Andenes
| |
Alministración | |
País | |
Condáu | Nordland |
Conceyu | Andøy |
Tipu d'entidá |
área urbana en Noruega (es) |
Nome oficial | Andenes (no) |
Códigu postal |
8480 |
Xeografía | |
Coordenaes | 69°18′50″N 16°07′05″E / 69.3139°N 16.1181°E |
Superficie | 1.76 km² |
Altitú | 6 m |
Demografía | |
Población | 2615 hab. (4 payares 2019) |
Porcentaxe |
100% de Andøy 1.07% de Nordland 0.05% de Noruega |
Densidá | 1485,8 hab/km² |
Más información | |
Estaya horaria | UTC+01:00 |
andoy.net | |
Andenes ye una población y un antiguu conceyu na rexón de Vesterålen, na provincia de Nordland, en Noruega.
Anguaño cunta con 2615 habitantes (4 payares 2019)[1][2], y una superficie de 1,89 km². Xunióse a Dverberg y Bjørnskinn el 1 de xineru de 1964 para crear la kommune actual de Andøy, de la qu'Andenes ye centru alministrativu municipal. Enantes, Andenes dixebrárase de Dverberg el 1 de xineru de 1924.
Andenes ye el pueblu mas septentrional de la Islla d'Andøya, nes islles Vesterålen, lo mesmo que de la provincia de Nordland, y atópase a unos 300 km percima del círculu polar árticu.
La so alta llatitú fai que'l sol de medianueche sía visible dende mediaos de mayu hasta finales de xunetu, aproximao, pero tamién provoca que'l sol non s'alce sobro l'horizonte dende finales de payares hasta finales de xineru.
Al este d'Andenes atópase la islla de Senja, y al oeste atopase l'océanu Atlánticu, y más concretamente'l mar de Noruega.
A Senja puede dise en ferry, que ye la segunda islla más grande de Noruega, nuna travesía d'unes dos hores.
Una de les posibilidaes turístiques d'Andenes son les salíes en barcu para'l posible avistamientu de ballenes.
Mui cerca d'Andenes alcuéntrase l'aeropuertu de Andøya, Andenes (IATA: ANX, OACI: ENAN; en noruegu: Andøya lufthavn, Andenes), d'usu civil y militar y nel que s'atopen amás el Centru Espacial Noruegu (Norsk Romsenter) y la base de llanzamientu de cohetes de Andøya (Andøya Rakettskytefelt).