Monica Bellucci
Monica Anna Maria Bellucci (Sità de Casteło, 30 de setenbre 1964), ła ze na atora sinematogràfega e modèła itałiana.
Biografia
[canbia | canbia el còdaxe]Nasesta a Selci Lama, in provinsia de Perugia, da Pasquale Bellucci e Brunella Briganti, ła ze visùa a Lama frasion de San Giustino, fìn a'l trasferimento in Fransa. Ła gà tacà a łaorar cofà modèła par pagarse i studi a ła facoltà de giurisprudensa de l'Università dei studi de Perugia anca se ła zbandona presto par dedicarse del tuto a ła paseréła.
Moda
[canbia | canbia el còdaxe]Inte'l 1988 ła riva a Miłan, indove ła desfiła so łe pì inportanti pasaréłe soto contrato co l'Elite Model Management. L'ano drìo ła deventa famoza a Parize e anca a New York. Inte'l 1997 ła ze imortałà da Richard Avedon intet'l Całendario Pirelli. Ła gà pozà par el całendario sexy de ła rivista Max (1999), fotografàda da Fabrizio Ferri e l'ano drìoman ła ze ła protagonista de'l całendario sexy de GQ.
L'à sfiłà par Dolce&Gabbana, Fendi e tute łe pì inportanti griffe mondiałi. Ła gà vadanjà ła covertina de ła rivista franseze Elle e de Vogue. In azonta ła ze stà anca testimonial par Alessandro Dell'Acqua e Blumarine. Inte'l 2003 senpre par Dolce&Gabbana ła deventa testimonial de'l profùmo Sicily. Inte'l novenbre 2007 ła deventa testimonial par Intimissimi e ła resita inte'l curtometrajo Heart Tango, direto da Gabriele Muccino. Senpre inte'l 2007 ła deventa testimonial de Cartier par la łinea de zogèłi Délices.
Da'l 2008 el stiłista John Galliano co'l make-up artist Tyen el ła ga vołesta cofà testimonial de'l roséto Rouge Dior (pa'l cuało l'atora ła ze tut'ora testimonial), uno dei cavałi de bataja de ła maison franseze Dior inte'l canpo de'l maquillage. Testimonial par Dior anca par ła łinea de borse e asesòri, inte'l 2010 ła gà vestìo i pani de na moderna Eva par el spot del stra famozo profùmo Hypnotic Poison. Inte'l 2010 l'atrice ła vien confermà da Martini e da Dolce&Gabbana come protagonista de un novo spot tv (da l'atmosfera felliniana) par el zlanso de'l novo aperitivo Martini Gold, nasùo da ła cołaborasion tra i do stiłisti e el brand de bevande.
Sìnema
[canbia | canbia el còdaxe]Ła carièra sinematografega ła taca inte i primi ani novanta. El debuto el avien inte'l film Vita coi figli (rezìa de Dino Risi), co Giancarlo Giannini mentre l'ano drioman ła ze ła protagonista de'l film La riffa de Francesco Laudadio, co Massimo Ghini. Inte'l 1992 ła fa ła só prima conparsa in un film in łengua ingleze: Dracula di Bram Stoker (direto da Francis Ford Coppola) inte'l roło de una de łe tre concubine de'l conte Dracula. Ła torna in Itałia par zirar ła comedia I mitici - Colpo gobbo a Milano, direta da Carlo Vanzina. Ła só popołarità parò ła taca a crésare inte'l 2000 co ła zira Malèna de Giuseppe Tornatore, che ła fa conósare prima in Europa e po' in America e soratuto cuando che ła interpreta co só marìo Vincent Cassel el film controverso de Gaspar Noé, Irréversible. Inte'l 2003 ła ze ła comàre de ła 56ª dision de'l Festival de Cannes. Ła interpreta po' Persephone in Matrix Reloaded e Matrix Revolutions e ła veste i pani de Maria Maddalena inte La passion di Cristo direta da Mel Gibson.
