Libol (Oryctolagus cuniculus)
Libol Oryctolagus cuniculus | |||||||||||||||
| |||||||||||||||
giltafa pulara | |||||||||||||||
Bliind | Animalia | ||||||||||||||
Dansok | Chordata | ||||||||||||||
Volveydansok | Vertebrata | ||||||||||||||
Pula | Mammalia | ||||||||||||||
Volveypula | Theria | ||||||||||||||
Tolvolveypula | Eutheria | ||||||||||||||
Veem | Lagomorpha | ||||||||||||||
Yasa | Leporidae | ||||||||||||||
oxi | |||||||||||||||
Oryctolagus | |||||||||||||||
Lilljeborg, 1873 | |||||||||||||||
katca | |||||||||||||||
Oryctolagus cuniculus | |||||||||||||||
Linnaeus, 1758
| |||||||||||||||
Libol (Oryctolagus cuniculus) okon Europaf libol tir tana katca ke Oryctolagus oxi vey Leporidae yasa ke LAGOMORPHA veem.
Gan Linnaeus bak 1758 taneon zo pimtayar.
Pimtara
[betara | va krent betá]Europaf libol tir vey Europa is taltefa Afrika. Ko Australia is Newzelanda is Tcilea zo kobureyer. Batugale koe Europa nelkon blir.
Bat vibas dunol dem vaf is pibaf im va anameda kum bixesid koe fenkunaf patectoy dem rodafa is idulafa lidawicka koe azeka ledam briaxo karolackar. Poke aala moe beripafa ik pistafa datca ik koe dubuxo ik baspexo is poke golebafa nuda koe gerd is matela is cane widavapa vaon trasit. Afizon zavzar palsewes koe levesidaf tawaz aze anton moni siel az miel va welma ticlanir.
Tir nazbukapaf : mali toleaksat kali pereaksat walikrackar, isen libolya arti barsankafa ocagera kalion sonazbar. Oc sotid jontik ise imiskon is wiiskon koblid. Koe dambaf aptaf tawaz dem kolanixo riyuyuno is kotawayano gan libolya zo gaad.
Europaf libol gizavzar sagaf gu vreda ise kaik 6000 metre rion illanir.
Europaf libol sotir sporgafa katca ; libolya tevon tandeon rodenazbar. Ta nendara va oc is videra va idul, va tawaz gu bapla ik tij ik intyon imolk kotron stornar. Wori va oc remi vanvrodara anton trumar. Kota tolonga va intaf tawaz digir nume lickon kevnendar. |
Vexala dem apteem
[betara | va krent betá]Sedme Mammal Species of the World (siatos ke 2005), bata katca vas 6 apta ruldar :
- Libol (Oryctolagus cuniculus cuniculus) (Linnaeus, 1758)
- Libol (Oryctolagus cuniculus algirus) (Loche, 1858)
- Libol (Oryctolagus cuniculus brachyotus) (Trouessart, 1917)
- Libol (Oryctolagus cuniculus cnossius) (Bate, 1906)
- Libol (Oryctolagus cuniculus habetensis) (Cabrera, 1923)
- Libol (Oryctolagus cuniculus huxleyi) (Haeckel, 1874)
Pulasa vuestexa is xantaza
[betara | va krent betá]
- (en) vuest- : Mammal Species of the World (v- 3, 2005) : Oryctolagus cuniculus (Linnaeus, 1758)
- (en) vuest- : CITES : Oryctolagus cuniculus
- (en) vuest- : UICN : katca Oryctolagus cuniculus (Linnaeus, 1758)
- (en, fr) vuest- : ITIS : Oryctolagus cuniculus (Linnaeus, 1758)
- (en) vuest- : Tree of Life Web Project : Oryctolagus cuniculus
- (en) vuest- : Catalogue of Life : Oryctolagus cuniculus (Linnaeus, 1758)
- (en) vuest- : Paleobiology Database : Oryctolagus cuniculus (Linnaeus, 1758)
- (en) vuest- : Animal Diversity Web : Oryctolagus cuniculus
- (en) vuest- : NCBI : Oryctolagus cuniculus
Ara vuestexa
[betara | va krent betá]- Libol (Oryctolagus cuniculus) dene Wikispecies
Kotavafa vuestesa xantaza
[betara | va krent betá]- Kotava winugaf moukolaf ravlemak (Kotava, Latinava, 2019)