Matteo Renzi
Este artigo (ou sección) está desactualizado(a). A información fornecida mudou ou é insuficiente. |
Biografía | |
---|---|
Nacemento | 11 de xaneiro de 1975 Florencia, Italia |
Membro do consello directivo Delimobil (en) | |
agosto de 2021 – 24 de febreiro de 2022 | |
Senador de Italia | |
9 de marzo de 2018 – 12 de outubro de 2022 Lexislatura: 18th Legislature of Italy (en) | |
Secretary of the Democratic Party (en) | |
7 de maio de 2017 – 12 de marzo de 2018 ← Matteo Orfini – Maurizio Martina (pt) | |
Italian Minister of Economic Development (en) | |
5 de abril de 2016 – 10 de maio de 2016 ← Federica Guidi (pt) Gabinete ministerial: Governo Renzi (pt) | |
Italian Minister of Transports and Infrastructures (en) | |
20 de marzo de 2015 – 2 de abril de 2015 ← Maurizio Lupi (pt) Gabinete ministerial: Governo Renzi (pt) | |
Presidente do Conselho da União Europeia (pt) | |
1 de xullo de 2014 – 31 de decembro de 2014 ← Antónis Samarás (pt) | |
56º Presidente do Consello de Ministros de Italia | |
22 de febreiro de 2014 – 12 de decembro de 2016 ← Enrico Letta (pt) Gabinete ministerial: Governo Renzi (pt) Nomeado por: Giorgio Napolitano | |
Secretary of the Democratic Party (en) | |
15 de decembro de 2013 – 19 de febreiro de 2017 ← Guglielmo Epifani – Matteo Orfini → | |
Alcalde de Florencia | |
23 de xuño de 2009 – 16 de maio de 2014 ← Leonardo Domenici (en) | |
President of the Province of Florence (en) | |
13 de xuño de 2004 – 8 de xuño de 2009 ← Michele Gesualdi (pt) | |
Datos persoais | |
País de nacionalidade | Italia |
Relixión | Igrexa católica |
Educación | Universidade de Florencia - xurisprudencia (–1999) Lc Dante (en) |
Actividade | |
Campo de traballo | Política |
Lugar de traballo | Florencia Roma |
Ocupación | político (1996–) |
Partido político | Italia Viva (pt) Partido Democrático (2007–2019) A Margarida (2002–2007) Partido Popular Italiano (pt) |
Membro de | |
Lingua | Lingua italiana |
Participou en | |
30 de marzo de 2023 | FII PRIORITY In Miami, USA (en) |
25 de outubro de 2022 | FII 6th Edition in Riyadh (en) |
21 de xaneiro de 2015 | Encontro Anual do Foro Económico Mundial de 2015 |
FII 4th Edition in Riyadh (en) | |
FII 5th Edition in Riyadh (en) |
|
Familia | |
Cónxuxe | Agnese Landini (1999–) |
Pais | Tiziano Renzi (pt) |
Irmáns | Samuele Renzi (pt) |
Premios
| |
Páxina web | matteorenzi.it |
Matteo Renzi, nado en Florencia o 11 de xaneiro de 1975, é un político italiano, primeiro ministro desde o 22 de febreiro de 2014, foi alcalde de Florencia desde 2009 ata 2014 e mais é o líder do Partido Democrático tras vencer as primarias do 8 de decembro de 2013.
Traxectoria
[editar | editar a fonte]Fillo de Laura Bovoli e Tiziano Renzi,[1][2] antigo concelleiro na localidade de Rignano sull'Arno entre 1985 e 1990 pola Democracia Cristiá,[3]. Estudou dereito na Universidade de Florencia rematando estudos en 1999 [4] coa tese Amministrazione e cultura politica: Giorgio La Pira Sindaco del Comune di Firenze 1951-1956. Membro dos scout dirixiu a revista Camminiamo insieme,[5] e traballou para a firma CHIL Srl,[4] sociedade de servizos de mercadotecnia propiedade da súa familia[6] sobre todo coordinando o servizo de venda de La Nazione na área florentina.