Daspò l'espariensa a l'èstaro, ła torna in Itałia dove ła zee infrà i protagonisti de Ricordati di me de Gabriele Muccino, roło grasie a'l cuało ła reseve na nomination ai David di Donatello e ła vinse un nastro d'arzento. Inte'l 2005 ła ze na teribiłe striga, direta da Terry Gilliam, inte I fratelli Grimm e l'incantevole strega e Daniela, na prostituta itałiana inte'l film Par sesso o par amore? de Bertrand Blier.
Inte'l 2006 Paolo Virzì el ghe ofre el roło de na baronesa goderecia e sinpàtega, roło dove ła rimarca co ganga el só acento unbro, inte'l film N (Io e Napoleone), verzendo ła prima edision de'l Festival de'l Sinema de Roma. Inte'l 2007 ła ze na fasinante fizioterapeuta che ła ghe fa pèrder ła testa a'l parsonazo intarpetà da Riccardo Scamarcio in Eros, primo epizodio de'l film Manuale d'amore 2 - Capitoli successivi de Giovanni Veronesi. El rezista franseze Alain Corneau ła vołe invese bionda inte'l film noir Le Deuxième souffle, dove ła resita a'l fianco de Daniel Auteuil.
Inte'l 2008 ła ghe partesipa a'l Festival de Cannes co el film itałian fora concorso de Marco Tullio Giordana Sanguepazzo, ndove che ła veste i pani de Luisa Ferida, Inte'l 2008 ła partesipa a'l Festival de Cannes co el film itałian fora concorso de Marco Tullio Giordana Sanguepazzo, ndove ła veste i pani de Luisa Ferida, ła diva małedeta de l'era fasìsta, muger de Osvaldo Valenti. El steso ano ła verze ła tersa edision de'l Festival de'l Sinema de Roma, prezentandose co el film L'uomo che ama de Maria Sole Tognazzi.
Inte'l Marso 2009 A ghe vien conferìo el World Actress Award durando ła sarimonia dei Women's World Awards, che ła se ga dezvolzesta a Vienna. A'l festival di Berlino de'l 2009 A vien prezentà The Private Lives of Pippa Lee de Rebecca Miller, dove ła resita co grandi nomi de'l sinema intarnasionałe tra cui Robin Wright Penn, Winona Ryder e Keanu Reeves. Inte'l steso ano ła prezenta a'l festival di Cannes el film fora concorso Ne te retourne pas direto da Marina De Van, film che'l vede ła partesipasion de n'altra icona de'l sinema franseze Sophie Marceau.
El 27 setenbre 2009 ła ze intrà i firmadari de l'apeło revolto ai podéri zvisari par el rełaso de'l rezista Roman Polanski, detenjùo in ateza de èsar istradà inte i Stati Unìi. A ła cuarta edision de'l Festival de'l Sinema de Roma ła veste i pani de Tosca, co Andrea Bocelli, inte'l curtometragio firmà da Franco Zeffirelli, Omaggio a Roma, vołesto fiso da'l comun de Roma par promóver l'imàzene de ła cavedàl inte'l mondo. Inte i film I fratelli Grimm e l'incantevole strega e Par sesso o par amore? ła ze stà dopià da Irene Di Valmo.
Ła parla l'itałian, el franseze e l'ingleze. Inte ła Passion di Cristo ła ga par zonta resità in aramàego.
Vita privàda
[canbia | canbia el còdaxe]El 3 agosto 1999 ła ga spozà l'ator franseze Vincent Cassel, conosùo inte'l 1996 so'l set de'l film L'appartamento, co'l cuało ła ga resità oncora in altri film. Da'l marìo ła ga avùdo do fìe, Deva nasùa el 12 setenbre 2004 e Léonie, nasùa el 20 magio 2010. Ła se gà declarà anjòstega[1].
