Ellen Hall
Ellen Hall | |
---|---|
| |
Vida | |
Nacimientu | Los Angeles, 18 d'abril de 1923[1] |
Nacionalidá |
|
Llingua materna | inglés |
Muerte |
Bellevue (es) |
Sepultura | Forest Lawn Memorial Park |
Familia | |
Padre | Emory Johnson |
Madre | Ella Hall |
Fíos/es | 1 |
Hermanos/es | Richard Emory |
Estudios | |
Llingües falaes | inglés |
Oficiu | actriz, actriz de televisión, actriz de cine |
IMDb | nm0355551 |
Ellen Hall (18 d'abril de 1923, Los Angeles – 24 de marzu de 1999, Bellevue (es) ) foi una actriz cinematográfica y televisiva d'Estaos Xuníos, activa principalmente nos años 1940.
Biografía
[editar | editar la fonte]Nacida en Los Angeles, California, pertenecía a una familia dedicada a l'actuación. La so güela, May Hall, fuera una pocu conocida actriz, que llegó a trabayar nun filme mudu. El so padre, Emory Johnson, fuera actor de cine mudu de ciertu ésitu ente 1913 y 1922, y el so hermanu, Richard Emory, trabayó principalmente en producciones de xéneru western. De la so familia, solo la so madre, Ella Hall, foi una actriz bien conocida. A los 8 años d'edá Ellen Hall recibió'l so primer papel, ensin creitos, en All Quiet on the Western Front (1930). Nun recibió más papeles hasta 1941, añu nel qu'intervieno, tamién ensin creitos, en The Chocolate Soldier (1941).
La so primer actuación acreditada llegaría con Outlaws of the Stampede, xunto a Johnny Mack Brown, interpretando a la heroína. Trabayaría en tres producciones con Brown, amás de collaborar coles estrelles cowboy William Boyd y Sunset Carson. Sería en westerns de serie B nos que consiguiría los sos mayores ésitos.
En 1944 trabayó con Bela Lugosi, John Carradine y Louise Currie en Voodoo Man. En 1946 trabayó con Bob Steele en Thunder Town, y en 1949 con Jimmy Wakely en Lawless Code, nel que sería'l so últimu papel nel cine.
Hall trabayó tamién na television nos años 1950, en series como The Cisco Kid, retirándose finalmente en 1951.
Tres ello asitióse en Bellevue, Nebraska, ciudá na que moraba nel momentu de la so muerte, asocedida'l 24 de marzu de 1999. Foi soterrada nel Campusantu Forest Lawn Memorial Park de Glendale (California).
Referencies
[editar | editar la fonte]Referencies
[editar | editar la fonte]- ↑ Afirmao en: Internet Movie Database. Data de consulta: 23 xunu 2019. Llingua de la obra o nome: inglés.
- ↑ Afirmao en: Internet Movie Database. Identificador IMDb: nm0355551. Data de consulta: 9 xunetu 2016. Llingua de la obra o nome: inglés.
Enllaces esternos
[editar | editar la fonte]- Ellen Hall na Internet Movie Database (n'inglés)
- Ellen Hall n'AllMovie (n'inglés)