Gary Sinise
Gary Sinise | |
---|---|
| |
Vida | |
Nacimientu |
Blue Island (es) |
Nacionalidá |
|
Llingua materna | inglés |
Familia | |
Casáu con | Moira Harris (1981 – ) |
Fíos/es | 3 |
Estudios | |
Estudios | Universidá del Estáu d'Illinois |
Llingües falaes | inglés |
Oficiu | direutor de cine, músicu, actor de teatru, actor de cine, actor de televisión, direutor de teatru, actor, productor de cine, productor de televisión, realizador |
Llugares de trabayu | Estaos Xuníos |
Premios | |
Nominaciones | |
Instrumentu musical |
guitarra baxu guitarra |
Creencies | |
Relixón | catolicismu |
Partíu políticu | Partíu Republicanu de los Estaos Xuníos |
IMDb | nm0000641 |
garysinise.com | |
Gary Alan Sinise (17 de marzu de 1955, Blue Island (es) ) ye un actor y direutor d'Estaos Xuníos. A lo llargo de la so carrera, Sinise ganó un premiu Emmy y un Globu d'Oru, y foi nomáu a la Palma d'Oru y al Óscar. En 1992 dirixó ya interpretó un papel na adautación de De mures y homes. Foi nomáu al Óscar como meyor actor de repartu en 1994 pol so papel como'l teniente Dan Taylor en Forrest Gump. Ganó'l Globu d'Oru como meyor actor nun telefilme pol so papel en Truman. En 1996 interpretó a un oficial de policía corruptu nel drama Rescate de Ron Howard. En 1998 ganó l'Emmy al meyor actor nun telefilme por George Wallace, onde interpretó a George Wallace, el gobernador d'Alabama.
Primeros años
[editar | editar la fonte]Sinise nació en Blue Island, Illinois, fíu de Millie Alsip y el montador de cine Robert L. Sinise.[2][3][4] Parte de la so ascendencia ye italiana.[5] Asistió a la Secundaria Highland Park, d'Illinois, y siguió estudiando na Universidá estatal d'Illinois. En 1974, Sinise y dos amigos, Terry Kinney y Jeff Perry, fundaron la Compañía de teatru Steppenwolf.[6] Dende la so fundación, Steppenwolf exhibió'l talentu d'actores como Joan Allen, Kevin Anderson, Gary Cole, Ethan Hawke, Glenne Headly, John Mahoney, John Malkovich, Laurie Metcalf, Martha Plimpton, Jim True-Frost y William Petersen. En Steppenwolf, Sinise desenvolvió les sos habilidaes como actor y direutor, y trabayó en más de trenta producciones.
Carrera
[editar | editar la fonte]En 1982, la carrera de Sinise empezó a tener ésitu cuando dirixó y protagonizó la obra True West, producida nel teatru Steppenwolf. En 1983, ganó un premiu Obie pol so trabayu como direutor y un añu más tarde trabayó con John Malkovich nuna producción de la PBS de la mesma obra. En 1988 dirixó Miles from Home, una película protagonizada por Richard Gere alrodiu de la llucha de dos hermanos contra'l zarru de la granxa familiar. Darréu, Sinise trabayó en delles películes, ente elles Forrest Gump, Of Mice and Men (la cual tamién dirixó), Apollo 13, Reindeer Games, Snake Eyes, Ransom, Misión a Marte, Apocalipsis, Infiltrado y The Green Mile. Amás grabó un audiollibru de Travels with Charley: In Search of America y de De mures y homes, del autor John Steinbeck.
En 2004 empezó a actuar na so primer serie como miembru regular, en CSI: NY, onde interpretó al detective Mac Taylor. Foi acreditáu como productor dende la segunda temporada y amás escribió la trama d'un episodiu. Dellos episodios dexáronlu a Sinise demostrar les sos habilidaes como músicu, como na segunda temporada cuando Mac Taylor toca'l baxu nun club de jazz xunto a los músicos Kimo, Carol Williams y Danny Gottlieb, miembros de la Lt. Dan Band, fundada por Sinise y Kimo Williams nel añu 2003. El nome de la banda surdió pol personaxe de Sinise en Forrest Gump.
