Jackie 'Butch' Jenkins
Jackie 'Butch' Jenkins | |
---|---|
| |
Vida | |
Nacimientu | Los Angeles, 29 d'agostu de 1937[1] |
Nacionalidá |
|
Llingua materna | inglés |
Muerte | Asheville, 14 d'agostu de 2001[1] (63 años) |
Estudios | |
Estudios |
Greenhill School (en) |
Llingües falaes | inglés |
Oficiu | actor, actor de cine |
IMDb | nm0420862 |
Jackie 'Butch' Jenkins (29 d'agostu de 1937, Los Angeles – 14 d'agostu de 2001, Asheville) foi un actor infantil d'Estaos Xuníos, con una curtia carrera cinematográfica nos años 1940.
Biografía
[editar | editar la fonte]El so verdaderu nome yera Jack Dudley Jenkins, y nació en Los Angeles, California, siendo la so madre l'actriz Doris Dudley. Jenkins debutó nel cine a los seis años d'edá col filme The Human Comedy (1943), en siendo afayáu por un cazatalentos de MGM que lu vio xugando nuna sablera de Santa Monica (California).[2] La so actuación nel filme como l'hermanu pequeñu de Mickey Rooney foi aplaudida, y Jenkins foi escoyíu p'actuar en delles películes posteriores.
A Jenkins dióse-y el papel protagonista del filme de 1946 Boy's Ranch, inspiráu nel ranchu de Texas que facilitaba llar y educación a neños desarimaos. La cinta, producida por MGM, foi pensada como una continuación de Boys Town (1936), y taba coprotagonizada por James Craig, que tamién trabayaba na primer película de Jenkins, The Human Comedy, según na siguiente, Little Mr. Jim. Otres películes de Jenkins fueron National Velvet (1944), Our Vines Have Tender Grapes (1945), My Brother Talks to Horses (1947), The Bride Goes Wild (1948) Summer Holiday (1948) y Big City (1948), la so última actuación pal cine.
Jenkins foi unu d'ente los varios y populares actores infantiles de MGM nos primeres años 1940, y foi educáu na escuela de la compañía xunto a otros mozos contrataos pola mesma como Elizabeth Taylor, Margaret O'Brien, Claude Jarman Jr. y Darryl Hickman. Considerábase-y un "robaescenas", y destacaba ente les estrelles infantiles del estudiu por non ser convencionalmente "llindu", colos sos peques, dientes separaos y el pelo espelurciáu.[2][3] En 1946 los empresarios de les sales de cine votáronlu como la segunda estrella más prometedora.[4]
Jenkins retirar de l'actuación a los once años d'edá, en desenvolviendo un tatexo.[5] 'Butch' Jenkins consolidó una vida alloñada del mundu del espectáculu, y vivió mientres munchos años en Texas, finando'l 14 d'agostu de 2001, a los 63 años d'edá, en Asheville, Carolina del Norte.
Referencies
[editar | editar la fonte]- ↑ 1,0 1,1 Afirmao en: GeneaStar. Identificador GeneaStar de persona: jenkinsjack. Apaez como: Jackie "butch" Jenkins.
- ↑ 2,0 2,1 Chaneles, Sol and Wolsky, Albert (1974). The Movie Makers. Vineyard Books, New York, páx. 279. ISBN 0-7064-0387-8.
- ↑ Kael, Pauline (1982). 5001 Nights at the Movies. Zenith, London, páx. 260 and 407. ISBN 0-09-933550-6.
- ↑ The Stars of To-morrow.. NSW: National Library of Australia. 10 de setiembre de 1946. p. 11 Supplement: The Sydney Morning Herald Magacín. http://nla.gov.au/nla.news-article17994035. Consultáu'l 24 d'abril de 2012.
- ↑ Jackie 'Butch' Jenkins. New York Times. http://movies2.nytimes.com/gst/movies/filmography.html?p_id=35451. Consultáu'l 10 de xunu de 2007.
Enllaces esternos
[editar | editar la fonte]
Wikimedia Commons tien conteníu multimedia tocante a Jackie 'Butch' Jenkins.
- Jackie 'Butch' Jenkins na Internet Movie Database (n'inglés)