Carreira política
[editar | editar a fonte]Primeiros anos
[editar | editar a fonte]Renzi entrou en política cando estudaba no instituto[7]. En 1996 contribuíu no nacemento do Comité de apoio a Romano Prodi na Toscana entrando no Partido Popular Italiano, converténdose no seu secretario provincial en 1999 [8]. No ano 2001 era o coodinador de La Margherita en Florencia e secretario provincial en 2003[9].
Presidente da provincia de Florencia
[editar | editar a fonte]Entre os anos 2004 e 2009 foi o presidente da provincia de Florencia[4]; nas eleccións do 12 e 13 de xuño de 2004 logrou o 58,8% dos votos, á cabeza dunha coalición de centro-esquerda[10], durante o seu mandato diminuíu as taxas provinciais, o persoal e os cargos do ente florentino[11], aínda que en 2012 o tribunal de contas da Toscana condenouno por un desfase contable nos gastos de representación de 50.000 euros, que Renzi atribuíu a cuestións técnicas[12]
Alcalde de Florencia
[editar | editar a fonte]O 29 de setembro de 2008 presentou a súa candidatura ás primarias do centro-esquerda á alcaldía de Florencia, logrando o 40,52% dos sufraxios e vencendo ao candidato oficial, deputado e responsable de relacións internacionais do PD Lapo Pistelli que quedou co 26,91% dos votos.[13].
Nas eleccións municipais do 9 de xuño de 2009 Renzi obtivo o 47,57% contra o 32% do candidato do centro-dereita Giovanni Galli, con quen vai á segunda volta, gañando as eleccións do 22 de xuño [4] co 59,96% dos votos[14]. Pouco despois entrou a formar parte da dirección do PD[15], alcalde popular algunhas sondaxes amósano no ano 2010 como o alcalde máis querido de Italia [16][17].
O 6 de decembro de 2010 Matteo Renzi reuniuse na vila privada do entón primeiro ministro Silvio Berlusconi, para "discutir algúns termos legais da administración de Florencia"[18], tras coñecerse a noticia provocou polémica entre os seus seguidores[19].
So a súa dirección, Florencia foi a primeira gran cidade italiana en aprobar un plano de ordenación urbana de volume cero, que só permite construír edificios novos demolendo igual volume de edificios vetustos[20], e a peonalización de coñecidos lugares da cidade como a Piazza de' Pitti.
O movemento dos "rottamatori"
[editar | editar a fonte]O 29 de agosto de 2010 lanzou a idea coñecida como «rottamazione» (reciclaxe) dos dirixentes tradicionais do PD[21], e do 5 ao 7 de novembro seguinte organizou con Giuseppe Civati e Debora Serracchiani unha asemblea en Florencia baixo o lema Prossima Fermata: Italia (Próxima parada: Italia)[22], que contou con 800 intervenientes e 6800 partipantes[23], e da que saíu o manifesto do "renzismo": a Carta di Firenze[24].
Entre os principais apoio do grupo dos "rottamatori" salientan o presidente da asemblea lexislativa de Emilia-Romagna Matteo Richetti, o deputado da asemblea de Sicilia Davide Faraone, o conselleiro rexional lombardo Giuseppe Civati, os senadores Andrea Marcucci, Roberto Della Seta, Francesco Ferrante, Pietro Ichino, Luigi Lusi e os deputados Luigi Bobba, Giuseppe Civati, Roberto Giachetti, Maria Paola Merloni, Ermete Realacci e Giuseppina Servodio[25].