Sinise foi premiáu cola Presidential Citizen Medal por George W. Bush por cuenta del so llabor de sofitu a les tropes estauxunidenses y pol trabayu humanitariu en sofitu de los neños iraquinos.[7] A finales de 2008 narró "Army and Army Reserve Army Strong", un comercial de reclutamiento.[8] Sinise ye unu de los productores executivos de Brothers at War (2009), un documental sobre la Guerra d'Iraq.[9] El documental amuesa una familia militar americana y les esperiencies de tres hermanos: Jake, Isaac y Joseph Rademacher.[10]
Vida privada
[editar | editar la fonte]Sinise ta casáu cola actriz Moira Harris dende 1981, tienen tres fíos: Sophia Ana (n. 1988), McCanna Anthony (n. 1990) y Ella Jane (n. 1992). En 2003 foi premiáu con un Doctoráu Honoris Causa pol Amherst College.[11] Ye católicu conversu. Dedicó enforma tiempu al Muséu Nacional d'Arte de los Veteranos de Vietnam, agora llamáu National Veterans Art Museum.
Filmografía
[editar | editar la fonte]- Criminal Minds: Beyond Borders (2015)
- Criminal Minds (2015)
- CSI: NY (2004)
- The Forgotten (2004)
- The Big Bounce (2004)
- The Human Stain (2003)
- Infiltrado (2001)
- Reindeer Games (2000)
- The Green Mile (1999)
- Glories del pasáu (1999)
- Misión a Marte (1999)
- Snake Eyes (1998)
- La trampa del caimán (1996)
- Rescate (1996)
- The Quick and the Dead (1995)
- Apollo 13 (1995)
- Forrest Gump (1994)
- Apocalipsis (1994)
- Jack the Bear (1993)
- De mures y homes o La fuercia bruto (1992)
- Miles from Home (1990)
- El mio nome ye Bill W. (1989)
Premios
[editar | editar la fonte]Añu | Categoría | Película | Resultáu |
---|---|---|---|
1994 | Meyor actor de repartu | Forrest Gump | Candidatu |
Añu | Categoría | Película | Resultáu |
---|---|---|---|
1994 | Meyor actor de repartu | Forrest Gump | Candidatu |
Añu | Categoría | Película | Resultáu |
---|---|---|---|
1994 | Meyor repartu | Forrest Gump | Candidatu |
1994 | Meyor actor de repartu | Forrest Gump | Candidatu |
1994 | Meyor actor de repartu | Apocalipsis | Candidatu |
Referencies
[editar | editar la fonte]- ↑ Afirmao en: SNAC. Identificador SNAC Ark: w6nk3mvc. Apaez como: Gary Sinise. Data de consulta: 9 ochobre 2017. Llingua de la obra o nome: inglés.
- ↑ Robert L. Sinise biografía en IMDb.com
- ↑ The guts and the glory
- ↑ «Gary Sinise Biography (1955-)». Filmreference.com. Consultáu'l 17 d'avientu de 2009.
- ↑ http://archive.southcoasttoday.com/daily/02-07/02-07-07/03living.htm
- ↑ «Gary Sinise: Ensemble Member Bio». Archiváu dende l'orixinal, el 2007-12-15. Consultáu'l 3 de xineru de 2008.
- ↑ «Bush gives medals to Watergate figure, others». Consultáu'l 10 d'avientu de 2008.
- ↑ «Soldier Life > Army Families». GoArmy.com. Consultáu'l 17 d'avientu de 2009. (Archived by WebCite® at http://www.webcitation.org/5nuXS9YWg)
- ↑ «Award-Winning Documentary 'Brothers at War' Supported by Two Honored Executive Producers». Breitbart.com (13 de marzu de 2009). Consultáu'l 17 d'avientu de 2009.
- ↑ «Film review: ‘Brothers at War' - Military Movies». Military Times. Archiváu dende l'orixinal, el 2009-03-16. Consultáu'l 17 d'avientu de 2009.
- ↑ «Amherst College Commencement: 2003 Honorary Degree Citations». Consultáu'l 3 de xineru de 2008.
Enllaces esternos
[editar | editar la fonte]
Wikimedia Commons tien conteníu multimedia tocante a Gary Sinise.
- Gary Sinise na Internet Movie Database (n'inglés)
- Gary Sinise na Internet Broadway Database (n'inglés)
- Gary Sinise n'Internet Off-Broadway Database (inglés)
- Sitiu oficial de la so banda, Lt. Dan Band
- Steppenwolf Theatre Company
- Sitio Fans Gary Sinise España & Lt. Dan Band Archiváu 2015-03-09 en Wayback Machine