Anxo Quintana
Anxo Quintana | |||||||||||
---|---|---|---|---|---|---|---|---|---|---|---|
| |||||||||||
2 agostu 2005 - 20 abril 2009 - Alfonso Rueda → 19 xunu 2005 - 25 agostu 2011 23 payares 2002 - 10 mayu 2009 ← Xosé Manuel Beiras - Guillerme Vázquez → 28 marzu 2000 - 5 setiembre 2005 1989 - 2000 - Francisco García Suárez → | |||||||||||
Vida | |||||||||||
Nacimientu | Allariz, 25 de febreru de 1959 (65 años) | ||||||||||
Nacionalidá |
| ||||||||||
Estudios | |||||||||||
Estudios |
Universidá de Santiago de Compostela Universidá de Vigo | ||||||||||
Llingües falaes |
castellanu gallegu | ||||||||||
Oficiu | políticu | ||||||||||
Llugares de trabayu | Allariz | ||||||||||
Creencies | |||||||||||
Partíu políticu | Bloque Nacionalista Galego | ||||||||||
Anxo Manuel Quintana González (25 de febreru de 1959, Allariz) ye un políticu español y antiguu vicepresidente de la Xunta de Galicia ente 2005 y 2009.
Biografía
[editar | editar la fonte]Anxo Quintana ñació n'Allariz, una llocalidá de la provincia d'Ourense, el 25 de febreru de 1959. Cursó dos años de Medicina na Universidá de Santiago de Compostela y llogró la diplomatura d'Enfermería na Universidá de Vigo. Darréu entamó a trabayar nel hospital Cristal Piñor d'Ourense.
Entamó a collaborar col nacionalismu gallegu en 1977, nel campu del sindicalismu agrariu nacionalista. Participó na fundación del BNG en 1982.
Entamó a ser conocíu en 1985, poco primero de les eleiciones autonómiques d'ochobre d'esi añu, cuando él y un grupu de militantes del BNG aprucieron nel plató del programa La Clave de TVE en protesta pola non inclusión de representantes del BNG nel programa. La Clave nun s'emitió naquella selmana.[1]
En 1989, tres una revuelta popular qu'espulsó al alcalde del PP d'Allariz, Quintana foi escoyíu pal ser el socesor. Quintana, que yera conceyal na llocalidá dende 1983, permaneció na alcaldía hasta l'añu 2000. Mientres el so mandatu, Allariz ganó'l Premiu Européu d'Urbanismu, pol so llabor de rehabilitación del cascu históricu y foi consideráu como un exemplu de la manera nacionalista de xestionar alministraciones.[1] Foi vicepresidente de la Federación Gallega de Conceyos y Provincies ente 1995 y 2000. Tamién foi designáu senador en representación de la comunidá autónoma de Galicia nel añu 2000, cargu qu'ocupó hasta'l 5 de setiembre de 2005. Yera l'únicu miembru del BNG nel Senáu y foi'l primer nacionalista gallegu nesta cámara dende la Transición. El so puestu de senador dio-y proyección autonómica y estatal.[1]
Paralelamente, esguiló puestos na direición del BNG, siendo nomáu coordinador de la Executiva Nacional ente 2002 y 2003, y finalmente Voceru Nacional el 23 de payares de 2003, cargu qu'ocupó hasta 2009 y nel qu'asocedió a Xosé Manuel Beiras.
Foi'l candidatu del BNG a la presidencia de la Xunta de Galicia nes eleiciones del 19 de xunu de 2005. Gracies a una coalición ente'l PSOE y el BNG, tuvo nel gobiernu d'Emilio Pérez Touriño'l 2 d'agostu de 2005, nel qu'ocupó la vicepresidencia mientres la llexislatura completa no que se denominó "Bipartitu Gallegu".
Sicasí, nes eleiciones de 2009, el BNG perdió un escañu y el PP recuperó la mayoría absoluta, lo que fizo qu'Anxo Quintana abandonara'l gobiernu de la Xunta de Galicia. A raigañu de la resultancia eleutoral, presentó la so dimisión el 14 de marzu de 2009 y anunció nun tener cuenta de presentase de nuevu al puestu.[2] En marzu de 2016 anuncia que dexa'l BNG por discrepancies cola direición d'anguaño.[3]
Referencies
[editar | editar la fonte]- ↑ 1,0 1,1 1,2 La solombra de la 'O' ye allargada, por Xavier Navaza, El Correo Gallego, 15 de marzu de 2009.
- ↑ Quintana y l'executiva del BNG dimiten pola derrota eleutoral, El País, 15 de marzu de 2009.
- ↑ Anxo Quintana abandona el BNG https://elpais.com/ccaa/2016/03/03/galicia/1457008014_661697.amp.html Archiváu 2019-12-02 en Wayback Machine