NGC 2122
 NGC 2122 | ||
|---|---|---|
 | ||
| Datos d'observación: Dómina J2000.0 | ||
| Ascensión reuta | 05h 48m 48.6s | |
| Declinación | -70° 04.0′ | |
| Distancia | 160.000 años lluz aprox | |
| Tamañu aparente (V) | 6,0 × 5,0 minutos d'arcu | |
| Constelación | Mensa | |
| Carauterístiques físiques | ||
| Radiu | 60 años lluz | |
| Otres carauterístiques |
Asitiada en la Gran Nube de Magallanes | |
| Otres designaciones | ESO 057-EN041, GC 1319 | |
| [editar datos en Wikidata] | ||
NGC 2122 ye una nebulosa difusa y un cúmulu abiertu na Gran Nube de Magallanes, visible na constelación de Mensa. Foi afayáu nel añu 1826 por James Dunlop.
La nebulosa, N180B, ye una rexón activa de formación estelar, que contién dalgunos de los cúmulos más brillosos que se conocen. Estos cúmulos son conocíos como asociaciones OB porque tán formaos por estrelles calientes de tipu espectral O y B. Les estrelles de tipu O son bien lluminoses y xeneren vientos estelares increíblemente fuertes. Estos vientos estelares tienen la capacidá d'esvalixar el gas al traviés de cientos d'años lluz, según formar trupes nubes de polvu, dambos fenómenos evidentes en N180B. Piénsase que ye una rexón de formación estelar nueva y que nun allugó nenguna esplosión de supernova.[1]
N180B ye una rexón H II (rexón de gas hidróxenu ionizado), magar nesti casu hai una combinación de gas osíxenu y gas hidróxenu. Hai flámulas de polvu de 100 años lluz de llargor que cuerren a lo llargo de la rexón H II, según nubes de polvu más pequeñu. Si la presión del gas interestelar ye abondo alta, la formación estelar podría tener llugar nestes pequeñes nubes de polvu.[1]
