Cancioneru d'Ajuda
| |
Tipos | manuscritu allumáu |
---|---|
Añu | sieglu XIII |
Material | Pergamín |
Dimensiones |
46 ( |
Coleición |
Biblioteca da Ajuda (en) |
El Cancioneru de Ajuda (Cancioneiro da Ajuda) ye unu de los cuatro cancioneros calteníos de la llírica galaicoportuguesa medieval. Toma'l so nome de la ciudá portuguesa de Ajuda, cercana a Lisboa. Caltenerse na Biblioteca del Palaciu Real de Ajuda. Ye un pergamín manuscritu in foliu, escritu por una sola persona con lletra gótica y numberoses miniatures. Quedó incompletu: apaecen los testos poéticos, pero nun s'acabaron les miniatures nin se copió la música, que tien un espaciu reserváu so los versos de la primer estrofa de cada cantiga.
Descripción
[editar | editar la fonte]Orixinal del sieglu XIV(aproximao nel añu 1350). Contién namái cantigues d'amor, un tipu de composición llírica d'induldables oríxenes provenzales. Malapenes unes poques d'estes cantigues d'amor nun tán rexistraes n'otros cancioneros. Ye'l más antiguu de los cuatro cancioneros galaicoportugueses calteníos y el más fiable de toos por tar ellaboráu na dómina trovadoresca na corte d'Alfonso X el Sabiu.
Foi atopáu en 1886 nel intre d'unes obres na biblioteca del palaciu de Ajuda
Les primeres ediciones completes daten de 1824 y 1849, anque la edición clásica ye la realizada por Carolina Michaëlis de Vasconcellos en 1904.
Europeana 280
[editar | editar la fonte]N'abril de 2016, la pintura Cancioneru de Ajuda foi escoyida como una de les diez más grandes obres artístiques de Portugal pel proyeutu Europeana.[1]
Referencies
[editar | editar la fonte]- ↑ «Europeana 280 Blog» (inglés). Archiváu dende l'orixinal, el 2016-05-01. Consultáu'l 30 de mayu de 2016.