Kuuftinamoe

Kuuftinamoe
IUCN-status: Veilig

Kuuftinamoe

Riek:	Beêsten (Animalia)
Stamme:	Chordabeêsten (Chordata)
Klasse:	Veugels (Aves}
Orde:	Tinamoes (Tinamiformes)
Femielje:	Tinamoes (Tinamidae)
Heslacht:	Eudromia

Soôrt

Eudromia elegans
(Geoffroy St.-Hilaire, 1832)

De kuuftinamoe (Eudromia elegans) is 'n veugel die a be'oôr toet de tinamoes (Tinamiformes). De kuuftinamoe leef in Arhentinië en Chili.

Kenmerk'n

De kuuftinamoe is 'n middelhroôte tinamoe, dus 'n loôpveugel, die a 37 toet 41 cm lange wor. Ze wehen 400-800 g. Ie ei een lange, ni voôrn ebohen kuve en zen lief is licht- toet doenkerbruun mie zwarte streep'n en stippen. Op zen vleuhels ei 't een witte dwarsbandjes en onder zen oôhe een witte strepe. Zen poôten zien wittig en zen snaevel hries. In der leefhebied èn ze een hoeie schutkleure. Beie heslachen zien helieke.

Hedrag en voekomm'n

Kuuftinamoes zien vrie schoeve veugels die an in kleine toet middelhroôte hroepjes op de hrassen en in bosachtehe hebied'n leven. Ze leven in Arhentinië en 't zuden van Chili. Ze kunn'n evon'n worn tot 'n oôgte van 2500 m.

Eetn

De kuuftinamoe zen dieet besti uut zaeden, blaeren, fruit en insect'n, 't an ze vin'n op de hrond. Zelf wor de kuuftinamoe ok vaok bejohen deur de mens voe 't eetn.