Primarias de 2012
[editar | editar a fonte]O 13 de setembro de 2012 presentou oficialmente a súa candidatura ás eleccións primarias do centro-esquerda[26], en pugna co secretario do PD Pier Luigi Bersani, o presidente de Puglia e de Esquerda Ecoloxía Liberdade Nichi Vendola, a conselleira da rexión do Véneto Laura Puppato (PD) e o concelleiro de Milán Bruno Tabacci (Alianza por Italia)[27].
Na primeira volta das primarias o 25 de novembro de 2012 Renzi logrou o 35,5% dos sufraxios, o segundo logo de Bersani que tivo o 44,9% [28]. Na segunda volta, o 2 de decembro, quedou co 39,1% contra o 60,9% do secretario do PD[29].
Críticas
[editar | editar a fonte]A candidatura de Renzi foi obxecto de polémica no seo do PD, e contestada por varios dirixentes, como Rosy Bindi e Massimo D'Alema, e do presidente de Esquerda, Ecoloxía e Liberdade Nichi Vendola[30][31].
Pero a contestación máis forte veu de Stefano Fassina, responsable de economía do PD, que acusou a Renzi de copiar algúns puntos do programa de Bersani, o que Renzi replicou que o seu programa era anterior ao do secretario do PD[32].
Primarias de 2013
[editar | editar a fonte]Nunha entrevista publicada o 9 de xullo de 2013 a La Repubblica anunciou a súa intención de presentar a súa candidatura a secretario nacional do PD[33].
Ademais dos apoios que tivera nas primarias de 2012 recibiu os de Dario Franceschini e da súa corrente Area Democratica[34] (Marina Sereni[35], Piero Fassino[36] e David Sassoli, mais tamén asinaron a presentación da súa candidatura algunhas figuras consideradas próximas ao primeiro ministro Enrico Letta, como Gianni Dal Moro, Francesco Sanna, Francesco Boccia, Lorenzo Basso e Enrico Borghi.[37]
Os contrincantes de Renzi foron Gianni Cuperlo, deputado e exsecretario da Federación Xuvenil Comunista Italiana[38] e Giuseppe Civati, deputado e exconselleiro rexional na Lombardía[39][40].
O 8 de decembro de 2013 resultou elixido secretario do Partito Democrático co 67,5% des votos, proclamándose oficialmente o 15 de decembro no decurso da nova asemblea electa do PD.[41]
Presidente do Consello de Ministros (febreiro de 2014- decembro de 2016)
[editar | editar a fonte]A raíz destas primarias, o partido pediu o seu nomeamento como presidente do Consello de Ministros, en substitución de Enrico Letta, membro tamén do PD. Dimitido Letta, Renzi xurou o seu cargo o 22 de febreiro de 2014. Con 39 converteuse no presidente do Consello máis novo da Italia republicana. Renzi lanzou un goberno especialmente preocupado por reformar o funcionamento da estrutura política do país. Propuxo a revisión das atribucións das rexións, a abolición do bicameralismo para reforzar o papel do parlamento e, sobre todo, propuxo unha reforma da lei electoral. Para estes fins, buscou o apoio do centrodereita, en particular de Silvio Berlusconi.
Como a proposta de reforma da lei electoral non acadaba a maioría suficiente na Cámara, Renzi impulsou un referendo. Celebrouse o 4 de decembro de 2016 cunha participación do 65% do electorado. O Si acadou nada máis o 41% dos sufraxios. Como resultado desta clara derrota, Renzi presentou a súa dimisión, sendo relevado o 12 de decembro por Paolo Gentiloni.
Abandono do Partito Democrático e fundación de Italia Viva
[editar | editar a fonte]Despois de abandonar o cargo de primeiro ministro, Renzi abandonou tamén a secretaria do PD. Con todo volveu ser reelixido en primarias. Tralos desastrosos resultados do PD nas eleccións de marzo de 2018 presentou novamente a súa dimisión. En setembro de 2019 lanzou un novo proxecto político, Italia Viva, que se integrou con dúas ministras no goberno de Giuseppe Conte. Foi precisamente a retirada destas dúas ministras do goberno a que provocou a caída de Conte en febreiro de 2021. A impresión de que Renzi actuou unicamente movido por intereses de partido pon en dúbida o seu futuro político.
