David Gallagher
David Gallagher | |
---|---|
| |
Vida | |
Nacimientu | Queens, 9 de febreru de 1985[1] (39 años) |
Nacionalidá |
|
Llingua materna | inglés |
Estudios | |
Estudios |
Universidá del Sur de California Escuela de Artes Cinematográficas de la Universidad del Sur de California (es) Chaminade College Preparatory School (en) |
Llingües falaes | inglés |
Oficiu | actor, actor de televisión, modelu, actor de cine, actor de voz, guionista, productor de cine |
Trabayos destacaos |
7th Heaven Look Who's Talking Now Super 8 Kingdom Hearts (es) |
IMDb | nm0302356 |
David Lee Gallagher (9 de febreru de 1985, Queens) ye un actor d'Estaos Xuníos, más conocíu pol so papel de Simon Camden na serie de televisión "7th Heaven".
Biografía
[editar | editar la fonte]Vida personal
[editar | editar la fonte]David nació en Queens, un distritu de la ciudá de Nueva York. El so padre llámase Vince (un norteamericanu con ascendencia irlandesa) y la so madre Elena (una norteamericana con ascendencia cubana). Tien dos hermanes, Michelle y Kelly; y otros dos hermanos, Killian y Kyle. El so hermanu Killian foi diagnosticáu d'autismu a los trés años, y trabaya na organización ensin ánimu d'arriquecimientu "Cure Autism Now".[2][3][4]
Carrera
[editar | editar la fonte]David Gallagher empezó a actuar a la edá de dos años, apaeciendo como modelu nun anunciu impresu. Esto ayudólu a consiguir papeles en dellos anuncios de televisión, incluyendo dalgunos para Walt Disney World y Burger King. David debutó na pantalla a la edá d'ocho años, faciendo d'unu de los neños na secuela de 1993 Look Who's Talking Now Mientres la década de los 90, él apaeció en delles películes feches pa televisión, y tuvo un papel na película de 1996 Phenomenon.
En 1996, a David diéronlu'l papel de Simon Camden, el cuartu fíu del reverendu Eric Camden, na serie de televisión 7th Heaven. L'ésitu de la serie ayudó a David a ser conocíu por tola audiencia televisiva. David tamién protagonizó la película Richie Rich's Christmas Wish interpretando a Richie Rich en 1998. Sicasí, David interpretó'l papel de Simon Camden en "7th Heaven" dende l'empiezu de la serie en 1996 hasta 2003, y remaneció en 2004, dempués de dexar per un añu la serie pa dir a la University of Southern California. Pensábase que la temporada 10 diba ser el final de la serie, pero a finales de 2006, The CW tomó por amuesa pa una y última 11ª temporada, pero David yá nun vuelve apaecer na última temporada yá que optó por nun anovar el so contratu.
David Gallagher tamién tuvo papeles en películes como Little Secrets (agostu de 2002), na cual interpreta al mozu del que cai namorada Evan Rachel Wood, y en Kart Racer (setiembre de 2003), na qu'interpreta a un competitivu corredor; amás d'otres munches películes (ver llista de baxo). La mayoría de les sos películes más recién fueron feches independientemente.
Amás, bien como protagonista o desenvolviendo dalgún papel secundariu, apaeció n'otres series como Walker, Texas Ranger (1997), Rocket Power (1999), The New Adventures of Spin and Marty: Suspect Behavior (añu 2000, nuna secuela de l'antigua serie) y en dos episodios de Numb3rs (2006). Tamién dobló a personaxes como a Seiji, del filme xaponés "Mimi wo Sumaseba"; a Ben, el primu de Eliza na serie The Wild Thornberries y a Riku, unu de los protagonistes de "Kingdom Hearts".
Ente les moces famoses coles que tuvo inclúyense Megan Fox Archiváu 2007-04-15 en Wayback Machine y Jillian Grace.
Filmografía
[editar | editar la fonte]Añu | Títulu | Papel |
---|---|---|
2012 | Scared of the Dark | Adam |
2011 | Trophy Kids | Reid Davis |
Super 8 | Donny | |
The Vampire Diaries (serie de televisión) | Ray Sutton | |
2010 | Betwixt | |
The Deep End | Kevin | |
2009 | Smallville (serie) | Zan |
Numb3rs | Buck Winters | |
2008 | Saving Grace | Paul Shapiro |
Bones | Ryan Stephenson | |
Without a Trace | Jeff Ellis | |
2007 | Boogeyman | Mark |
Freakin' Zombies, Man! | Duke | |
CSI: Miami | Rick Bates | |
The Picture of Dorian Gray | Dorian Gray | |
2006 | Sunday Morning(curtiu) | |
Numb3rs | Buck Winters | |
2005 | The Quiet | Brian |
2003 | Kart Racer | Scott McKenna |
2002 | Little Secrets | David |
1998 | Richie Rich's Christmas Wish | Richie Rich |
1997 | Angels In The Endzone | Kevin Harper |
1996-2006 | "7th Heaven" | Simon Camden |
1996 | Phenomenon | Al |
Bermuda Triangle | Sam | |
Summer of Fear | Zack | |
1995 | It Was Him Or Us | Stevie Pomperoy |
1993 | Look Who's Talking Now | Mikey Ubriacco |
Referencies
[editar | editar la fonte]- ↑ Afirmao en: SNAC. Identificador SNAC Ark: w6915199. Apaez como: David Gallagher. Data de consulta: 9 ochobre 2017. Llingua de la obra o nome: inglés.
- ↑ «CELEBRITY RIDES: This Young Actor is in Seventh Heaven | SouthCoastToday.com». Archiváu dende l'orixinal, el 2018-12-14.
- ↑ «Making Sure Hollywood's Nouveau Riche Stay Riche». The New York Times. 22 d'agostu de 2004. http://www.nytimes.com/2004/08/22/style/making-sure-hollywood-s-nouveau-riche-stay-riche.html?pagewanted=4&src=pm.
- ↑ Need custom hot rodding or bass/guitar repair? Darren James Gallagher can do it all!, Cheryl Stewart, Examiner.com, June 14, 2010