Kathryn Grayson
Kathryn Grayson | |
---|---|
| |
Vida | |
Nacimientu | Winston-Salem[1], 9 de febreru de 1922[2] |
Nacionalidá |
|
Residencia |
Carolina del Norte Kirkwood (es) California (es) |
Llingua materna | inglés d'Estaos Xuníos |
Muerte | Los Angeles[3], 17 de febreru de 2010[4] (88 años) |
Causa de la muerte | causes naturales |
Familia | |
Casada con |
John Shelton (1941 – div. 1946) Johnnie Johnston (1947 – div. 1951) |
Fíos/es | 1 |
Familia |
ver
|
Estudios | |
Estudios |
Manual Arts High School (en) |
Llingües falaes | inglés |
Oficiu | música, cantante d'ópera, actriz de teatru, actriz de cine, actriz de televisión, actriz de teatru musical, actriz |
Llugares de trabayu | Estaos Xuníos |
Premios | |
Mena de voz |
soprano de coloratura (es) |
Instrumentu musical | voz |
Creencies | |
Relixón | catolicismu |
Partíu políticu |
Partido Republicano de California (es) |
IMDb | nm0337113 |
kathryngrayson.com | |
Kathryn Grayson (nome de nacencia: Zelma Kathryn Elizabeth Hedrick; 9 de febreru de 1922, Winston-Salem – 17 de febreru de 2010, Los Angeles) foi una cantante y actriz de musicales de Hollywood, bien popular mientres la década del cuarenta y cincuenta.
Biografía
[editar | editar la fonte]Creció en Saint-Louis y en Texas onde s'educó. Como cantante tenía rexistru de sopranu y la so ambición foi ser una estrella d'ópera nel Metropolitan Opera, entusiasmada tomó lleiciones con Frances Marshall de la Opera llírica de Chicago pero les sos condiciones naturales yeren modestes xuníu a la falta d'entrenamientu formal como actriz y cantante. Sicasí, la so carrera como sopranu florió nes musicales y operetes de Hollywood gracies a l'ayuda del micrófonu y la so bella figura de cutiu encarnando caprichoses Prima donnas.
La so ascensión a la fama produzse cuando se buscaba por una nueva Deanna Durbin, participando en películes musicales con Mickey Rooney, Judy Garland, Esther Williams, Lana Turner, Donna Reed, June Allyson, Van Heflin y Eleanor Powell.
Apadrinada por Frank Borzage que la dirixó en Seven Sweethearts y el productor Joe Pasternak actuó con Gene Kelly y Frank Sinatra en Levando ancles[5]y en films xunto a Mario Lanza como El gran Caruso, The toast of New Orleans[6] y That Midnight Kiss.[7]
Los sos meyores trabayos fueron realizaos ente 1951 y 1954: como Magnolia na nueva versión cinematográfica de Show Boat[8][9] con Howard Keel y Ava Gardner, Lovely to Look At - segunda versión de Roberta de Jerome Kern - y Kiss Me Kate, la versión musical de Cole Porter de La fierecilla domada onde convenció dafechu como cantante y actriz.
La so declinación empezó a mediaos de los años cincuenta con una biografía de la sopranu Grace Moore, "So this is Love" y The Desert Song.
Retiróse y remaneció esporádicamente en televisión y en teatru nuna xira de Camelot (1962-64) reemplazando a Julie Andrews. Tamién intervieno en dellos capítulos de Murder, She Wrote con Angela Lansbury y como anfitriona en Erase una vegada en Hollywood.
Debutó en teatru en 1961 cantando La vilba allegre y Naughty Marietta. Mientres la década del 60 cumplió'l so suañu de cantar n'escenarios llíricos de teatros rexonales onde interpretó La Bohème, La Traviata y Orfeo nos infiernos.
Tuvo de volao prometida con Howard Hughes. Casóse con John Shelton (1940-46) y depués col cantante Johnnie Johnston (1947-51), con quien tuvo la so única fía (Patricia) en 1948.
Referencies
[editar | editar la fonte]- ↑ Afirmao en: Gemeinsame Normdatei. Data de consulta: 12 avientu 2014. Llingua de la obra o nome: alemán. Autor: Biblioteca Nacional d'Alemaña.
- ↑ Afirmao en: Gemeinsame Normdatei. Data de consulta: 27 abril 2014. Llingua de la obra o nome: alemán. Autor: Biblioteca Nacional d'Alemaña.
- ↑ Afirmao en: Gemeinsame Normdatei. Data de consulta: 31 avientu 2014. Llingua de la obra o nome: alemán. Autor: Biblioteca Nacional d'Alemaña.
- ↑ URL de la referencia: http://www.nytimes.com/2010/02/19/movies/19grayson.html.
- ↑ [1]
- ↑ [2]
- ↑ [3]
- ↑ [4]
- ↑ [5]
- Parish, James Robert (2003). Hollywood Songsters: Garland to O'Connor. Taylor & Francis. ISBN 0-415-94333-7, 9780415943338.
Enllaces esternos
[editar | editar la fonte]- Kathryn Grayson na Internet Movie Database (n'inglés)
- Obituariu de The Telegraph
- Obituariu de The Independent
- Sitiu oficial
- Kathryn Grayson