Posicións políticas
[editar | editar a fonte]Renzi tense declarado favorable ao recambio xeracional da clase dirixente, por medio de eleccións primarias, e amósase partidario de reducir o custo da política, con algunhas medidas como a eliminación dunha das dúas cámaras, a abolición do financiamento público dos partidos, a elección directa dos políticos polos cidadáns, a abolición dos postos vitalicios e a cancelación da contribución estatal aos xornais dos partidos[42].
É partidario das unións civís seguindo o modelo británico e declarou que un político non debe ver o matrimonio como un sacramento [43]. Votou contra das nucleares no referendo de 2011. Partidario de modificar a lei electoral italiana para o Parlaento europeo, reuniuse con Silvio Berlusconi para propoñeren unha nova lei electoral baseada nun colexio plurinominal con eventual dobre quenda e premio á maioría [44].
Obra
[editar | editar a fonte]- Matteo Renzi (con Lapo Pistelli e colaboracións de Romano Prodi, Luciano Violante e Carlo Conti) (1999). Giunti, ed. Ma le giubbe rosse non uccisero Aldo Moro. La politica spiegata a mio fratello. ISBN 88-09-01483-9.
- Matteo Renzi (2006). Giunti, ed. Tra De Gasperi e gli U2. I trentenni e il futuro. ISBN 88-09-04793-1.
- Matteo Renzi (2008). Polistampa, ed. A viso aperto. ISBN 978-88-596-0448-8.
- Matteo Renzi (con Giancarlo Antognoni, Ettore Bernabei, Cesara Buonamici, Franco Cardini e Irene Grandi) (2010). Polistampa, ed. “La mi’ Firenze”. 1949-2009. Confartigianato racconta la città. ISBN 978-88-596-0755-7.
- Matteo Renzi (2011). Rizzoli, ed. Fuori!. ISBN 978-88-17-04899-6.
- Matteo Renzi (2012). Rizzoli, ed. Stil Novo.La rivoluzione della bellezza tra Dante e Twitter. ISBN 978-88-17-05642-7.
- Matteo Renzi (2013). Mondadori, ed. Oltre la rottamazione. ISBN 978-88-04-63298-6.
Notas
[editar | editar a fonte]- ↑ Il Fatto Quotidiano.it, ed. (6 de outubro de 2012). "Il sistema Renzi: amici, famiglia, potere. E un fascicolo sull’uso dei fondi pubblici". Consultado o 19 marzo 2013.
- ↑ Il Tirreno.Gelocal.it, ed. (13 de setembro de 2012). "Il padre di Renzi «Sono io il primo rottamato...»". Arquivado dende o orixinal o 20 de decembro de 2013. Consultado o 19 marzo 2013.
- ↑ "Ministero dell'Interno - Anagrafe degli Amministratori Locali e Regionali". Ministero dell'Interno, Dipartimento per gli affari interni e territoriali. Consultado o 19 marzo 2013.
- ↑ 4,0 4,1 4,2 4,3 A viso aperto.it (ed.). "Biografia di Matteo Renzi". Arquivado dende o orixinal o 18 de xullo de 2012. Consultado o 19 marzo 2013.
- ↑ La Nazione.it, ed. (21 de setembro de 2012). "Matteo story: Renzi, lo scout che studiava da sindaco". Consultado o 19 marzo 2013.
- ↑ lettera43.it, ed. (27 de marzo de 2013). "Renzi, la furbetta pensione da dirigente". Arquivado dende o orixinal o 13 de febreiro de 2014. Consultado o 9 novembre 2013.
- ↑ La Nazione.it, ed. (20 de setembro de 2012). "Matteo story: Renzi studente rottamava i professori". Consultado o 19 marzo 2013.
