Marita Koch
Marita Koch | |
---|---|
| |
Vida | |
Nacimientu | Wismar, 18 de febreru de 1957[1] (67 años) |
Nacionalidá |
|
Estudios | |
Llingües falaes | alemán |
Oficiu | |
Oficiu | velocista, atleta |
| |
Pesu | 62 kg |
Altor | 171 cm |
Premios |
ver
|
Marita Koch - (18 de febreru de 1957 en Wismar, República Democrática Alemana) Atleta alemana especialista en pruebes de velocidá qu'ente 1978 y 1985 batió 14 récores del mundu al campu, 10 d'ellos en pruebes individuales, amás de dellos récores en pista cubierta.
Foi campeona olímpica de 400 m nos Xuegos Olímpicos de Moscú 1980 y na actualidá sigue ostentando'l récor mundial nesta prueba con una marca de 47,60 consiguida en 1985 en Canberra.
Biografía
[editar | editar la fonte]Los sos primeros ésitos fueron al llegar a principios de 1977, cuando batió los récores mundiales de 200 y 400 metros en pista cubierta.
El 28 de mayu de 1978 consiguió bater en Erfurt el récor mundial de los 200 m al campu con 22,06 s, y el 2 de xunetu d'esi añu batió en Leipzig el de los 400 m con 49.19 s.
Poco dempués volvió rebaxar el récor de los 400 m hasta 49,03 s en Potsdam, y nos Campeonatos d'Europa celebraos en Praga esi añu batió per tercer vegada'l récor con 48,94 s, ganando l'oru y siendo la primer muyer en romper la barrera de los 49 segundos nesta distancia. Nesos campeonatos tamién ganó l'oru col equipu de la RDA nos relevos 4×400 m.
El 10 de xunetu de 1979 en Karl-Marx-Stadt (actual Chemnitz), consiguió ser la primer muyer en romper la barrera de los 22 segundos nos 200 metros, con 21,71 s. Nesi mesmu branu tamién batería por dos vegaes más el so propiu récor de los 400 m hasta dexalo en 48,60 s.
Nos Xuegos Olímpicos de Moscú 1980 llogró la medaya d'oru de los 400 m y la de plata col equipu de relevos de 4×400 m. Ésta sería la única participación de Marita Koch nunos Xuegos, una y bones el boicó de los países del Este torgaría-y tar presente en Los Angeles 1984, onde ye casi seguro que ganara dalguna medaya más.
Nos Campeonatos d'Europa d'Atenes de 1982 volvió ganar la medaya d'oru de los 400 m, y amás con un nuevu récor mundial (48,16 s). Tamién ganó l'oru en relevos 4×400 m.
Nos I Campeonatos del Mundu d'Atletismu, celebraos en Ḥélsinki en 1983, arrenunció a participar na so meyor prueba, los 400 m, pa faelo nes de 100 m y 200 m, y llogró un gran ésitu al ganar l'oru de los 200 m y la plata de los 100 m, onde namái foi superada pol so compatriota y plusmarquista mundial Marlies Göhr. Amás ganó otros dos medayes d'oru nes pruebes de relevos, los 4×100 m y los 4×400 m. Por ello foi considerada la gran trunfadora d'esos campeonatos.
Anque en 1984 nun pudo participar na olimpiada de Los Angeles, siguió demostrando que yera la meyor del mundu. El 21 de xunetu igualaba en Potsdam el so propiu récor mundial de los 200 m con 21,71 s.
El 6 d'ochobre de 1985 mientres la Copa del Mundu apostada nel Bruce Stadium de Canberra, fixo la meyor carrera de la so vida y ablucó al mundu al correr los 400 m en 47,60 s. Esti rexistru entá anguaño permanez como récor mundial nesta prueba, y munchos consideren que ye imposible que dalguna otra atleta pueda batelo ensin recurrir al usu de sustancies prohibíes.
La postrera gran competición de Marita Koch fueron los Campeonatos d'Europa de 1986 celebraos en Stuttgart, onde ganó'l so tercer títulu européu consecutivu de los 400 m, y tamién el so tercer títulu nos relevos 4×400 m.
La figura de Marita Koch siempres xeneró discutiniu, antes y dempués de la so retirada de les pistes en 1987. Pa munchos solu foi un "productu de llaboratoriu", yá que paez que nos años 70 y 80 llevar a cabu un programa de dopaxe per iniciativa del Estáu na República Democrática Alemana,
Sía que non ella nunca almitió estes acusaciones, y la so récor mundial de 47,60 s nos 400 m sigue vixente, ensin que nenguna otra atleta hasta'l momentu pudiera siquier averase a esi rexistru. Ye una de les deportistes alemanes más importantes de la hestoria.
