Escudu de Sudáfrica
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
| |
Datos | |
Propietariu | Sudáfrica |
Fecha d'adopción | 2000 |
L'actual escudu de Sudáfrica sostitúi dende'l 27 d'abril de 2000 al que foi aprobáu'l 17 de setiembre de 1910. El remocique nel escudu sudafricanu respuende al deseu de simbolizar nél los cambeos democráticos y un nuevu sentíu de patriotismu.
L'escudu ta compuestu por un conxuntu d'elementos organizaos en dos círculos colocaos ún sobre otru. La contorna de tol escudu nel so conxuntu integra los círculos inferior y superior como símbolu d'infinitú. Na parte inferior apaez el lema nacional: "Ike e: /xarra //ke" que significa nel idioma khoisan "Pueblos diversos, xuníos". La forma del escudu queda definida polos caniles d'elefante pa zarrase na parte superior con una representación del horizonte, n'onde apaez asitiáu'l sol naciente, conformando la figura del güevu cósmicu que representa'l renacimientu espiritual de la nación sudafricana. Nesti espaciu superior, sal el páxaru serpentariu que simboliza la proteición del país. Nel interior del escudu apaecen dos figures humanes que se tomaron del arte rupestre khoisan. Dambes figures alcuentrense de frente en posición de saludu y señal d'unidá.
Na parte superior del escudu apaecen cruzaes una llanza y un knobkierie o maza primitiva.
1910-1930 | 1930-1932 | 1932-2000 |