Albert Uderzo
Albert Uderzo | |
---|---|
| |
Vida | |
Nacimientu | Fismes[1], 25 d'abril de 1927[2] |
Nacionalidá |
|
Muerte | Neuilly-sur-Seine[4], 24 de marzu de 2020[5] (92 años) |
Sepultura |
Q110339358 |
Causa de la muerte | infartu de miocardiu[6] |
Familia | |
Fíos/es | Sylvie Uderzo |
Hermanos/es | Marcel Uderzo |
Estudios | |
Llingües falaes | francés[7] |
Oficiu | historietista, pintor, guionista, direutor de cine, colorista, ilustrador, dibuxante, artista visual |
Trabayos destacaos |
Asterix films (en) Las aventuras de Michel Tanguy y Laverdure (es) Oumpah-pah (es) |
Premios |
ver
|
Influyencies | Edmond Calvo |
Seudónimos | Uderzo |
IMDb | nm0879853 |
| |
Albert Uderzo (25 d'abril de 1927, Fismes – 24 de marzu de 2020, Neuilly-sur-Seine) foi un dibuxante y guionista de cómic francés. Ye'l coautor, xunto con René Goscinny, del famosu cómic Astérix.
Biografía
[editar | editar la fonte]La so familia yera d'orixe italianu (y nun obtuvo la nacionalidá francesa hasta l'añu 1934). Tomó'l so nome del pueblu d'Oderzo (antiguamente llamáu Uderzo) d'onde yera la so familia. La so primer vocación infantil yera la de ser mecánicu d'aviones.
Durante la Segunda Guerra Mundial, Uderzo abandonó París y pasó un añu en Bretaña, trabayando nuna casería y ayudando col negociu de muebles de so padre. Munchos años depués, cuando Goscinny dexó la decisión d'asitiar l'aldea d'Astérix nes sos manes, Uderzo entainó a escoyer Bretaña.
Una vez finalizada la Guerra, asitióse en París, entamando entós una llarga carrera como dibuxante.
La so carrera
[editar | editar la fonte]Anantes d'obtener un ésitu mundial con esta serie, dibuxara, ente otres, les aventures d'Oumpah-Pah, igualmente sobre un guión de René Goscinny, asina como Tanguy et Laverdure y de Belloy (eses dos últimes sobre guión de Jean-Michel Charlier).
En 1949 conoció a Goscinny. La so primer collaboración foi un artículu sobre urbanidá que s'asoleyó na revista Bonnes Soirés. Darréu crearon Pistolet, un corsariu parcialón, y más tarde Luc Junior. Naquella dómina llegaron a llanzar pal mercáu americanu un personaxe llamáu Oumpah-Pah.
Xunto con Charlier, Goscinny y Jean Hébrard fundaron un sindicatu pa la defensa de los sos derechos. Depués entraría na revista Tintin, na que publicaría la serie Oumpah-Pah, asina como delles histories completes.
N'ochobre de 1959 apaeció la revista Pilote, na qu'asoleyaría les series de Tanguy et Laverdure y Astérix, que se convertiría na serie de mayor sonadía de la Bande Desinée francesa. Más sero, en compañía de Goscinny fundaría los estudios Idéfix. Y en 1979, dos años depués de la muerte del so compañeru entamaría la editorial Albert-René.
Capaz de dibuxar n'estilos bien estremaos (del realismu de Tanguy et Laverdure a la caricatura d'Astérix), el so gran sentíu del gag visual completaba perfechamente'l talentu d'humorista de René Goscinny.
Depués de la muerte d'esti últimu él tomó solu tol trabayu de la famosa serie del pequeñu galu. Por embargu, col pasu de los años, los llectores de les primeres aventures valoraben cada vez menos los álbumes, que según ellos perdieron l'humor, la sutilidá y l'encantu de los trabayos fechos con Goscinny.
Unu de los padres del cómic modernu, Uderzo daría col so collaciu Goscinny, carta de nobleza al cómic francés. Pol so estilu puede encuadrase tanto dientro del estilu realista norteamericanu, como nel humorísticu de la escuela franco-belxicana.
Fechu sorprendente... sufre de daltonismu (nun estrema ente'l colloráu y el verde).
Publicaciones
[editar | editar la fonte]- Astérix & Obélix
- Oumpah-Pah
- Tanguy & Laverdure
- Belloy
- Luc Junior
- Jehan Pistolet
- Y munchos otros (Clopinard, Bill Blanchard, Clairette, La famille Moutonet, Poussin et Poussif...)
Referencies
[editar | editar la fonte]- ↑ Afirmao en: Expediente de personas fallecidas.
- ↑ Afirmao en: Gemeinsame Normdatei. Identificador GND: 118810480. Data de consulta: 15 ochobre 2015. Llingua de la obra o nome: alemán. Autor: Biblioteca Nacional d'Alemaña.
- ↑ «RKDartists» (neerlandés). Consultáu'l 6 xunetu 2020.
- ↑ «"Astérix et Obélix" : le dessinateur Albert Uderzo est décédé à 92 ans». RTL.
- ↑ «"Astérix et Obélix" : le dessinateur Albert Uderzo est décédé à 92 ans» (francés). RTL (24 marzu 2020). Consultáu'l 24 marzu 2020.
- ↑ URL de la referencia: https://www.rtl.fr/culture/arts-spectacles/asterix-et-obelix-le-dessinateur-albert-uderzo-est-decede-a-92-ans-7800302610.
- ↑ Biblioteca Nacional de Francia. «autoridaes BNF» (francés). Consultáu'l 10 ochobre 2015.
- ↑ «Albert Uderzo commandeurdes Arts et Lettres». Le Nouvel Obs.
- ↑ URL de la referencia: https://datastore.brussels/web/data/dataset/ereburgers2/dataset-viewer-resource. Data de consulta: 1r avientu 2021.
- ↑ «Albert Uderzo, Chevalier dans l'ordre néelandais du Lion». BD Gest'.
- ↑ URL de la referencia: https://www.lepoint.fr/livres/la-revanche-d-uderzo-24-01-2013-1692491_37.php.
- ↑ «Décret du 12 juillet 2013 portant promotion et nomination». Légifrance.
Enllaces esternos
[editar | editar la fonte]- Uderzo explica l'últimu Astérix
- Biografía d'Uderzo Archiváu 2005-12-22 en Wayback Machine.
- Entrevista a Uderzo Archiváu 2005-12-22 en Wayback Machine.
- Ficha d'Uderzo en Comiclopedia (n'inglés).
- Biografía oficial de Uderzo, na web oficial d'Astérix (n'inglés).