Luisa Carlota de Borbón-Dos Sicilies
Luisa Carlota de Borbón-Dos Sicilies y Borbón. (24 d'ochobre de 1804, Portici (es) – 29 de xineru de 1844, Palacio de la infanta Carlota (es)
), yera princesa del Reinu de les Dos Sicilies, siendo la fía de Francisco I de les Dos Sicilies y de María Sabela de Borbón, foi hermana de Fernandu II de les Dos Sicilies y de María Cristina de Borbón-Dos Sicilies, tía y suegra de la reina Sabela II d'España puesto que'l primoxénitu del so matrimoniu con Francisco de Paula de Borbón, Franciscu d'Asís de Borbón casóse con ella. Tamién foi madre d'Enrique de Borbón, muertu pol primu de Luisa, Antonio d'Orleans.
Biografía
[editar | editar la fonte]Luisa Carlota nació en Nápoles, y como la mayor parte de les nueves princeses de la dómina, casóse a bien temprana edá y por razones d'estáu. El 12 de xunu de 1819, con tan solo 14 años, la princesa casóse col so tíu, l'infante Francisco de Paula de Borbón; dende entós ostentó'l títulu de infanta d'España; la pareya tuvo los siguientes fíos:
- Franciscu d'Asís Lluis de Borbón (1820–1821), infante d'España, I duque de Cádiz.
- Isabel Fernanda de Borbón (1821–1897), infanta d'España; casada col conde Ignacio Gurowski. Dexó descendencia.
- Franciscu d'Asís de Borbón (1822–1902), infante d'España, II duque de Cádiz. Rei consorte d'España pol so matrimoniu cola so prima Sabela II.
- Enrique de Borbón (1823–1870), Duque de Sevilla, muertu en duelu col duque de Montpensier.
- Luisa Teresa de Borbón (1824–1900), infanta d'España, casada con Don José María Osorio de Moscoso y Carvajal, Duque de Sessa. Tuvo descendencia.
- Eduardo Felipe de Borbón (1826–1830), infante d'España.
- Josefina Fernanda de Borbón (1827–1910), infanta d'España hasta'l so matrimoniu morganáticu y de callao col periodista José Güell y Renté. Tuvo descendencia.
- María Teresa de Borbón (1828–1829), infanta d'España.
- Fernando María de Borbón (1832–1854), infante d'España.
- María Cristina de Borbón (1833–1902), infanta d'España, casada col infante Sebastián Gabriel de Borbón. Tuvo cinco fíos, pero nengunu recibió'l tratu d'infante d'España.
- Amalia Filipina de Borbón (1834–1905), infanta d'España, casada col Príncipe Adalberto de Baviera.
Desempeñó un papel decisivu nes hores d'agonía de Fernandu VII en 1832. Alvertida de que'l rei anulara de forma secreta ya inducíu nel so llechu de muerte la Pragmática Sanción que derogaba la Llei Sálica, dexando asina la socesión de la corona al infante Carlos María Isidro en desterciu de les sos propies fíes (sobrines de Luisa Carlota), la infanta fixo llamar al ministru Tadeo Calomarde por que-y amosara l'orixinal de tal documentu. Puesta ante'l pergamín, garrólu, resgólu y tirólu al fueu. Al ver que'l ministru intentaba recuperar el documentu, la infanta solmenó-y dos bofetadas que pasaron a la historia. Con gran cortesía, el ministru retrucó: «Señora, manes blanques nun ofienden».
Pasáu l'incidente, el rei recuperóse y dio plenos poderes a la so esposa, que poco dempués sería rexente del reinu. Mientres esti periodu la infanta goció de gran ascendiente ente'l rei y la so hermana la reina.
Cuando la so hermana convirtióse en reina gobernadora l'amistá ente los dos foise deteriorando hasta terminar en total rivalidá. Foi exiliada a Francia y dende ellí patrocinaba libelos publicaos en Madrid contra María Cristina, criticándola pol so matrimoniu con Fernando Muñoz. Morrió en Madrid el 29 de xineru de 1844.
La infanta foi una muyer ambiciosa que deseyaba asitiar a unu de los sos fíos nel tronu español. Sicasí, la so temprana muerte a los 39 años torgó-y guardar el matrimoniu del so primoxénitu, Franciscu d'Asís de Borbón, cola so sobrina, la reina Sabela II d'España. El so home volvió contraer matrimoniu en 1852. Ta soterrada en San Lorenzo de El Escorial.
Distinciones honorífiques
[editar | editar la fonte]Dama de la Orde de les Dames Nobles de la Reina María Lluisa.
Dama de la Orde de la Cruz Estrellada.[3][4]
Ancestros
[editar | editar la fonte]Referencies
[editar | editar la fonte]- ↑ 1,00 1,01 1,02 1,03 1,04 1,05 1,06 1,07 1,08 1,09 1,10 1,11 1,12 1,13 Afirmao en: Diccionario biográfico español. Identificador DBE: 8872/luisa-carlota-de-borbon-y-borbon. Editorial: Real Academia de la Historia. Llingua de la obra o nome: castellanu. Data d'espublización: 2011.
- ↑ 2,0 2,1 Afirmao en: The Peerage. Identificador de persona en The Peerage: p11353.htm#i113523. Apaez como: Luisa Carlota di Borbone, Principessa delle Due Sicilie. Data de consulta: 9 ochobre 2017. Autor: Darryl Lundy. Llingua de la obra o nome: inglés.
- ↑ «Portrait Miniature of Princess Louisa Carlotta» (inglés). Consultáu'l 19 de xunu de 2017.
- ↑ «María Josefa Amalia de Saxonia - Coleición - Museo Nacional del Prau». Consultáu'l 4 de xineru de 2017.
Ver tamién
[editar | editar la fonte]- Francisco de Paula de Borbón
- Sabela II d'España
- María Cristina de Borbón
- Franciscu d'Asís de Borbón
- Enrique de Borbón
- Amalia Filipina de Borbón