Y Ddraig Goch
Wikiproyeutu: |
La bandera de Gales, conocida como Y Ddraig Goch (lliteralmente, "el cuélebre bermeyu") ye unu de los símbolos del país de Gales. L'usu rexistráu más antiguu d'un cuélebre pa representar a Gales apaez na Historia Brittonum, escrita al rodiu'l 820, pero la tradición popular diz que foi l'estandarte del rei Arturu y otros cabezaleros celtes. Nos reinaos de la dinastía Tudor, el cuélebre bermeyu yera usáu como sofitu nel escudu real d'Inglaterra (yera ún de los sofitos, l'otru un lleón inglés). El cuélebre bermeyu úsase davezu en cualesquier cosa galesa, siendo usada n'abondes instituciones privaes y públiques del país de Gales (ex: L'Asamblea Galesa, Turismu Gales o gobiernos llocales como los de Blaenau Gwent, Cardiff, Carmarthenshire, Newport, Rhondda Cynon Taf, Swansea, y entes deportivos como l'Institutu Galés de Deportes, l'Asociacion Galesa de Fútbol, Newport Gwent Dragons, London Welsh RFC, etc.)
Referencies
[editar | editar la fonte]- https://www.bbc.co.uk/wales/history/sites/flag/
- Lofmark, Carl A History of the Red Dragon Gwasg Carreg Gwalch 1995 ISBN 0863813178