- ↑ "Matteo Renzi in Palazzo Medici Riccardi con il 58,8% dei voti". News dalle Pubbliche Amministrazioni della Toscana centrale. 15 de xuño de 2004. Consultado o 19 marzo 2013.
- ↑ Il Sussidiario.net, ed. (25 de novembro de 2012). "Primarie del centrosinistra: Chi è Matteo Renzi". Arquivado dende o orixinal o 03 de febreiro de 2014. Consultado o 19 marzo 2013.
- ↑ News dalle Pubbliche Amministrazioni della Toscana centrale, ed. (15 de xuño de 2004). "Matteo Renzi in Palazzo Medici Riccardi con il 58,8% dei voti". Consultado o 19 marzo 2013.
- ↑ "La Nazione - Firenze - "Assunti senza qualifiche" Renzi condannato dalla Corte dei Conti Il sindaco: "Fantasiosa ricostruzione"". 5 de agosto de 2011. Consultado o 19 marzo 2013.
- ↑ Vecchi, Davide (21 de setembro de 2012). Il Fatto Quotidiano, ed. "La Sprecopoli Renziana".
- ↑ Corriere.it, ed. (30 de setembro de 2008). "Renzi si candida, Domenici contrario". Consultado o 19 marzo 2013.
- ↑ "Risultati elezioni amministrative 2009". Comune di Firenze. Arquivado dende o orixinal o 18 de outubro de 2013. Consultado o 16 de febreiro de 2014.
- ↑ Direzione nazionale PD (ed.). "Direzione nazionale, i membri del Partito Democratico". Consultado o 19 marzo 2013.[Ligazón morta]
- ↑ Ansa.it, ed. (15 de setembro de 2010). "Matteo Renzi è il sindaco più amato". Consultado o 19 marzo 2013.
- ↑ Il Sole 24 ore, ed. (10 de xaneiro de 2011). "È il fiorentino Renzi il sindaco più amato d'Italia". Consultado o 19 marzo 2013.
- ↑ Il Fatto Quotidiano, ed. (8 de decembro de 2010). "Perché Renzi è andato ad Arcore?". Arquivado dende o orixinal o 13 de abril de 2013. Consultado o 11 febbraio 2011.
- ↑ Corriere della Sera, ed. (8 de decembro de 2010). "Il popolo di Facebook si divide sull'incontro tra Renzi e il Premier". Consultado o 11 febbraio 2011.
- ↑ Comune di Firenze (ed.). "Piano strutturale di Firenze". Consultado o 19 marzo 2013.
- ↑ La Repubblica.it, ed. (29 de agosto de 2010). ""Il Nuovo Ulivo fa sbadigliare è ora di rottamare i nostri dirigenti"". Consultado o 19 marzo 2013.
- ↑ Corriere.it, ed. (5 de novembro de 2010). "«La guerra fra generazioni è stata un errore Ma basta De Coubertin, proviamo a vincere»". Consultado o 19 marzo 2013.
- ↑ l'Unità, ed. (8 de novembro de 2010). "Pd, una «Carta» da Firenze Renzi: risorsa non pericolo" (PDF). Arquivado dende o orixinal (PDF) o 22 de febreiro de 2014. Consultado o 19 marzo 2013.
- ↑ La Repubblica.it, ed. (7 de novembro de 2010). "La Carta di Firenze". Consultado o 19 marzo 2013.
- ↑ Corriere Fiorentino, ed. (26 de outubro de 2011). "Corriere della Sera - Il Big bang incassa le firme di Ichino". Consultado o 19 marzo 2013.
- ↑ La Nazione.it, ed. (28 de agosto de 2012). "Renzi si candida per le primarie: la lunga corsa per vincere è su due camper gemelli, "i fiorentini orgogliosi di me"". Consultado o 19 marzo 2013.
