturasi Ivafune tumanining bir qismi sifatida tashkil etilgan. 1964-yilgi Niigata zilzilasining epitsentri Avashima yaqinida ekanligi aniqlangan va Avashimauradagi koʻplab binolar shikastlangan ayrimlari butkul vayron boʻlgan.

Iqtisodiyoti

Avashimauraning asosiy iqtisodiyot tarmoqlari mavsumiy turizm va tijorat baliq ovlashi hisoblanadi.

Taʼlim tizimi

Qishloqda ikkita maktab, Avashimaura qishlogʻi boshlangʻich maktabi va Avashimaura qishlogʻi oʻrta maktabi faoliyat yuritadi^[3]. Shuningdek, chet elda oʻqish va talabalarning chet el davlatlariga tashrif buyurish uchun dasturlar tashkillashtirilgan^[4].