Segunda Internacional
Esti artículu o seición necesita correxise urxentemente. Tien fallos na redaición, la gramática o la ortografía que precisen meyorase. |
Segunda Internacional | |
---|---|
internacional | |
Historia | |
Fundación | 14 xunetu 1889 |
Disolución | 1923 |
La Segunda Internacional o Internacional Obrera ñaz en 1890, tres catorce años ensin que'l movimientu obreru tuviere internacionalmente organizáu al esaparecer la primer organización internacional, l'Asociación Internacional de Trabayadores (AIT) en 1876. Tamién nomada nun antamu la Internacional Obrera.
Col españíu de la Primer Guerra Mundial la contradicción ente les aspiraciones revolucionaries de les clases oprimies y la política de la II Internacional (al sofitar dalgunos partíos socialistes la guerra) llegó al puntu qu'hebio una escisión nel movimientu socialista que supunxo tres la Revolución Rusa la creación d'una Tercer Internacional, en 1919, qu'adoptó el nome d' Internacional Comunista (Komintern), pa distinguise del apegu de la Segunda a los medios eleutorales.
La Segunda Internacional reorganizóse en 1920, pero abondos partíos negáronse a xunise a ella, formando la nomada Internacional Dos y Media como alternativa. La UPSAI tuvo una curtia vida y en 1923 fusiónase xunta cola Segunda Internacional na Internacional Obrera y Socialista. La Segunda Guerra Mundial finó de disolver a les fuercies que la integraben, y precipitó la so esapaición en 1940.
la so contraparte nes centrales obreres y sindicales yera la Federación Sindical Internacional y la so rama de mocedá la Xunión Internacional d'Organizaciones Xuveniles Socialistes.
Contextu y formación
[editar | editar la fonte]Na década de los 80 del sieglu XIX el movimientu obreru va decantándose y espándese por polos países escandinavos, Península Balcánica, Rusia, Italia y focos esporádicos n'otros.
Medren abondo organizaciones sindicales qu'apunten (casu alemán) faza un modelu organizativu alrodiu a actividaes (y non a oficios).
Tamién s'afita'l binomiu partíos/sindicatos como organizaciones independientes. Esta coexistencia da llugar a modelos estatales:
- Modelu inglés. Predominen los sindicatos.
- Modelu alemán. El SPD tutela y dirixe l'actividá sindical.
- Modelu escandinavu y belxicanu. Triple combinación: sindicatos, partíos y cooperatives.
- Modelu francés. Desendólcu paralelu de sindicatos revolucionarios y partíu (socialismos plurales) que nun acaba de cuayar con una base obrera.
Esti ye'l periodu nel que'l socialismu cuaya en partíos políticos pero que dientro d'él hai munches griesques internes qu'a la fin ganarán los marxistes.
Un signu curiosu d'esta dómina ye'l crecimientu manifiestu de l'afiliación y de la fuercia eleutoral, por exemplu n'Alemaña (En 1877 unos 500.000 votos socialistes y en 1898 tendrán 2 millones y 56 escaños).
Esta progresión ascendente fai que se planteguen otra vuelta la posibilidña de rellaciones internacionales y una nueva instancia de cordinación. pa ello celébrense dellos congresos y conferencies dinamizaes por belgues y suizos nos años 80-90 pero ensin resultaos yá que nun cuenten col sofitu de Marx, Engels y el SPD Alemán. El Marxismu ye nesti momentu la corriente dominante, n'Europa central sobremanera.
Finalmente, en 1888 fainse dos congresos en París:
- Unu impulsáu pol SDP Alemán y el Partíu Obreru frances (Guesde).
- Otru polos Trade unios ingleses col sofitu de la Federación de trabayadores de Francia de orientación posibilista.
Tornen a aconceyase en paralelo en 1899 los marxistas y los posibilistas y nel Congresu de Bruxeles de 1890, la llinia marxista cristaliza na segunda Internacional.
Carauterístiques
[editar | editar la fonte]- Refuga la centralización y configúrase como una federación de partíos y organizaciones.