Filmografia
[canbia | canbia el còdaxe]Sinema
[canbia | canbia el còdaxe]- La riffa, rezìa de Francesco Laudadio (1991)
- Bram Stoker's Dracula (Dracula di Bram Stoker), rezìa de Francis Ford Coppola (1992)
- Ostinato destino, rezìa de Gianfranco Albano (1992)
- Briganti - Amore e libertà, rezìa de Marco Modugno (1993)
- I mitici - Colpo gobbo a Milano, rezìa de Carlo Vanzina (1994)
- Il cielo ze sempre più blu, rezìa de Antonio Luigi Grimaldi (1995)
- Palla di neve, rezìa de Maurizio Nichetti (1995)
- L'appartement (L'appartamento), rezìa de Gilles Mimouni (1996)
- Come mi vuoi, rezìa de Carmine Amoroso (1997)
- Mauvais genre, rezìa de Laurent Bénégui (1997)
- Dobermann, rezìa de Jan Kounen (1998)
- A los que aman, rezìa de Isabel Coixet (1998)
- L'ultimo capodanno, rezìa de Marco Risi (1998)
- Le plaisir et ses petits tracas (Le plaisir), rezìa de Nicolas Boukhrief (1998)
- Méditerranées, rezìa de Philippe Bérenger (1999)
- Comme un poisson hors de l'eau (Come un pesce fuor d'acqua), rezìa de Hervé Hadmar (1999)
- Malèna, rezìa de Giuseppe Tornatore (2000)
- Under Suspicion, rezìa de Stephen Hopkins (2000)
- Franck Spadone, rezìa de Richard Bean (2000)
- Le pacte des loups (Il patto dei lupi), rezìa de Christophe Gans (2001)
- Irréversible (Irréversible), rezìa de Gaspar Noé (2002)
- Asterix e Obelix - Mission Cleopatra, rezìa de Alain Chabat (2002)
- Unruly - Nessuna regola, rezìa de Philippe Berenger (2002)
- The Matrix Reloaded (Matrix Reloaded), rezìa de Larry e Andy Wachowski (2003)
- The Matrix Revolutions (Matrix Revolutions), rezìa de Larry e Andy Wachowski (2003)
- Tears of the Sun (L'ultima alba), rezìa de Antoine Fuqua (2003)
- Ricordati di me, rezìa de Gabriele Muccino (2003)
- She Hate Me (Lei mi odia), rezìa de Spike Lee (2004)
- Agents secrets, rezìa de Frédéric Schoendoerffer (2004)
- The Passion of the Christ (La passion di Cristo), rezìa de Mel Gibson (2004)
- The Brothers Grimm (I fratelli Grimm e l'incantevole strega), rezìa de Terry Gilliam (2005)
- Combien tu m'aimes? (Par sesso o par amore?), rezìa de Bertrand Blier (2005)
- Striptease - Attrazione fatale (2006)
- Le concile de pierre (L'eletto), rezìa de Guillaume Nicloux (2006)
- N (Io e Napoleone), rezìa de Paolo Virzì (2006)
- Le Deuxième souffle, rezìa de Alain Corneau (2007)
- Manuale d'amore 2 - Capitoli successivi, rezìa de Giovanni Veronesi (2007)
- Shoot 'Em Up (Shoot 'Em Up - Spara o muori!), rezìa de Michael Davis (2007)
- Heart Tango, rezìa de Gabriele Muccino - curtometrajo (2007)
- L'uomo che ama, rezìa de Maria Sole Tognazzi (2008)
- Sanguepazzo, rezìa de Marco Tullio Giordana (2008)
- The Private Lives of Pippa Lee, rezìa de Rebecca Miller (2009)
- Ne te retourne pas, rezìa de Marina de Van (2009)
- Baarìa, rezìa de Giuseppe Tornatore (2009)
- Omaggio a Roma, rezìa de Franco Zeffirelli - curtometrajo (2009)
- The Sorcerer's Apprentice (L'apprendista stregone), rezìa de Jon Turteltaub (2010)
- Manuale d'amore 3, rezìa de Giovanni Veronesi (2011)
- The Whistleblower, rezìa de Larysa Kondracki (2011)
- Un Été Brûlant, rezìa de Philippe Garrel (2011)
- Rhino Season, rezìa de Bahman Ghobadi (2012)
Tełevizion
[canbia | canbia el còdaxe]- Vita coi figli, rezìa de Dino Risi - film TV (1990)
- Giuseppe, rezìa de Roger Young - film TV (1995)
- R.I.S. Roma - Delitti imperfetti,rezìa de Francesco Miccichè - serie tv (2011)
Premi e candidature
[canbia | canbia el còdaxe]
2003 David di Donatello:
2007 Nastri d'Argento:
2005 Nastri d'Argento:
2003 Nastri d'Argento:
2004 MTV Movie:
|
Curiozità
[canbia | canbia el còdaxe]- Inte'l 2004 ła gà dopià el parsonajo de Kaileena inte ła varsion franseze de'l séłebre videozogo Prince of Persia: Spirito guerriero co ła prezensa anca de Gabriel Garko, che invese el dopià el protagonista inte ła varsion itałiana.
