Hieraaetus pennatus
Hieraaetus pennatus águila pinta | ||
---|---|---|
| ||
Estáu de caltenimientu | ||
Esmolición menor (IUCN) | ||
Clasificación científica | ||
Reinu: | Animalia | |
Filu: | Chordata | |
Clas: | Aves | |
Orde: | Accipitriformes[1] | |
Familia: | Accipitridae | |
Xéneru: | Hieraaetus | |
Especie: |
H. pennatus (Gmelin, 1788) | |
Distribución | ||
| ||
Sinonimia | ||
| ||
Consultes | ||
[editar datos en Wikidata] |
Les especies d'aves con nome común en llingua asturiana márquense como NOA. En casu contrariu, conséñase'l nome científicu.
L'águila pinta[3] (Hieraaetus pennatus) ye una especie d'ave accipitriforme de la familia Accipitridae. Ye una ave de presa de medianu tamañu, presente na mayor parte d'Eurasia y África.
Descripción
[editar | editar la fonte]Ye una ave de presa mediana d'ente 40 y 55 cm de llargu y 110-135 cm de valumbu.[4][5] Los machos pesen 700 gramos y les femes 1 kg.[5] Siendo con estes dimensiones l'águila más pequeña que s'atopa na Península Ibérica.[5][6]
Paecer en tamañu y forma al busardo ratoneru, anque coles ales más anches, y un tipu de vuelu distintu.
Presenta dos fases de coloración:
- La fase pálida, cola parte inferior del cuerpu blanca y con pequeñes puntes y matices pardos. La cabeza ye marrón y el cantu de les ales escuru, casi negru.
- La fase escura, cola parte inferior del cuerpu de color marrón escuru. Al igual que na fase pálida los cantos de les ales son escuros, anque non tantu.
Dambes fases tienen la cola per debaxo d'un color gris maciu. Nos sos partes cimeros son abondo más paecíes los dos fases, con un plumaxe de color marrón. En vuelu suelse reparar unes manches blanques nos sos costazos llamaes "lluces d'aterrizaxe", pero que nun son esclusives d'esta especie.[4]
Taxonomía
[editar | editar la fonte]Foi descrita por Gmelin en 1788 como Falco pennatus;[7] darréu, en 1844, Kaup describió'l xéneru Hieraaetus onde foi a la fin incluyida.
Dellos estudios clasificaron a tol xéneru Hieraaetus dientro del xéneru Aquila,[8][9] anque otros autores siguen calteniendo'l xéneru, y la inclusión de l'águila calzada nel mesmu.[10][11][12][13] La situación taxonómica d'esti grupu d'águiles inda precisa de más estudios pa resolvese.[14]
Distribución y hábitat
[editar | editar la fonte]Atópase pel sur d'Europa, África del Norte y Asia. Ye una ave migratoria que pasa los iviernos nel África subsaḥariana y sur d'Asia; anque nel suroeste de la Península Ibérica hai pequeñes poblaciones invernantes.[4]
Habita nes zones forestales que tean entemecíes, como en mosaicu, con zones de carba y terrenes abiertos.[4][15]
Comportamientu
[editar | editar la fonte]Reproducción
[editar | editar la fonte]Realiza'l nial nun árbol, escasamente nun cortáu predresu.[4][5] Xeneralmente escueye los exemplares más grandes.[ensin referencies] El nial suel tener una base con cañes grandes y recubiertu de fueyes de pinu. La puesta ye de 1 a 3 güevos, anque lo más común son dos.[5][6] La incubación dura de 35 a 40 díes, y los pollos permanecen nel nial de 56 a 60 díes.[5]
Alimentación
[editar | editar la fonte]Aliméntase de fontes bien variaes, principalmente aves, pero tamién pequeños mamíferos, reptiles, páxaros ya inclusive invertebraos.[5][15].
Referencies
[editar | editar la fonte]- ↑ Clements, J.F.; T.S. Schulenberg, M.J. Iliff, B.L. Sullivan, & C.L. Wood. «The Clements Checklist of Birds of the World, Version 6.5». Cornell University Press. Consultáu'l 12 de xunu de 2011.
- ↑ «Taxonomía de l'águila calzada». Consultáu'l 4 d'agostu de 2011. «Avibase»
- ↑ URL de la referencia: http://www.sabencia.net/nomenclator.php.
- ↑ 4,0 4,1 4,2 4,3 4,4 Mullarney,K.; Svensson, L.; Zetterström, D; y Grant, P.J. (2003). Guía de Campu de les Aves d'España y d'Europa. Editorial Omega. ISBN 84-282-1218-X.
- ↑ 5,0 5,1 5,2 5,3 5,4 5,5 5,6 Oliveros Calvo, J.C. (2008). Guía de los Rapaces de Castilla-La Mancha. Conseyería de Mediu Ambiente y Desenvolvimientu Rural. Xunta de Comunidaes de Castiella-La Mancha. ISBN 978-84-7788-492-7.
- ↑ 6,0 6,1 «Aguililla calzada». Consultáu'l 24 de payares de 2008. «Pajaricos.es»
- ↑ «Hieraaetus pennatus» (inglés). Archiváu dende l'orixinal, el 2015-09-27. Consultáu'l 24 de payares de 2008. «Fauna Europaea»
- ↑ Wink, M., Sauer-Gürth, H. (2004) Phylogenetic relationships in diurnal raptors based on nucleotide sequences of mitochondrial and nuclear marker xenes. En: Raptors Worldwide; (R.D. Chancelor & B.-O. Meyburg, eds.), WWGBP, Berlín.
- ↑ Sociedá Española d'Ornitoloxía. «Llista d'aves d'España». Consultáu'l 27 de mayu de 2013.
- ↑ Cornell Lab of Ornithology. «Clement's Checklist 6.7» (inglés). Consultáu'l 27 de mayu de 2013.
- ↑ Gill, F. & D. Donsker (eds.). «IOC World Bird List (v3.3)». Archiváu dende l'orixinal, el 2010-03-24. Consultáu'l 27 de mayu de 2013.
- ↑ Zoonomen. «Birds of the World -- current valid scientific avian names.» (inglés). Consultáu'l 27 de mayu de 2013.
- ↑ «Species factsheet: Hieraaetus pennatus.» (inglés). Consultáu'l 27 de mayu de 2013. «BirdLife International»
- ↑ BirdLife International (2012). «Hieraaetus pennatus» (inglés). Llista Roxa d'especies amenazaes de la UICN 2024. Consultáu'l 27 de mayu de 2013.
- ↑ 15,0 15,1 «Hieraaetus pennatus (Vertebraos Ibéricos)». Consultáu'l 24 de payares de 2008. «Atles de les Aves Terrestres d'España»
Enllaces esternos
[editar | editar la fonte]Wikispecies tien un artículu sobre Hieraaetus pennatus. |
- Identificación de sexos y edaes nel Atles d'Identificación de les Aves d'Aragón.
- Ficha de la especie, nun proyeutu divultativo del Muséu Nacional de Ciencies Naturales
- Monografía de la especie, nun proyeutu divultativo SEO/BirdLife