- Les resoluciones nun son imperatives anque tengan pa toos fuercia moral.
- Los Congresos eviten intervenir nes cuestiones internes de les polítiques de los estaos.
- Frente a la heteroxeneidá de la Primer Internaiconal hai más homoxeneidá nos partíos socialistes.
- Predominiu de la ideoloxía marxista anque había alderiques sobro la interpretación del marxismu. (esceición en Gran bretaña)
- Mayor implantación xeográfica y la fuercia les organizaciones ye mayor.
- Consolídense los símbolos del movimientu obreru: Adautase como himnu musical el de la Primer Internacional, afitase'l Primeru de Mayu como'l día del trabayu y de vindicación en 1889, concrétense vindicaciones comunes como la xornada de 8 hores y dase por sentao la necesidá d'una organización política de los trabayadores.
- Intensifíquense los alderiques col anarquismu qu'al final será escluyíu de la II Internacional.
- Establézse un Buró Socialista Internacional que cordinava la comunicación ente los partíos integrantes y la convocatoria de los congresos, foi creáu pol V Congresu (París 1900) y tendrá la so sé en Bruxeles.Del BSI, Émile Vandervelde foi'l so presidente, dende 1900, hasta la so disolución, siendo los sos Secretarios Xenerales Victor Serwy (1900-1905) y Camille Huysmans (1905-1916).
- En 1904 crease una Comisión Socialista interparllamentaria, al entamar los partíos socialistes a tener presnecia nos parllamentos estatales.
- En 1907 crease la Conferencia de Muyeres Socialistes (Clara Zetkin)
- En 1909 crease la Conferencia Internacional de Xóvenes Socialistes (Licbneck).
- En 1910 declárase'l Día Internacional de la Muyer Trabayadora'l 8 de marzu.
Grandes alderiques
[editar | editar la fonte]- Plantegamientos diverxentes de calter internu.
- Alredor de la "reforma" o la "revolución".
- Posibilidá d'entrar nel gobiernu cola burguesía.
- La Cuestión colonial
- La Paz
- Cuestión nacional y modelu d'organización.
Congresos
[editar | editar la fonte]- 1889 - París
- 1891 - Bruxeles
- 1893 - Zürich
- 1896 - Londres
- 1900 - París
- 1904 - Ámsterdam
- 1907 - Stuttgart
- 1910 - Copenḥague
- 1912 - Basel (Congresu estraordinariu)
Conferencies
[editar | editar la fonte]Ente 1915-1919 ficiéronse una serie de conferencies convocaes polos grupos de partíos integrantes de la Segunda Internacional. Nestos conceyos produzse la separtación definitiva ente la derecha, el centru y la izquierda de la Segunda Internacional y la constitución futura de los sos respeutivos organismos y partíos. Estes conferencies fueron:
- Copenḥague, 17 y 18 de xineru de 1915.
- Londres, 14 de febreru de 1915
- Zimmerwald, setiembre de 1915. Marca la quiebra definitiva de la II Internacional al crease la Comisión Socialista Internacional
- Kiental, 1916, continuación de l'anterior.
- L'Haya, en xunetu de 1916 como Conferencia de socialista neutrales. Convocáu pol BSI
- Estocolmu, en xunu de 1917 como Conferencia Internacional Socialista, convocáu pol Partíu Socialdemócrata Independiente d'Alemaña (USPD)
- Berna en 1919 comu Conferencia Internacional Obrera y Socialista
- Ámsterdam n'abril de 1919 como Conferencia Internacional Socialista
- Lucerna en xunetu de 1919 col mesmu nome de la anterior.
Amás fízose un aconceyamientu de los comités executivos de les tres internacionales en Berlín ente'l 2 y 5 abril de 1922.
Miembros destacaos
[editar | editar la fonte]Alemaña:
Francia:
Rusia:
Austria:
Países Baxos:
Referencies
[editar | editar la fonte]Enllaces esternos
[editar | editar la fonte]
Wikimedia Commons tien conteníu multimedia tocante a Segunda Internacional.