- Monica Bellucci ła ze zermana de'l tenente cołoneło dei Carabinieri Valerio Gildoni, medagia d'oro a'l vałor miłitar[2].
Note
[canbia | canbia el còdaxe]- ↑ Intervista su mymovies.it
- ↑ Nicola Bossi, Anche Monica Bellucci ai funerali del tenente colonnello Valerio Gildoni, Umbria Left.it, 22 luglio 2009. entrada il 14 febbraio 2011.
Altri projeti
[canbia | canbia el còdaxe]Wikimedia Commons el detien imàjini o altri file so Monica Bellucci
Linganbi foresti
[canbia | canbia el còdaxe]- Monica Bellucci (canale ufisałe)YouTube.
- Bellucci, MonicaTreccani.it – Enciclopedie on line, Istituto de ła Ençiclopedia Italiana.
- Bellùcci, Mònica Anna Màriasapere.it, De Agostini.
- (EN) Monica BellucciFashion Model Directory, Fashion One Group.
- (EN) Monica BellucciModels.com, Models.com, Inc.
- (EN) Opere di Monica BellucciOpen Library, Internet Archive.
- (EN) Monica BellucciGoodreads.
- (EN) Monica BellucciMobyGames, Blue Flame Labs.
- Monica BellucciLast.fm, CBS Interactive.
- (EN) Monica BellucciDiscogs, Zink Media.
- (EN) Monica BellucciMusicBrainz, MetaBrainz Foundation.
- Monica BellucciCineDataBase, Rivista del cinematografo.
- Monica BellucciMYmovies.it, Mo-Net Srl.
- Monica BellucciMovieplayer.it.
- Monica BellucciFilmTv.it, Arnoldo Mondadori Editore.
- (EN) Monica BellucciInternet Movie Database, IMDb.com.
- (EN) Monica BellucciAllMovie, All Media Network.
- (EN) Monica BellucciRotten Tomatoes, Flixster Inc.
- (EN) Monica BellucciMetacritic, CBS Interactive Inc.
- (EN) Monica BellucciTV.com, CBS Interactive Inc.
- (EN) Monica BellucciAFI Catalog of Feature Films, American Film Institute.
- (EN) Monica BellucciBFI Film & TV Database, British Film Institute.
- (DE, EN) Monica Belluccifilmportal.de.
- (EN) Monica BellucciBehind The Voice Actors, Inyxception Enterprises.
Scheda su Monica Bellucci de l'Internet Movie Database
- Scheda su Monica Bellucci del Notable Names Database
- Scheda su Monica Bellucci di Film.it Archivià il 5 de aprile 2009 in Internet Archive.
Controło de autorità | VIAF (EN) 49424288 · ISNI (EN) 0000 0001 0719 3181 · El vałore UBOV487280 de SBN no el xe mija bon. · LCCN (EN) nr00024296 · GND (DE) 141575425 · BNF (FR) cb14041691k (data) · BNE (ES) XX1596909 (data) · NLA (EN) 40415082 · WorldCat Identities (EN) nr00-024296 |
---|