Susana Baca
Susana Baca | |||
---|---|---|---|
| |||
28 xunetu 2011 - 10 avientu 2011 ← Juan Ossio - Luis Peirano → | |||
Vida | |||
Nacimientu |
Chorrillos (es) | ||
Nacionalidá |
| ||
Grupu étnicu |
afroperuano (es) | ||
Estudios | |||
Estudios |
Universidad Nacional de Educación Enrique Guzmán y Valle (es) | ||
Llingües falaes | castellanu[2] | ||
Oficiu | cantante, política, compositora, etnomusicóloga | ||
Premios | |||
Mena de voz | contraltu | ||
Instrumentu musical | voz | ||
Discográfica |
Luaka Bop EGREM Tumi Music (es) Real World Records | ||
Creencies | |||
Relixón | catolicismu | ||
Susana Esther Baca de la Colina (24 de mayu de 1944, Chorrillos (es) ) ye una cantante y compositora peruana, ganadora del "Latin Grammy". Ye tamién investigadora de música afroperuana y pedagoga y maestra de profesión. Foi Ministra de Cultura de Perú ente'l 28 de xunetu de 2011 al 10 d'avientu del mesmu añu.
Biografía
[editar | editar la fonte]Nació nel distritu de Chorrillos de la ciudá de Lima. D'ascendencia cañetana, ye prima de Caitro Soto y Ronaldo Campos. Ye responsable, xunto al so maridu y representante Ricardo Pereira, de la recuperación d'armoníes y ritmos casi escaecíos de la música afroperuana.
Susana Baca vivió la so neñez nel distritu limeñu de Chorrillos, llugar d'onde guarda les meyores acordances según ella mesma indica en diverses entrevistes. Dende bien neña tuvo arrodiada de músicos; so padre yera guitarrista; so madre, bailarina; les sos tíes cantaben al estilu d'Aretha Franklin y un par de los sos vecinos fueron los creadores del grupu Perú Negro. Ellos aportaron el puxu necesariu que llevó a Susana a dedicase plenamente a la música.
Col tiempu entamó los sos estudios de música y formó un grupu de música esperimental, que combinaba música y poesía local. Ganó dos beques, una del Institutu d'Arte Modernu de Perú y la otra del Institutu Nacional de Cultura Peruana pa investigar los raigaños de la tradición musical peruana, arriendes d'obtener el premiu d'interpretación y composición nel primer Festival Internacional d'Agua Dulce.
Estudió educación na Universidá Enrique Guzmán y Valle, "La Cantuta" onde se graduó en 1968. Esta mesma institución concedió-y el 20 de payares de 2009 el Doctoráu Honoris Causa.
En 1995, Luaka Bop, el sellu creáu por David Byrne, sorprendió cola edición d'un trabayu recopilatoriu qu'espeyó “L'alma de Perú Negru”. Nél atopábase “María Landó”, una canción que llevaba impresa la voz y la interpretación de la que, col tiempu, se convertiría na principal referente de la tradición musical afro-peruana y una de les más destacaes artistes llatinoamericanes de la música folclórica. Pero na carrera de Susana Baca non sólo l'aporte de David Byrne foi fundamental. Chabuca Granda, famosa cantante y compositora, convirtióse n'otra pieza clave na carrera de Susana. L'autora de “Fina Estampa” y “La flor de la canela” atopó en Susana a la so socesora, hasta tal puntu que la contrató como ayudante personal.
Desgraciadamente, Chabuca morrió, pero en nome de la so amiga y nel del so pueblu, Susana continuó la xera: estudiar y recuperar el soníu de la so tierra. Ella y su maríu, Ricardo Pereira, recorrieron la costa peruana recopilando testimonios y documentos d'aquellos pueblos afro-descendientes. El resultáu d'esi trabayu tresformóse depués nel llibru “Del fuego y de l'agua”, asoleyáu en 1992 depués d'once años de llabor. Tres años más sero, la pareya creó l'"Instituto Negro" que continuó con un oxetivu asemeyáu al del llibru: caltener con puxu la tradición afroperuana.
Discografía
[editar | editar la fonte]- Color de Rosa Poesía y Canto Negro (1987)
- Vestida de Vida, Canto Negro de las Américas! (1991)
- Fuego y Agua (1992)
- Susana Baca (1997)
- Eco de Sombras (2000)
- Lamento Negro (2001)
- Espíritu Vivo (2002)
- Lo Mejor de Susana Baca (2004)
- Travesías (2006)
- Seis Poemas (2009)
- Mama (2010)
- Cantos de adoración (2010)
- Afrodiaspora (2011)
Referencies
[editar | editar la fonte]- ↑ Afirmao en: Biblioteca Nacional de Francia. Data de consulta: 3 avientu 2021.
- ↑ «idRef» (francés). Agencia Bibliográfica de Enseñanza Superior. Consultáu'l 11 mayu 2020.
- ↑ URL de la referencia: https://www.billboard.com/articles/columns/latin/9486378/2020-latin-grammys-winners-list/.
Enllaces esternos
[editar | editar la fonte]- Sitiu web oficial nel sellu discográficu Luaka Bop Archiváu 2009-09-08 en Wayback Machine (n'inglés)
- Entrevista en RealAudio por Radio Nederland (Duración: 48 minutos, n'español)
- Videos de la so presentación en Belo Horizonte (Brasil) Archiváu 2012-09-15 en Wayback Machine en marzu de 2005.
- Una Entrevista con Susana Baca Archiváu 2013-08-23 en Wayback Machine (n'inglés)
Predecesor: Juan Ossio Acuña |
Ministru de Cultura de Perú 28 de xunetu de 2011 - 10 d'avientu de 2011 |
Socesor: Luis Peirano |