- ↑ Corriere.it, ed. (13 de setembro de 2012). "Renzi lancia la sua sfida: «Chi è deluso da Berlusconi venga da noi»". Consultado o 19 marzo 2013.
- ↑ La Repubblica.it, ed. (2 de decembro de 2012). "Primarie centrosinistra 2012, Bersani e Renzi verso il ballottaggio". Consultado o 19 marzo 2013.
- ↑ La Repubblica.it, ed. (2 de decembro de 2012). "Primarie, Bersani stravince: oltre il 60%". Consultado o 19 marzo 2013.
- ↑ Il Fatto Quotidiano, ed. (7 de outubro de 2012). "Primarie, Bindi: “Renzi? Messaggi berlusconiani. Lavoro per sconfiggerlo”". Consultado o 19 marzo 2013.
- ↑ Il Quotidiano.net, ed. (7 de outubro de 2012). "Vendola attacca Renzi: "È lui da rottamare" La replica del sindaco: "Non cado in provocazioni"". Consultado o 19 marzo 2013.
- ↑ Il Messaggero.it, ed. (8 de outubro de 2012). "Primarie Pd, Fassina contro Renzi: copia le proposte di Bersani". Arquivado dende o orixinal o 22 de febreiro de 2014. Consultado o 19 marzo 2013.
- ↑ Claudio Tito (9 de xullo 2013). la Repubblica, ed. "Tutti mi chiedono di candidarmi così cambierò il Pd". Consultado o 22 novembre 2013.
- ↑ lettera43, ed. (2 de setembro de 2013). "Franceschini e Areadem si schierano con Renzi". Arquivado dende o orixinal o 03 de decembro de 2013. Consultado o 22 novembre 2013.
- ↑ Ignazio Dessì (5 de setembro de 2013). Tiscali, ed. "Pd, Marina Sereni: "Opportunisti? No, diciamo sì a Renzi perché vuole innovare. Il governo? Meglio che duri"". Arquivado dende o orixinal o 21 de febreiro de 2014. Consultado o 24 novembre 2013.
- ↑ Laura Secci (20 de outubro de 2013). La Stampa, ed. "Fassino: "Renzi motiva anche i delusi, Cuperlo? È il candidato della nostalgia"". Consultado o 24 novembre 2013.
- ↑ la Repubblica, ed. (11 de outubro de 2013). "Primarie Pd, candidati depositano le firme. Si allunga lista dei lettiani pro Renzi". Consultado o 22 novembre 2013.
- ↑ l'Unità, ed. (10 de maio de 2013). "Cuperlo: «Mi candido segretario, non reggente»". Arquivado dende o orixinal o 20 de febreiro de 2014. Consultado o 22 novembre 2013.
- ↑ Giuseppe Civati (13 de novembro de 2012). "Consenso e buonsenso". Consultado o 23 novembre 2013.
- ↑ l'Unità, ed. (24 de outubro de 2013). "Pd, Civati: «Voglio un partito di sinistra»". Arquivado dende o orixinal o 21 de febreiro de 2014. Consultado o 23 novembre 2013.
- ↑ la Repubblica, ed. (15 de decembro de 2013). "Pd, Renzi parte all'attacco: subito piano per lavoro, scuola e Unioni civili". E "#Beppe firma qua"". Consultado o 15 dicembre 2013.
- ↑ Il Messaggero.it, ed. (22 de novembro de 2012). "Matteo Renzi Adesso! - Primarie 2012". Arquivado dende o orixinal o 22 de febreiro de 2014. Consultado o 19 marzo 2013.
- ↑ Gay.tv (ed.). "Matteo Renzi: il matrimonio è per tutti o quasi.". Arquivado dende o orixinal o 13 de novembro de 2013. Consultado o 19 marzo 2013.
- ↑ Italicum: il testo e la spiegazione della proposta per la nuova legge elettorale Arquivado 28 de marzo de 2014 en Wayback Machine. en Polisblog.it, 23 de xaneiro de 2014