En 1987 retirar de les pistes y casóse col so entrenador Wolfgang Meier. Dambos siguen casaos y viven na llocalidá de Kritzmow, cerca de Rostock. Tienen una fía llamada Ulrike.
Resultaos
[editar | editar la fonte]Competiciones
[editar | editar la fonte]Añu | Competición | Llugar | Puestu !Marca | |
---|---|---|---|---|
1977 | Düsseldorf, | 2ª en 400 m 1º en 4×400 m |
49,76 3:24,04 | |
1978 | Campeonatu d'Europa | Praga, Checoslovaquia | 1º en 400 m 1º en 4×400 m |
48,94 3:21,2 |
1979 | Montreal, | 2ª en 200 m 1º en 400 m 1º en 4×400 m |
22,02 48,97 3:20,37 | |
1980 | Xuegos Olímpicos | Moscú, Rusia | 1º en 400 m 2º en 4×400 m |
48,88 3:20,4 |
1981 | Roma, | 2ª en 400 m 1º en 4×400 m |
49,27 3:20,62 | |
1982 | Campeonatu d'Europa | Atenes, Grecia | 1º en 400 m 1º en 4×400 m |
48,16 3:19,05 |
1983 | Campeonatu del Mundu | Ḥélsinki, Finlandia | 2ª en 100 m 1ª en 200 m 1ª en 4×100 m 1ª en 4×400 m |
11,02 22,13 41,76 3:19,73 |
1985 | Canberra, | 1ª en 200 m 1ª en 400 m 1º en 4×400 m |
21,90 47,60 3:19,49 | |
1986 | Campeonatu d'Europa | Stuttgart, Alemaña | 1º en 400 m 1º en 4×400 m |
48,22 3:16,87 |
Marques personales
[editar | editar la fonte]- 100 metros - 10,83 s (Berlín Este, 8 de xunu de 1983)
- 200 metros - 21,71 s (Karl-Marx-Stadt, 10 de xunu de 1979)
- 400 metros - 47,60 s (Canberra, 6 d'ochobre de 1985)
Récores del mundu
[editar | editar la fonte]Al campu
[editar | editar la fonte]- 200 metros
- 22,06 - Erfurt (28 May 1978)
- 22,02 - Leipzig (03 Jun 1979)
- 21,71 - Karl-Marx-Stadt (10 Jul 1979)
- 21,71* - Potsdam (21 Jul 1984)
- 400 metros
- 49,19 - Leipzig (02 Jul 1978)
- 49,03 - Potsdam (19 Ago 1978)
- 48,94 - Praga (31 Ago 1978)
- 48,89 - Potsdam (29 Jul 1979)
- 48,60 - Turín (04 Ago 1979)
- 48,16 - Atenes (08 Sep 1982)
- 47,60 - Canberra (06 Oct 1985)
- 4×100 metros
- 42,10 - Karl-Marx-Stadt (10 Jun 1979)
- 41,53 - Berlín (31 Jul 1983)
- 4×400 metros
- 3:19,04 - Atenes (11 Sep 1982)
- 3:15,92 - Erfurt (03 Jun 1984)
En pista cubierta
[editar | editar la fonte]- 60 metros
- 7,10* - Senftenberg (14 Feb 1981)
- 7,08 - Senftenberg (29 Ene 1983)
- 7,04 - Senftenberg (16 Feb 1985)
- 200 metros
- 23,38 - Berlín Este (09 Feb 1977)
- 22,64* - Budapest (26 Feb 1983)
- 22,39 - Budapest (05 Mar 1983)
- 400 metros
- 51,80 - Milán (24 Feb 1977)
- 51,57 - Milán (24 Feb 1977)
- 51,14 - San Sebastián (13 Mar 1977)
(*) - récor igualáu
Predecesora: Irena Szewinska |
Campeona Olímpica de 400 metros Moscú 1980 |
Socesora: Valerie Brisco-Hooks |
Referencies
[editar | editar la fonte]- ↑ Afirmao en: Encyclopædia Britannica Online. Identificador Encyclopædia Britannica Online: biography/Marita-Koch. Apaez como: Marita Koch. Data de consulta: 9 ochobre 2017. Llingua de la obra o nome: inglés.
Enllaces esternos
[editar | editar la fonte]- Muyeres
- Persones nacíes en 1957
- Persones vives
- Wikipedia:Revisar traducción
- Medayistes olímpicos d'Alemaña
- Medayistes olímpicos d'oru
- Medayistes olímpicos d'atletismu
- Medayistes olímpicos de plata
- Medayistes olímpicos de Moscú 1980
- Deportistes nos Xuegos Olímpicos de Los Angeles 1984
- Campeones d'Europa d'atletismu
- Atletes de la República Democrática Alemana
- Wikipedia:Mantenimientu:Persones ensin plantía nym